Tuesday, December 18, 2007

စာအုပ်ဟောင်းလေးတစ်အုပ်ရဲ. နောက်ဆုံးစာမျက်နှာပြဲလေး မှာ ကျမလက်ရေးနဲ. ရေးမှတ်ထားခဲ့တဲ့ ကဗျာလေးတပုဒ်ကို မလွှင့်ပစ်မီ ပြန်ဖတ်မိလိုက်တော့.....။ ကျမ ဘယ်ကကူးမှတ်ထားခဲ့သလဲ မမှတ်မိတော့သလို ရေးသူ ဘယ်သူဘယ်ဝါ လို. မမှတ်ထားမိလိုက်တာ ကျမ လိုအပ်ချက်ပါ။ ကျမသိလာခဲ့ရင် ပြန်ဖြည့်စွက်ပေးပါ့မယ်။ သံမဏိပန်းတဖူးရဲ. ဥယျာဉ်မှုး ကွယ်လွန်ခဲ့တာ ဒီဇင်ဘာလ ၂၈-ရက်ဆိုရင် ၁၉-နှစ်ရှိခဲ့ပါပြီ။

သံမဏိ ပန်းတဖူး ရဲ. ဥယျာဉ်မှုး “ အမေ”



၁။

“စိတ်ချသွားခဲ့ပြီလား.....” လို.
ဝမ်းနည်းစကား
ရိုးသားစွာ ဆိုပါရစေ..အမေ...

အမေ့ရဲ. ကွယ်လွန်ခြင်းအတွက်
အမေ့သား၊ အမေ့သွေး....
အမေ့သမီး၊ အမေ့မြေးတွေနဲ.ထပ်တူ
တပြည် တမြေလုံးက
အမေ့သားတွေ.....
အမေ့သမီးတွေ
ကြေကွဲရပါတယ် အမေ....။

၂။

“....ဗိုလ်မင်းရောင်မှသည်....
အောင်ဆန်းစုကြည်....”
နီမောင်းရွှန်းလက်
ခေတ်အဆက်ဆက်
နိုင်ငံ့အတွက်.....
ဦးထိပ်ပန်ရွက် တာဝန်မပျက်ခဲ့.....။

နယ်ချဲ.ဆန်.ကျင်ရေး.....၊
ဖက်ဆစ်တော်လှန်ရေး.....၊
အမျိုးသား လွတ်လပ်ရေး....၊
ဒီမိုကရေစီရေး၊
ငြိမ်းချမ်းရေး၊
သွေးစည်းညီညွတ်ရေး....
..................
ဘယ်သူ ငြင်းနိုင်မလဲလေ၊
ဒါ..........အမေနဲ.
မျိုးဆက်ရဲ.သမိုင်း....။

၃။

မုန်တိုင်းခရီးကြမ်း
ရေဆန်လမ်းမှာ....
အဖေဟာ
အမေ့လက်ကို တွဲခဲ့တယ်....။
တင်းတင်းမဖြုတ်
မဆုတ်မနစ်....
ခရီးသစ်ကို လျှောက်ခဲ့တယ်......။
အဖေဟာ .... “ အမေ” ဆိုတဲ့
သူနာပြု ဆရာမလေးတယောက်ရဲ.
ကရုဏာရင်ခွင်မှာ....
နားတခါ ခိုတလှည့်
မုန်တိုင်းဒဏ်ကို အံတုနိုင်ခဲ့တယ်.....။

အမေက အဖေ့ကို လေးစား
အမေဟာ အဖေရဲ. ဆေးတပါး
မဒ္ဒီဒေ၀ီလို ပါရမီဖြည့်ဘက်
တော်လှန်ရေးအတွက် ခရီးဖော်....
အမျိုးသားခေါင်းဆောင်ကြီးတဦးရဲ.
စစ်မှန်ပီသတဲ့ ဇနီးသည်.....။

၎။

“.......အကြည်......
ပဲပြုတ်နဲ. နံပြား
ရရင် စားချင်တယ်....” တဲ့
အဖေနဲ. အမေရဲ.တသက်တာမှာ
ကိုယ်ကျိုးမဖက်ခဲ့
ကိုယ်ကျိုးမတွက်ခဲ့
အများဘ၀ထဲ ကိုယ့်ဘ၀သွင်း
ရင်းနှီးမြှပ်နှံခဲ့ကြတယ်....
သားလက်....သမီးလက်.....
တွဲဆက်ခိုင်ခိုင်
အပျော်ကြီး မပျော်နိုင်ခဲ့......။
လွတ်လပ်ရေး ပန်းတိုင်အ၀င်မှာ.....
လောကဓံလှိုင်းပုတ်
အမေ့လက်ကို..... အဖေ ဖြုတ်ခဲ့ရတယ်....။

၅။

ခုလဲလေ......
ဒီိမိုကရေစီ အရုဏ်သစ်
အမေချစ်တဲ့မြေမှာ
အမှောင်ညတွေ လွန်မြောက်
လမ်းဖောက်နေတဲ့ခရီး
နီးလုပြီပဲ အမေ.....။
အဖေမျှော်ခဲ့တဲ့ လမ်း
အဖေမှန်းခဲ့တဲ့ ခရီး
ပြီးဆုံးတဲ့ အထိတော့
အမေ့ကို ရှိစေချင်တယ်.....။

အမေ့ရဲ. မိခင်ဘ၀မှာ
“အောင်ဆန်းစုကြည်” ဆိုတဲ့
“သံမဏိပန်းခင်း....”
သင်းပျံ.မွှေးရီ.....
အမေ့တာဝန်ကြေခဲ့ပြီ....။

အဖေ့သွေးနဲ. အဖေ့ခရီး
အမေမွေးတဲ့ အမေ့သမီးနဲ. အတူ
အသက်သွေးပေါင်းလှူ
အောင်ပွဲယူဖို.
အမေ့ဂူကို ဦးခိုက်
အဓိဌာန်ပြုလိုက်ပါတယ် အမေ.....။

အမေ့ဘ၀မှာ....
အဖေ့အစဉ်အလာ
ဘယ်ခါမဖျက်......၊
အမေ့အတွက်ဖြင့် မြေလေးမခံ
အမေ့အသိနဲ. အဖေ့အားမာန်
ပေါင်းစပ်စုစည်း.....၊
ဘ၀ခရီးကို ဆန်.ခဲ့တယ်....။

ဒါ....“အမေ” ပဲ
ဒါ.... ငါတို. လေးစားတဲ့
ငါတို.ရဲ. “ အမေ” ပဲ....။
အမေ့ရဲ. ဂုဏ်အထူးထူးကို
ပြီးပြည့်စုံအောင်
သီကျူးနိုင်စွမ်းမရှိ...
အမေ့အကြောင်းကို ပြောဖို.
တလုံးတည်းသော စကား
တခုတည်းသော အဖြေဟာ.....
“ အမေ ” .....ဆိုတဲ့.....
ဝေါဟာရပဲ ဖြစ်ပါတယ်.....။ ။


ရေးသူ - အမည်မသိ
၁၉၈၉-ခုနှစ်
ဇန္န၀ါရီ-၂-ရက်

No comments: