Monday, June 23, 2008


မေလေးတို့အိမ်


အိမ်လေးတစ်အိမ်ကို
ကိုငယ် နဲ့ မေလေး
နှစ်တနှစ်ရဲ့ ဇွန်လကုန်ခါနီး တစ်ရက်မှာ
တည်ဆောက်ခဲ့ကြတယ်။

အဲဒီအိမ်ထဲမှာ....
ရတဲ့ လခနဲ့ ကုန်တဲ့ အသုံးစရိတ် မကာမိမှာစိုးလို့
ချခဲ့တဲ့ သက်ပြင်းလေးတွေ ရှိခဲ့ဖူးတယ်။
တိုင်ပတ်ဖို့ ဘိုင်ပြတ်လို့ ခေါင်းစားခဲ့ရဖူးတယ်။
ပုဆိုးအဟောင်းကို သုံးထည်စာ အသစ်စရိတ်နဲ့ သူ့ဆီ အရောက်ပို့ပေးခဲ့ရဖူးတယ်။
၅ ဘတ်ဖိုး မှိုသုံးလုံးလည်း မအူမလည် ၀ယ်ခဲ့ရဖူးတယ်။
ဆမ်ယမ် ဆစ်ဘတ် ဟင်းရွက်စုံလည်း ချက်စားခဲ့ဖူးတယ်။
seven-eleven ၀င်ထွက်တိုင်း ခုန်တတ်တဲ့ ရင်အစုံရှိတယ်တဲ့။


အဲဒီအိမ်ထဲမှာ...
ဒူးရင်းသီးတွေ အစားများခဲ့တဲ့ အမေကြောင့် အပူကန်ပြီး မွေးဖွားလာတဲ့
ငိုကြွေးတတ်တဲ့ ကလေးလေးတစ်ယောက် စ ရောက်လာခဲ့တယ်။

မိဘတာဝန်ဆိုတာ သည်းခံခြင်း၊ ပေးဆပ်ခြင်း၊ အနစ်နာခံခြင်း၊ စိတ်ရှည်ရခြင်းဆိုတဲ့ လက်တွေ့သင်ခန်းစာ တွေအတွက်ပေ့ါ။
ချစ်ခြင်းနဲ့ အစတည်ခဲ့ပေမယ့်
စွန့်လွှတ်ရတယ်လို့ ထင်လာတဲ့အခါ
မကျေနပ်ချက်တွေ၊ အားငယ်မှုတွေနဲ့
ပေါက်ကွဲသံတွေလည်း ကြားခဲ့ရဖူးတယ်။

မိသားစုဆိုတာ ပီပြင်စေဖို့ နောက်တိုးလေးတွေက အင်အားထပ်ဖြည့်ပြန်တယ်။
ကိုယ့်အားကိုယ်ကိုး ကိုယ်ဝန်ကိုယ်ထမ်း၊
ပင်ပန်းလည်း မျှခံ၊ အဲဒါ မိသားစု စိတ်ဓာတ်လေ။
ဆူပူအော်ဟစ် ရန်ဖြစ်သံတွေလည်း ညံခဲ့ဖူးရဲ့။
ရယ်မောပျော်ရွှင် သီချင်းသံတွေလည်း စီခဲ့ဖူးရဲ့။

အဲဒီအိမ်ထဲမှာ
နွေးထွေးတဲ့ အချစ်တွေ ရှိတယ်။

အဲဒီအိမ်ထဲမှာ
ထွေးပွေ့ပိုက်ပေးတဲ့ လက်တစ်စုံ ရှိနေတယ်။

အဲဒီအိမ်ထဲမှာ
မောလာတဲ့အခါ မှီခိုစရာ ပုခုံးတစ်စုံ ရှိတယ်။

အဲဒီအိမ်ထဲမှာ
ဝမ်းနည်းတဲ့အခါ ရင်ဖွင့်ငိုကြွေးဖို.
လုံခြုံကြိုဆိုနေတဲ့ ရင်ခွင်တစ်ခုရှိနေတယ်။

အဲဒီအိမ်ထဲမှာ
နားလည်ခွင့်လွှတ်တတ်တဲ့
မေတ္တာအပြည့်နဲ့
မေ့ရဲ့ ချစ်သူ ရှိတယ်။
ဆူညံအော်ဟစ်သောင်းကျန်းတတ်တဲ့
မျောက်မူးလဲလေးတွေရှိတယ်။
တီတီတာတာ အကဲပိုတတ်တဲ့
သာလိကာလေးတွေလည်း ရှိတယ်။

ဘယ်လောက်ဝေးအောင် ပြေးပြေး
မလွတ်အောင် ချည်နှောင်ထားတဲ့
သံကြိုးထက်ခိုင်မြဲတဲ့
မမြင်ရတဲ့ ကြိုးလေးတွေ ရှိနေတဲ့....

အဲဒီ....
ကျမတို့ရဲ့ ......ဘယ်အရာနဲ့မှ အစားမထိုးနိုင်တဲ့ အိမ်လေး
ဒီနေ့ဆိုရင်....
တစ်ဆယ့်နှစ်နှစ် ရှိခဲ့ပြီလေ။ ။




1 comment:

Kyaw said...

Dear My Love,
I feel your heartbeat with same rhythm,
I feel your feeling with same harmony,
I feel your open mind with same open mind,
I feel safe and sound with your word,
I feel more comfort and stable with your expression,
Most of all I feel your love with this post.
Thanks for encourage, support, stay with me together, share with me your thought and your love.

Your beloved Ko Nge @ Mg Gyi @ Kyaw Nge