Sunday, May 21, 2017

မနေ့က ဘာရယ်မဟုတ် တီဗွီရှေ့ ထိုင်ရင်း Sister's keeper ဆိုတဲ့ ရုပ်ရှင်လေး ကြည့်မိခဲ့တယ်။ ကင်ဆာဝေဒနာသည် သမီးကြီးအတွက် မိသားစုဝင်တွေ အားလုံး ကူညီပေးဆပ်ခဲ့ကြပုံတွေ.. မိခင်တယောက်အနေနဲ့ သမီးအသက်ကို ဆွဲဆန့်ဖို့ပဲ မျှော်လင့်ချက်တွေနဲ့ တခြား ဘယ်သူ့က်ုမှ ဘယ်အရာက်ုမှ ထည့်မတွက်တော့တဲ့ ပြင်းပြထက်သန်တဲ့ ဆန္ဒ... နောက်ဆုံး ကာယကံရှင် သမီးက သူ့တွက် ထိခိုက်ပေးဆပ်ခဲ့ကြတဲ့ မိသားစုတွေအပေါ် ကျေးဇူးတင်အားနာရင်း သူ့ကို လွှတ်ပေးလိုက်ဖို့သာ တောင်းဆိုလာတော့တယ်..

ဆက်စပ်ရင်း ပုံ့လေးကို သတိရမိတယ်... ဘဝတွေ.....

ဒီနေ့မနက် သမီးသူငယ်ချင်းရဲ့ အမေ အသုဘ လိုက်ပို့ဖြစ်တယ်။ သိပ်ထက်မြက် ဖြတ်လတ် သွက်လက်တဲ့လအမျိုးသမီးပေါ့... အနာဂတ်ကောင်းတွေ (သူ့အတွက်သာမက) အသိုင်းအဝိုင်းကိုပါ မျှဝေမြှင့်တင်ပေးနေတဲ့ အမျိုးသမီး... ကလေးတွေနဲ့ ပတ်သက်ပြီး မျက်မှန်းတန်း သိကြရုံဆိုပေမယ့် သူ့ရဲ့ ထက်မြက်သွက်လက်တာတွေကို သဘောကျ အားကျခဲ့တယ်... inner က လာတဲ့ စိတ်အားတက်ကြွ ယုံကြည်လှုပ်ရှားမှုတွေ.... 

သာယာလှပတဲ့ မိသားစုဘဝလေးရယ်...အဲဒီလိုပဲ ကြည့်နေရင်းနဲ့ သမီးငယ်က သူ့သူငယ်ချင်းမေမေမှာ အဆုတ်ကင်ဆာဖြစ်နေတယ်ဆိုတဲ့ သတင်းကြားတော့ ... ကိုယ် သိခဲ့တဲ့ ကျန်းမာရေးလိုက်စားတဲ့ စမတ်ကျကျ လှလှပပ အမျိုးသမီးလေး...ကိုယ် စိတ်မကောင်းဖြစ်မိတယ်... မမြဲတဲ့တရားဆိုတာ လူတိုင်းနဲ့ ဆိုင်ပေမယ့် ကိုယ်နဲ့ ပတ်သက်တဲ့ သူတွေကိုတောင် သာယာလှပနေတဲ့ အသိုက်အမြုံလေးတွေ မပျက်စီးစေချင်မိဘူး... အရွယ်မရောက်သေးတဲ့ ကလေးနှစ်ယောက်ရဲ့ မိခင်နေရာ အလိုလို ရောက်သွားတော့ ... အို... ကိုယ် ဝမ်းနည်းလို့ မဆုံးဘူး...

ကိုယ် စိတ်ဝင်စားတဲ့ အဲဒီအမျိုးသမီး သူ့နောက်ဆုံးအချိန်တွေ အသုံးချသွားတာလည်း လေးစားချီးကျူးမိပါရဲ့.... မိသားစုအနေနဲ့ ဒေါက်တိုင်တစ်ခု ယိုင်နဲ့ပျက်စီးသွားရင် ပုံမှန်အတိုင်းရှိဖို့ ဘယ်ဖြစ်နိုင်ပါတော့မလဲလေ.... 

မဖြစ်မနေ ကိုယ်က စောထွက်ရမယ့် ခရီးအတွက် သူ တတ်အားသမျှ ဒါန သီလ အထူးသဖြင့် ဘာဝနာတရားတွေ ကျင့်ကြံအားထုတ်ရင်း သံသရာခရီးအတွက် သူ ထောက်တည်ရာ တခု အပါ သယ်သွားနိုင်ခဲ့တယ်။ 

ကျန်ရစ်သူ သမီး နဲ့ သားအတွက် အမေဆိုတာ အစားထိုးမရတဲ့အတွက် ကလေးတွေဘေးမှာ ဆက်ရပ်တည်မပေးနိုင်တော့တဲ့အတွက် စိတ်မကောင်းဖြစ်မိပါတယ်။ 

ဒီလိုပါပဲ... တယောက်တည်းလာခဲ့တဲ့ ခရီးမှာ တယောက်ထဲပဲ ထွက်သွားရမှာပါပဲ....ဘယ်ကလာမှန်း မသိပေမယ့် ဘယ်ကိုသွားရမလဲဆိုတာေ တာ့ ကိုယ်တွေရွေးချယ်မှုပါပဲ.....

အတ္တတွေ လောဘ ဒေါသတွေ မာနတွေနဲ့ ပူလောင်မှုတွေ ဆက်သယ်သွားကြဦးမလား....


ဖန်သားပြင်ပေါ်က ဘဝတွေရယ်.. အပြင်လောက က ရုပ်ရှင်တွေ..... ကိုယ်တိုင် ရွက်လွှင့်နေတဲ့ သံသရာရဲ့ ခရီးသည်  မှတ်တမ်း တပိုင်းတစပေါ့....  

Friday, November 13, 2015


မောင်လူအေး လိုမျိုး ကိုယ့် ဇာတ်လိုက်ကို နံမယ်ပေးဖို့ စဉ်းစားနေတယ်။

ချစ်သူဘဝက ခေါ်တဲ့ နာမ်စားကို သုံးမလား။ မေလေး ဆိုတာက သိပ်နုနေသလိုပဲ။ ကိုယ်နဲ့ လိုက်ဖက်တယ် လို့ ဘယ်တုန်းကမှ မထင်မိ။

ချစ်သူဘဝတုန်းက အနုအရွမလုပ်တတ်တဲ့ သူက မနည်းစဉ်းစားပြီုး သုံးထားသည့် နာမ်စားမို့ အားနာနာနဲ့ လက်ခံထားရတာ။ တော်ကြာ ခေါင်းနောက်ပြီး နင်နဲ့ ငါနဲ့ပဲ အေးပါတယ်ဆို ရန်ဖြစ်စိတ်ကောက်ချိန်များတဲ့ သူတို့ချစ်သူဘဝ ရင်ခုန်စရာ အနုအရွ နာမ်စားလေးပါ မရှိပဲ ဖြစ်နေမစိုးလို့….။

ဒါဆို…မေလေးကို မကြိုက်ပြန်တော့ ပြောင်းပြန် လေးမေ ဆိုရင်ရော… စာရေးဆရာ ဦးသုမောင်က သူ့ချစ်ဇနီးကို လေးဘုံခေါ်သလား လေးမေခေါ်သလား…ဆရာမင်းလူရဲ့ မဟေသီနာမ်စားတခုလေးလား  ရောထွေးသွားပြန်သည်။

နောက်တမျိုး စဉ်းစားစမ်းပါလေ…. ကိုယ့်ဘာသာ ဘလော့ဂါယောင်ယောင် စာရေးဖူးသူယောင်ယောင် လု နံမယ်ရှာရတာတော့ တော်တော်တော့ ခက်သားကလား။ 

နံမယ်ပေးကောင်းပုံတွေကတော့ ပြောမနေချင်တော့ပါဘူးလေ...

ကိုယ့်သားသမီးတွေ နံမယ်တွေပဲ ကြည့်ဦး။ ပထမဦးဆုံး သားကြီးကျတော့ ကြာသပတေးသားမို့ " မိုး" သူ့ကို သွေးလှူပေးတဲ့ ဆရာဝန်ကြီးရဲ့ နံမယ် "ဟန်"၊ သူ့အဖေနံမယ် " ကျော်" ကို ယူပြီး မိုးဟန်ကျော်လို့ ငယ်ငယ်က ခေါ်တော့ သူ့အဖေက သူ့နံမယ်ဖျက်လေမယ့် သားရယ်လို့ တွေးလေသလား မသိ၊ ကျော် ပါတာ မကောင်းပါဘူးဆိုပြီး မိုးဟန် ဆိုပြီး သူများတကာ နံမယ်လေးလုံး ငါးလုံး ခေတ်မှာ နံမယ်နှစ်လုံးထဲနဲ့ ရိုးရိုးလေး မိုးဟန်...  ဆယ်တန်းအောင်တော့လည်း ရှင်းရှင်းလင်းလင်း ဂုဏ်ထူး တခုလေးနဲ့တောင် အရှုပ်မခံခဲ့တဲ့ သားကြီး။

အလတ် သားငယ်ကျပြန်တော့လည်း သမီးမွေးရင် စုအောင်ဆန်း၊ သားမွေးရင် ရဲရဲတောက်လို့ ပေးမယ်လို့ ကြို ရွေး.....  ရဲရဲတောက်တို့ဗမာတွေ ဆိုတဲ့ သီချင်းစာသားထဲက ရဲရဲတောက် ပေါ့။ သူ့ကျ နံမယ်က သုံးလုံး။

သမီးငယ်ကျပြန်တော့ တနလာင်္သမီး၊ ငယ်ငယ်ကထဲက ဂျစ်ကျကျလေးမို့ ကြည်ကြည်လင်လင် ဖြစ်စေချင်တာနဲ့ ကြည်လင်ထက်မြက်လို့ နံမယ်လေးလုံးနဲ့ လူစွာလေးဖြစ်သွားပြန်ရော….

တကယ်တမ်းကျ ကလေးတွေ နံမယ်ပေးတိုင်း စံဇာဏီဘို သွားမေး သေချာတွက်ချက်ပြီးမှ သူ ပေးထားတဲ့ နံမယ်တွေထဲက မရွေး.... ကိုယ်ပေးချင်တာတွေ ကိုယ့်စိတ်ကြိုက်ပေးခဲ့တာချည်းပဲ။

....
ဆိုတော့ သားသမီးသုံးယောက်ရဲ့ နံမယ်တွေက တယောက်နဲ့ တယောက် အဆက်အစပ်မရှိ၊ အဲဒီတော့လည်း မောင်နှမတွေ တယောက်မကောင်း နောက်တယောက်က မျက်နှာပျက်စရာ မလိုတော့ဘူးပေါ့လို့ ကိုယ့်ဘာသာ ဖြေတွေးတွေး။

ဒါတွေ ထားပါဦးလေ။ ကိုယ့်နံမယ် ဘယ်လိုပေးရင် ကောင်းမတုန်း။

ငယ်ငယ် ၁တန်း ၂ တန်းတုန်းက ဆရာမဒေါ်သန်းအေးကို သွားသတိရတယ်။
ဆရာမက ဆံပင်ကောက်ကောက်လေးနဲ့ ကိုယ့်ကို သိပ်ချစ်တယ်။ အားရင် ကာလီမွှေးလေး လာခဲ့ဦးဆို သူ့နားသွားရတယ်။ သူက ကိုယ့်ကို ဖက်ပြီး စကားစမြည်ပြော ဟိုမေး ဒီမေးပေါ့။ ကိုယ်ကတော့ ဆရာမ ကုပ်နေတဲ့ ဆံပင်ကောက်ကောက်ထဲက သန်းတွေကို ကြည့်ပြီး အသဲယားပေါ့။ ဆရာမကလည်း ကိုယ့်ကို ဆံပင်ကောက်တာချင်း တူလို့ ချစ်ခင်တာ ထင်ပါရဲ့

ကဲ… ကိုယ့်ဇာတ်ကောင်နံမယ်ပေးပြီနော်… ကာလီမွှေးလို့…..
ကိုယ့်ဆံပင်ကောက်ကောက်နဲ့လည်း လိုက်ဖက်တယ်။ မွှေးဆိုတာကလည်း ကာလီနဲ့ပေါင်းတော့ ပျော့မသွားဘူး။ နောက်ပြီး ကိုယ့်အမေ မယ်မွှေးရဲ့ နံမယ်လိုလိုလည်း ရောချလို့ရတာပေါ့လေ။...

ကာလီမွှေးတော့ လာချေပြီ.... :)  မကောင်းလည်း ထပ်ပြောင်းသေးတာပေါ့ကွယ်....

Friday, July 31, 2015

အာဇီဝဋ္ဌမက သီလဆောက်တည်ပုံ နှင့် သီလရှင်းတမ်း။



အဟံ ဘန္တေ တိသရဏေန သဟ အာဇီဝဋ္ဌမကသီလံ ဓမ္မံ ယာစာမိ၊ အနုဂ္ဂဟံ ကတွာ သီလံ ဒေထ မေ ဘန္တေ။ (ဒုတိယမ္ပိ - တတိယမ္ပိ -)
( ယမဟံ ဝဒါမိ တံ ဝဒေထ။)( အာမ ဘန္တေ)

နမော တဿ ဘဂဝတော အရဟတော သမ္မာသဗ္မုဒ္ဓဿ ( သုံးကြိမ်)
ဗုဒ္ဓံ သရဏံ ဂစ္ဆာမိ၊ ဓမ္မံ သရဏံ ဂစ္ဆာမိ၊ သံဃံ သရဏံ ဂစ္ဆာမိ၊ (ဒုတိယမ္ပိ၊ တတိယမ္ပိ)
(သရဏ ဂမနံ ပရိပုဏ်ဏံ ။)(အာမ ဘန္တေ)

၁။ *ပါဏာတိပါတာ ဝေရမဏိ သိက္ခာပဒံ သမာဒိယာမိ၊
သူ့အသက် သတ်ခြင်းမှ ရှောင်ကြဉ်ပါ၏။

၂။ *အဒိန္နာဒါနာ ဝေရမဏိ သိက္ခာပဒံ သမာဒိယာမိ၊
သူတစ်ပါး ပစ္စည်း ခိုးယူခြင်းမှ ရှောင်ကြဉ်ပါ၏။

၃။ *
ကာမေသုမိစ္ဆာစာရာ ဝေရမဏိ သိက္ခာပဒံ သမာဒိယာမိ၊
သူတစ်ပါး သားမယားကို ကျူးလွန်ခြင်းမှ ရှောင်ကြဉ်ပါ၏၊

၎။ *မုသာဝါဒါ ဝေရမဏိ သိက္ခာပဒံ သမာဒိယာမိ၊
လိမ်ညာ ပြောဆိုခြင်းမှ ရှောင်ကြည်ပါ၏၊

၅။ *ဂပိသုဏဝါစာ ဝေရမဏိ သိက္ခာပဒံ သမာဒိယာမိ
ချောပစ်ကုန်းတိုက်သော စကားကို ပြောဆိုခြင်းမှ ရှောင်ကြဉ်ပါ၏။

၆။ *ဖရုသဝါစာ ဝေရမဏိ သိက္ခာပဒံ သမာဒိယာမိ၊
ကြမ်းတမ်းသော စကားကို ပြောဆိုခြင်းမှ ရှောင်ကြဉ်ပါ၏

၇။ *သမ္ဖပ္ပလာပ ဝါစာ ဝေရမဏိ သိက္ခာပဒံ သမာဒိယာမိ၊
သိမ်ဖျင်းသော စကားကို ပြောဆိုခြင်းမှ ရှောင်ကြဉ်ပါ၏။

၈။ *မိစ္ဆာဇီဝါ ဝေရမဏိ သိက္ခာပဒံ သမာဒိယာမိ၊
မှားယွင်းသော အသက်မွေးမှုမှ ရှောင်ကြဉ်ပါ၏။

(တိသရဏေန သဟ အာဇီဝဋ္ဌမက သီလံ ဓမ္မံ သာဓုကံ ကတွာ အပ္ပမာဒေန သမ္ပာဒေထ)
(အာမဘန္တေ)



အာဇီဝဋ္ဌမက သီလရှင်းတမ်း
ဤ အာဇီဝဋ္ဌမက သီလသည် တစ်ကြိမ်လောက်ဆောက်တည်ပြီးလျှင် အသက်မွေးစင်ကြယ်သမျှ ပိသုဏဝါစာ စသည်ကို မပြောဆိုသမျှ သီလမပျက်သောကြောင့် နေ့စဉ်ဆောက်တည်ဖွယ် မလို၊အခြားသော ငါးပါး ရှစ်ပါးသီလများလည်း မကျိုးပျက် သေးသမျှ နောက်ထပ်ဆောက်တည်ဖွယ်မလို ၊ သို့သော် ထပ်၍ဆောက်တည်ခြင်း၌ကား အပြစ်မရှိ။

အာဇီဝဋ္ဌမက- အသက်မွေးဝမ်းကြောင်းအတွက် ပစ္စည်းဥစ္စာ ရှာဖွေရသော အလုပ်အကိုင် အရောင်းအဝယ်ဟူသမျှကို ပါဠိလို အာဇီဝဟုခေါ်၏၊ မတရားသော ပစ္စည်းရှာဖွေမှုကို မိစ္ဆာဇီဝ ဟုခေါ်၏၊ ထိုမိစ္ဆာဇီဝမှ ရှောင်ကြဉ်လျက် တရားသဖြင့် ပစ္စည်းရအောင် ရှာဖွေမှုကို သမ္မာအာဇီဝဟု ခေါ်၏၊ ရှစ်ပါးမြောက် သိက္ခာပုဒ်တော်ကို ပါဠိလို အဋ္ဌမက ဟုခေါ်၏။

ပါဏာတိပါတမှ ရေတွက်လျင် မိစ္ဆာဇီဝါ ဝေရမဏိသည် ရှစ်ပါးမြောက်တည်း၊ ထို့ကြောင့် မိစ္ဆာဇီဝမှ ရှောင်ကြဉ်မှုလျင် ရှစ်ပါးမြောက်ရှိသော သီလကို အာဇီဝဋ္ဌမက သီလဟုခေါ်၏၊

ဤအာဇီဝဋ္ဌမက သီလဆောက်တည်ပုံကို ပါဠိတော် အဋ္ဌကထာတို့၌ တိုက်ရိုက်မပြကြ၊ ငါးပါးဆောက်တည်ပုံကို နည်းယူ၍ ရှေးပညာရှိတို့ ဆောက်တည်ကြဟန်တူ၏၊ ထိုရှစ်ပါးတို့တွင် နံပတ် တစ်မှ နံပတ် ခုနစ်ထိ သိက္ခာပုဒ်တို့မှာ သုစရိုက်ဆယ်ပါးတွင် ကာယကံ သုံးပါးနှင့် ဝစီကံလေးပါးတည်း၊ ထို ၇ ပါးလုံခြုံသော သူတော်ကောင်း၌ အသက်မွေးဝမ်းကြောင်းနှင့်ဆိုင်သော အရောင်းအဝယ် အလုပ်အကိုင်များ စင်ကြယ်ပါမူ အာဇီဝဋ္ဌမက သီလ ဆောက်တည်သည်ဖြစ်စေ မဆောက်တည်သည်ဖြစ်စေ အမြဲလုံခြုံနေပါသည်၊

ငါးပါးသီလကို ဆောက်တည်သည်ဖြစ်စေ မဆောက်တည်သည်ဖြစ်စေ လွန်ကျူးလျှင် အပြစ်ရှိသကဲ့သို့ အာဇီဝဋ္ဌမက သီလကိုလည်း ဆောက်တည်သည်ဖြစ်စေ မဆောက်တည်သည်ဖြစ်စေ လွန်ကျူးလျှင် အပြစ်ရှိ၏၊ ငါးပါးသီလသည် သူတော်ကောင်းတို့ အမြဲစောင့်ထိန်းရမည့် သီလဖြစ်သကဲ့သို့ ဤအာဇီဝဋ္ဌမက သီလသည်လည်း အထက်တန်းသူတော်စင်တို့ အမြဲထိန်းရမည့် သီလဖြစ်သည်၊ဤ အာဇီဝဋ္ဌမက သီလကို ကျမ်းဂန်များ၌ အာဒိဗြဟ္မစရိယသီလ ဟုလည်းခေါ်သေး၏၊ဤ အာဇီဝဋ္ဌမက သီလလုံခြုံမှ မဂ်ဖိုလ်ကို ရနိုင်၏၊ ဤအာဇီဝဋ္ဌမက သီလ မလုံခြုံလျှင် မဂ်ဖိုလ်မရနိုင် ။ ထို့ကြောင့် ဤအာဇီဝဋ္ဌမကသီလသည် မဂ်ဟူသော မြတ်သောအကျင့်၏ အခြေခံသီလ ဖြစ်သည်၊
                                                                            
 ( အရှင်ဇနာကာဘိဝံသ ၏ ပထမကျမ်းစာ ရတနာ့ဂုဏ်ရည် )
                                
သတိပြုရန် ။           ။ ရဟန်းများထံ သီလမတောင်းဘဲ မိမိဘာသာ ရုပ်ပွားတော် ၊ စေတီ
                             ရှေ့ဝယ် ဆောက်တည်ကြရာ၌ " အဟံ ဘန္တေ " စသော သီလ
                             တောင်းများကို ဆိုစရာမလိုပါ ။ " ဗုဒ္ဓံ သရဏံ ဂစ္ဆာမိ " ကစ၍
                             " မိစ္ဆာဇီဝါ ဝေရမဏိ " တိုင်အောင် ဆိုပါလေ ။

အာဇီဝဋ္ဌမကသီလ ကို အသက်ထက်ဆုံး ဆောက်တည်နိုင်သော ပုဂ္ဂိုလ်ထူး ၊ ပုဂ္ဂိုလ်မြတ်
 ဖြစ်ပါစေသတည်း ။




Friday, December 26, 2014

၂၅.၁၂.၂၀၁၄ 

ဒီဇင်ဘာ.... ပြက္ခဒိန်တခုရဲ့ နောက်ဆုံးလ... နှစ်တနှစ်ကို နောက်ပြန်လှည့်ကြည့်ရင်း ရှေ့တနှစ်ကို ခရီးဆက်ဖို့ နောက်ဆုံးခြေလှမ်းတလှမ်း.....။

လွမ်းရသားပဲ ဒီဇင်ဘာရယ်... ဘာရယ်မဟုတ်... ပွင့်လင်းတဲ့ရာသီ... ခရီးအသွားအလာများတဲ့ ရာသီ... သူများတွေကို ကြည့်ရင်း ကိုယ်တွေလည်း ဘာလုပ်ရကောင်းမလဲ ယောက်ယက်ခတ်တဲ့ ဒီရာသီလေ...။

ကိုယ် ပြန်မလှန်ဖြစ်တဲ့ ဘလော့ဂ်က သဇင်ကို အလွမ်းပြေ စာတွေ ပြန်ဖတ်ရတယ်။ သူငယ်ချင်း ခင်မမနဲ့ ရေးခဲ့တုန်းက စာလေးတွေ ပြန်ဖတ်မိတော့ အဲဒီအချိန်တုန်းက အကြည်ဓာတ်လေးတွေကို ပြန်ခံစားမိတယ်။ စာရေးကောင်းတဲ့ သူငယ်ချင်းစာကို ဖတ်ပြီး ရယ်မော ပြုံးရွှင်ရင်း အဲဒီ့အချိန်လေးကို သတိတရ လွမ်းမိတယ်။ ဘလော့ဂ်ပေါ်မှာ ကိုယ့်အကြောင်းတွေ သိပ်မသိတဲ့ မိတ်ဆွေတွေ လာဖတ်တာကို ရှက်ရကောင်းမှန်း မသိပေမယ့် ဖဘပေါ်မှာ ကိုယ်တွေအကြောင်း ကျောင်းက အကြောင်းသိတွေ သိကုန်တာတော့ (နဲနဲ မဟုတ်) များများ မျက်နှာပူမိတယ်။  ဒါပေမယ့် အသက်တွေလည်း ကြီးလာတော့ ရှက်လည်း (သူငယ်ချင်း ဘိတ်သူ လေသံနဲ့ဆို) မျက်ခွက်တော်တော်ပြောင်နေပြီ..... သူငယ်ချင်းရဲ့ အရေးအသား ခပ်သွက်သွက်ကို ကျောင်းက သူငယ်ချင်းတွေ သတိထားမိကုန်ကြတာ အရေးမဟုတ်.... သူက ဘလော့ဂ်လုပ်ထားတာ မဟုတ်ပဲ အပျင်းပြေ ကိုယ့်ဘလော့ဂ်ထဲ လာရေးတာဆိုတော့ မတော် ကိုယ် ပေါက်တတ်ကရ လျှောက်ရေးထားတဲ့ ဘလော့ထဲ ရောက်လာရင် ကိုယ် အရှက်ကွဲမှာလည်း တွေးပူမိသေးတယ်။ သူကတော့ ကုန်ကြမ်းတွေများပြီး ရေးစရာတွေ ပုံနေတော့ စာတွေ ရေးဦးမယ်လို့ ကြွေးကြော်နေရင်း ဖဘပေါ်မှာ ရင်တွင်းဖြစ်တွေ ဆက်တိုက်ရေးလို့... ကိုယ့်မတော့ ရှိတဲ့ ဘလော့ဂ်လေး ဖုန်တောင် မခါနိုင်တာတောင် ကြာ... သူများတွေ blog challange တွေ လုပ်လည်း ကိုယ့်မှာ မရေးနိုင် မရေးအား ရေးလို့ မထွက်.... 

ခုတလော စဉ်းစားမိနေတာ....

လူတွေရဲ့ စိတ်တွေ ဘယ်လို ပြောင်းလဲသွားသလဲဆိုတာ စိတ်ဝင်စားနေမိတယ်။ ကိုယ့်စိတ်တွေရဲ့ အကြိုက်တွေ သိသိသာသာ ပြောင်းလဲလာတာကို သတိထားမိပေမယ့် ဘယ်လို အဆင့်ဆင့် ပြောင်းလဲလာသလဲဆိုတာကို မသိလိုက်ဘူး။

အကြောင်းတရားတွေက မမြဲလို့ အကျိုးတရားတွေကလည်း မမြဲပေဘူးတဲ့....

မမြဲတဲ့ တရားတွေကို တည်တံ့ ခိုင်မြဲအောင် အတင်းကြိုးစားနေတာဟာ မိုးကြိုးပစ်တာကို ထန်းလက်နဲ့ ကာသလို ဖြစ်နေမှာ သေချာပါရဲ့။

Merry X'Mas and Happy New Year To All.......

http://holidayswishes.net/wp-content/uploads/2014/10/Merry-Christmas-and-happy-new-year-HD-candle-wallpaper-2015.jpg
http://christmas2014newyear2015.com/wp-content/uploads/2014/11/Happy-new-year-2015-pictures-free-download.png



Sunday, June 8, 2014

သူ့အတွက် နောက်ဆုံးရေးတဲ့စာ။

သူ့ကို မကြာ မကြာ သတိရမိတယ်။ 
အတူတူတက်ခဲ့ကြတဲ့ သူငယ်ချင်းတွေ တခါတလေ ပြန်ဆုံကြတိုင်း သူ ဘယ်တော့မှ မပါခဲ့။
သတင်းလည်း မကြားသလို အရိပ်အယောင်လည်း မမြင်ရတာ ကြာပြီ။
ဖေ့စ်ဘွတ်ခ်ပေါ်မှာ သူငယ်ချင်းတွေ ပြန်ဆုံကြတော့ သူများ ရှိနေမလား ရှာကြည့်မိတယ်။ 
ပျောက်ချက်သား ကောင်းပုံများ .....။
မထီတရီ၊ ဂျစ်ကန်ကန် ခပ်မိုက်မိုက် မထင်ရင် မထင်သလို လုပ်ကိုင်ပြုမူတတ်တဲ့ သူ့ကို ပုံမှန်လောက်ပဲ ဆက်ဆံရင်းနှီးခဲ့ကြတယ်။ ညိုချောလေး သူဟာ အရိုင်းဆန်ဆန်....။

ကိုယ်တို့တွေ အုပ်စု ကျောင်းက Field Trip ထွက်ရတော့ မူဆယ်ဘက် သွားဖြစ်ကြတယ်။ ရထားနဲ့ မန္တလေး၊ မန္တလေးကနေမှ ကားနဲ့ လားရှိုး၊ မူဆယ်.. နောက် တရုပ်ပြည် ကြယ်ဂေါင် ရွှေလီဘက် သွားကြတယ်။ ပြင်ဦးလွင်မှာ ကိုယ်နဲ့ သူ တခန်းထဲ အတူကျတယ်။ သူ အခန်းထဲကနေ ဖုန်းနဲ့ စကားတွေ ပြောတယ်။ စီးကရက်တွေ သောက်တယ်။ ဒဏ်ရာရထားဖူးတဲ့ ကျားသစ်မလေးလိုပဲ .... နောက် လားရှိုးဟိုတယ်ကျတော့ သူရယ် ကိုယ်ရယ် နောက်တယောက်ရယ် သုံးယောက်တည်းရတယ်။ ညဖက် သူ စီးကရက်သောက်တယ်။ မသောက်ခင် သောက်လို့ ရမလားလို့ သူမေးပါတယ်။ ကိုယ်ရော နောက်တယောက်ကပါ ရပါတယ် လို့ ပြောတော့ သူက အဖော်စပ်မရတော့ တယောက်ထဲ စီးကရက်တွေ သောက်တယ်။ စီးကရက်ငွေ့တွေ တခန်းလုံးမွှန်လို့ ထင်ရဲ့ ။ ကားပေါ်ရောက်တော့လည်း သူနဲ့ ကိုယ်နဲ့ နှစ်ယောက်အတူထိုင်တယ်။ နေပူတဲ့ဘက်ဆိုတော့ အကုန် ခန်းဆီးတွေ ချကြပေမယ့် သူက အရိပ်ထဲ နေဖို့ စိတ်ကူးပုံ မရဘူး။ နေပူနေတဲ့ကိုယ်က သူ့ လှမ်းကြည့်တော့ ရှူခင်းတွေကို ငေးရင်း သူ့စိတ်တွေ လွင့်ပျံ့နေပုံပဲမို့ ကိုယ်ပဲ စိတ်လျှော့လိုက်တယ်။ 

သူဟာ သူထင်ရာ လုပ်တတ်တဲ့ မိန်းကလေးတယောက်ပဲ ထင်ရဲ့။  တခါတခါ ကိုယ့်ရဲ့ လေးနှစ်အရွယ် သားလေးအကြောင်းမေးရင်း သူ့သားလေးအကြောင်းပါ ပြောတတ်တယ်။ သူများအကြောင်းကို ပြောသလောက်ပဲ နားထောင်တတ်တဲ့ အကျင့်ရှိခဲ့လို့ သူပြောတာထက် ဘာမှ ပိုမမေးခဲ့ဘူး။ မစပ်စုခဲ့ဖူးဘူး။ အဲဒီတော့ သူ့ဘဝအကြောင်းလည်း သေချာ မသိခဲ့ဖူးဘူး။

 မေမြို့က အဆင်း နေ့လည်စားထမင်းစားတော့ အုပ်စုလိုက်ကြီး ဝင်လာတဲ့ ဆာလောင်နေတဲ့ ကိုယ်တို့အတွက် ဟင်းပွဲတွေက အဆင်သင့်ဖြစ်မနေခဲ့ဘူး။ ဟင်းပွဲတွေ လုစားကြရင်း နီးစပ်ရာ လက်သင့်ကြရင်း၊ စည်းတွေ ဘောင်တွေ ကျော်ကြရင်း..... ကိုယ် လူတွေကို ကျောခိုင်းခဲ့လိုက်တယ်။  စိတ်ပျက်သွားခဲ့တယ် ထင်ရဲ့။ အဲဒီအချိန်မှာ သူကတော့ သူလုပ်စရာတွေ ရှိတာ လုပ်ခဲ့ပြီးပြီမို့ တယောက်ထဲ ထိုင်နေတဲ့ ကိုယ့်အနား အတူတူ လာထိုင်တယ်။ သူက ကိုယ့် ရဲ့ ချဉ်တူးတူး ခံစားချက်ကို နားလည်သလို ပြုံးကြည့်ရင်း မုန့်လာကျွေးတာ။ သူနဲ့ ကိုယ် ရင်ဘတ်ချင်း နီးစပ်သွားခဲ့ကြတယ်။ စကားတွေ ပြောဖြစ်ကြတယ်။ ရှေ့တမျိုး နောက်တမျိူးး ပါးစပ်လေးတွေ ချိုတဲ့ လောကကြီးအကြောင်းပြောပြီး ရယ်သွမ်းသွေးတာက စရင်း နှစ်ယောက်သား ဟားတိုက်ရယ်မောလိုက်ကြတဲ့ အချိန်မှာ လောကကြီးက သာယာသွားခဲ့တယ်။ လူတချို့က နားမလည်သလို ကြည့်ခဲ့ကြတယ်။ 

အပြန်လမ်းမှာ ရထားပေါ်က ထမင်းစားခန်းတွဲမှာ ကိုယ်တို့ နှစ်ယောက် သွားထိုင်ရင်း အဲဒီခရီးစဉ်ဟာ အဆုံးသတ်မှာ ပိုအသက်ဝင်လာခဲ့သလိုလို ။ သာစည်က နွားနို့အစစ်နဲ့ ကော်ဖီခါးခါး ကောင်းလွန်းလို့ အမသောက်စေချင်လို့ ဆိုပြီး သူ ကျမအတွက် ပါဆယ်တခွက် ပိုဝယ်လာခဲ့တယ်။ တန်ဖိုးကြီးတာတွေ လိုသလား။ တန်ဖိုးထားတာပဲ လိုသလား။ 

ဒီလောက်ပါပဲ.... နောက် သူတို့ ကျောင်းပြီး ဘွဲ့ယူတဲ့ အချိန်မှာ ကိုယ်က နှစ်ဘာသာ မဖြေပဲ ကျန်ခဲ့တာကို ဆက်ဖြေနေရတာရယ် သားငယ်လေး မွေးဖွားတာနဲ့ အလုပ်တွေ ရှုပ်ရင်း အဆက်အသွယ်တွေ ပြတ်နေခဲ့တယ်။ နောက် သားငယ်လေး မွေးတဲ့ အချိန်မှာ သူ အိမ်လာလည်တယ်။ သားလေးတွက် လက်ဆောင်လေး ပါလာခဲ့တယ်။ နောက်ဆုံးတခါက သူနဲ့ အိမ်က အမျိူးသားနဲ့ တင်ဒါတခုမှာ အတူတူတွေ့လို့ ဖုန်းနံပါတ်ရပြီး ဖုန်းတခါဆက်တယ်။ သူ အမေရိကားသွားဖို့ ကြိုးစားနေတယ်တဲ့။ သူ့သားလေးတွက် သူလုပ်ချင်တာတွေ ပြောတယ်။ နောက်ပိုင်း သူလည်း သူ့အလုပ်မှာ မရှိတော့သလို ဘယ်ကို ရောက်သွားလဲ မသိတော့ဘူး။ သူငယ်ချင်းတွေဆီကနေလည်း သူ့အကြောင်း မကြားမိသလို အရိပ်အယောင်လေးတောင် မမြင်မိတော့ဘူး။

စိတ်မကောင်းဘူး ကွေး.... သူ့ ဘဝ ခရီးအစကိုလည်း ကိုယ်မသိခဲ့သလို သူဖြတ်သန်းလာခဲ့တဲ့ ခရီးတွေ ကြမ်းတမ်းသလား ချောမွေ့ခဲ့သလား ကိုယ်မသိခဲ့ဘူး။ သူ ဘာတွေ လုပ်နေသလဲ ကိုယ်မသိသလို သူ ဘယ်လိုလူစားလဲ ဆိုတာလည်း ကိုယ် သေချာ မသိခဲ့ပါဘူးလေ။ 

သေချာတာ တခုကတော့ အချိန်ပိုင်းလေး တခုမှာ သူ့ရဲ့ ပကတိစိတ်နှလုံးသားလေးနဲ့ ကိုယ့် နှလုံးသားတစုံ ထပ်တူကျလုနီးပါး နီးစပ်ရင်းနှီးခဲ့ကြတာ တကယ့်ကို အဖိုးတန်တဲ့ အချိန်လေးတခုတွက် ကိုယ် သူ့ကို ကျေးဇူးတင် ခင်မင်ရင်းနဲ့ သတိရနေမှာပါလေ။ 

ကောင်းမွန်ရာဘုံဘဝမှာ ငြိမ်းချမ်းစွာ စံစားပါလေ ကွေးရေ...
အချိန်လွန် နောက်ကျပြီးမှ သိခဲ့ရတဲ့အတွက် နောက်ဆုံးခရီးကိုတောင် လိုက်ပို့ခွင့်မရခဲ့တာကို နားလည် ခွင့်လွှတ်ပါလေ။