Sunday, June 28, 2009

အဝေးမြင် အနီးမှုန်....(နောက်ဆုံး)

အနီးမှုန်..
“မောင် ဒီနေ့ meeting ရှိုလို့နောက်ကျမယ်နော်…သီရိ..”
“အော်…ဟုတ်.. သီရိလည်း ခိုင် ရန်ကုန်ရောက်တုန်း အိမ်လာလည်မယ် ဆိုလို့ စောင့်နေတာ… ဘယ်မှာလုပ်မှာလဲ.. meeting က..”
“ ရုံးမှာပဲသီရိရေ.. နိုင်ငံခြားသားတွေပါမယ်.. ပြီးရင်တော့ တခုခုလိုက်ကျွေးရမှာပေါ့..”
“ ဘယ်ဆိုင်မှာလဲ..မောင်..”
“ အနီးအနားက အေးအေးဆေးဆေးဆိုင်မျိုးပဲ ဖြစ်မှာပါ.. ဒါလည်း မသေချာသေးပါဘူး… ကိုယ် ဖုန်းဆက်မယ်လေ..”
“ ဟုတ်… အပြန်ကျ ခေါက်ဆွဲကြော်ဝယ်လာခဲ့နော်မောင်..ကလေးတွေ စားဖို့..”
“ အင်း..အင်း..ဟုတ်ပြီ..ဒါပဲနော်”

ခိုင့်ကို အိမ်ပြန်ပို့ပေးပြီးအပြန် စင်တင်တေးဂီတရှိသည့် ဆိုင်တစ်ဆိုင်ရှေ့မှာ သူမရဲ့မောင့်ကားကို လှမ်းတွေ့လိုက်သည်။ သူမ အဲဒီဆိုင်အပြင်ဘက်ရောက်နေမှန်း မောင်သိရင် အံ့အားသင့်သွားစေချင်သည်။ နောက်ချင်စိတ်ဖြင့် ဆိုင်အပြင်ဘက်မှာ ကားရပ်ပြီး သူမ မောင့်ဖုန်းကို လှမ်းခေါ်လိုက်သည်။ ချက်ချင်း မကိုင်သေး။ တော်နေကြာမှ ဟဲလို..ထူးသံကြားသည်…။

“မောင်..ဘယ်မှာလဲဟင်”
“ ဧည့်သည်တွေကို ထမင်းလိုက်ကျွေးနေတယ် သီရိ”
သူမ မောင့်ကို ဆိုင်အပြင်ဘက် လှမ်းထွက်လာတာမြင်လိုက်ရသည်..
“ဘယ်ဆိုင်မှာလဲ ..မောင်ရဲ့”
“ အဲ..မီလျံကွိုင်မှာ….”
“ သီချင်းသံတွေ ကြားနေရတယ်နော် မောင်..”

သူမ မောင့်ကို ရယ်ဟဟနှင့် စ နောက်နေသည့် ချစ်ကြည်သည့်စိတ်ကလေးသည် ချက်ချင်းပင် နောက်ကျိ မှုန်မှိုင်း လေးလံသွားခဲ့ရလေပြီ။ မောင့်ဘေးမှာ အမျိုးသမီးလေးတစ်ယောက်က မောင့်လက်မောင်းကို တွဲခိုလို့ရယ်…. မိုးကောင်းကင်ကြီးတခုလုံး သူမအပေါ် လဲပြိုပိကျလာခဲ့သလိုပါပဲလေ....။

“ဟုတ်တယ် သီရိ.. အထဲမှာ မကြားရလို့ အပြင်ထွက်ပြောနေတာ… ဟိုဘက်ဆိုင်က အသံတွေပါ…”

မောင် ညာနေသည်ပဲ…။ စိတ်ကို တင်းထားလိုက်စမ်း။ ဒီကိစ္စ ဒီလိုဖြေရှင်းလိုက် လို့မဖြစ်ဘူးနော်…မဖြစ်ဘူးနော်။ မပေါက်ကွဲနဲ့.. ထိန်းထားလိုက်စမ်းပါ။ ကျမ မောင့်ရှေ့မှာ ရှိနေတယ်လေ လို့ ပြောလိုက်ရမလား။ မောင် မြန်မြန်ပြန်လာခဲ့နော်လို့ ဘာမှမဖြစ်သလို ပုံမှန်လေသံနဲ့ပဲ ပြောလိုက်ရမလား။ ပြောနိုင်လိမ့်မည်ဟုလည်း ဘာသာ မယုံရဲပြန်။

လက်ခံလိုက်လေ။ အရှိအတိုင်း လက်ခံလိုက်စမ်းပါ။ တကယ်တမ်းကြုံလာတော့ လက်ခံလိုက်နိုင်ရဲ့လား။ သူမမျက်စေ့အောက်မှာ မြင်နေရသူသည် သူမ တသက်လုံး ယုံကြည်စိတ်ချခဲ့သည့် မောင် သူမရဲ့ မောင် မဟုတ်တော့ပြီပဲ။

ဘာမှ မသိခဲ့၊ မမြင်ခဲ့ရင်လည်း အကောင်းသားရယ်လို့ သူရဲဘောကြောင်စွာ တွေးမိနေပြီ။
ယုလေးနွယ်လို သူမ မတော်ပါ… ပြီး.. ပျော်နိုင်တော့မည်လည်း မဟုတ်ပါ။

မီးစ လေးကိုတော့ (ကံဆိုးစွာ သို့မဟုတ် ကံကောင်းစွာ) သူမ မငြင်းဆန်နိုင်ပဲ တွေ့မြင်လိုက်ရပြီ။ လေအားကြီးကြီးနဲ့ လွင့်သွားအောင် မှုတ်ထုတ်လိုက်ကာမှ မီးလောင်ရာ လေပင့်ဖြစ်သွားလေမလား။ သူ့အလိုလို ငြိမ်းသွားမယ့် မီးလေ မီးလွင့်လေးပဲဖြစ်မလား။ နားလည်ခွင့်လွှတ်ပေးတတ်တဲ့သူတယောက် မဟုတ်ခဲ့တာကိုက သူမရဲ့ အားနည်းချက်.. သေချာပါသည်။ ဒီလောက်လေးနှင့်တော့ (ရင်နာနာနဲ့ ဖော့တွေးလိုက်) သူမတို့ရဲ့ သာယာနေသည်လို့ အမည်တပ်ထားတဲ့ အိမ်ထောင်ရေး နဲ့ အပြစ်မဲ့တဲ့ ကလေးတွေ ထိခိုက်အနာတရ ပျက်စီးသွားမှာမျိုးကိုတော့ မဖြစ်စေချင်ပါ။ ဒီတော့ မီးပွားလေးရေ.. ဘယ်တော့မှ ပြန်မရနိုင်တော့မယ့် ယုံကြည်မှုချစ်ခြင်းတွေနဲ့အတူ သူမရဲ့ရင်တခုလုံးကိုသာ ပြာကျသွားအောင် အစွမ်းကုန် လောင်မြှိုက်လိုက်စမ်းတော့လေ….။

++++++++++

( မျက်စေ့အောက်မြင်နေရတာတွေက စေ့ဆော်လို့ မနေနိုင်လွန်းစွာနဲ့ပဲ ဒီစာတွေချရေးမိလိုက်တာပါ... အရေးကြီးတယ် မကြီးဘူးဆိုတာကတော့ ကာယကံရှင်တွေရဲ့ ခံယူချက်နဲ့ပဲ တိုက်ရိုက်သက်ဆိုင်မယ် ထင်ပါတယ်လေ... အိမ်ထောင်တခု တည်မြဲဖို့က မိန်းမတယောက်ရဲ့ သည်းခံသဘောထားကြီးနိုင်မှုပေါ်မှာပဲ အများကြီး မူတည်တယ်လို့ ကျမ မယုံကြည်ပါဘူး။ နှစ်ဦးနှစ်ဖက် အလေးထား သစ္စာစောင့်သိဖို့က အရေးကြီးတယ်လို့ ထင်ပါတယ်လေ။ တကယ်လို့ သူတို့လိုများ ကိုယ်တိုင်ကြုံလာရင်ဆိုတာ တွေးမိပြီး အနီးမှုန်ကို တွေးရေးမိတာပါ။ အင်း.. ကျမကတော့... ကလေးသုံးယောက် သူ့ပေးပြီး အဝေးထွက်သွားမိမှာပဲ ထင်ရဲ့..ဟဲဟဲ..... ဒါမှမဟုတ်.. ရင်ဆိုင်ဖို့ သတ္တိနည်းသူမို့....အနီးမှုန်သွားမလားတော့......)

25 comments:

MANORHARY said...

မသိဂီ င်္...အိမ်ထောင်တခု တည်မြဲဖို့က မိန်းမတယောက်ရဲ့ သည်းခံသဘောထားကြီးနိုင်မှုပေါ်မှာပဲ အများကြီး မူတည်တယ်လို့ ကျမ မယုံကြည်ပါဘူး။............
တဲ့လား...မှန်လိုက်တာ...

ပုံရိပ် said...

မှန်တယ် မသိင်္ဂီ ထောက်ခံပါတယ်။ နှစ်ဦးလုံးမှာ တာဝန်ရှိတယ်။

Anonymous said...

နှစ်ဦးလုံးမှာ တာဝန်ရှိပါတယ်။ မငဲ့ညှာသူက လုပ်ရက်ပေမယ့် ကလေး
တွေမျက်နှာရှိသေးတာမို့ တစ်ကြိမ်တစ်ခါအမှားဆို သည်းခံဖြစ်မလားမသိဘူး။ ကလေးတွေကို broken familyဘ၀ မရောက်စေချင်လို့ပါ။
အကြိမ်ကြိမ်ဖြစ်လာရင်တော့ ရှီသမျှအကုန်ယူထားလိုက်ပြီး ဒင်းကိုပဲ
အိမ်ပေါ်ကနှင်ချလိုက်မယ်။ ကိုယ်တော့ ဆင်းမပေးနိုင်ပေါင်။ အပြစ်ရှိတဲ့သူ သွားပါစေပေါ့။ ကလေးတွေလဲ ခေါ်ထားမယ်။ မိထွေးလက်မထည့်နိုင်ဘူး။
အဟဲ.. စိတ်ကူးနဲ့တောင် ဒေါသအတော်ထွက်နေပြီ။
mm

အောင်သာငယ် said...

နှစ်ယောက်လုံးမှာ တာဝန်ရှိတယ်လေ...
မီးဆိုတာမျိုးကလည်း ငြိမ်းလို့ရတဲ့ မီး ရှိသလို
ငြိမ်းရခက်ခဲတဲ့ မီးတွေလည်း ရှိတတ်တာမို့လား...
အိမ်ထောင်ရေးမီးဆိုတာ ငြိမ်းသတ်ဖို့ အခက်ဆုံးပဲလို့ ထင်မိတယ်...
ဘယ်သူ့ကိုမှ မလောင်မြိုက်စေချင်ပါဘူးဗျာ...

PAUK said...

ဒီက ရုပ်ရှင်မင်းသမီးတွေလည်း
တော်တော်အနီးမှုန်ကြတယ်..
ဓါတ်ပုံနဲ့ ဘာနဲ့ သက်သေရှိတာတောင်
ခွင့်လွတ်ပေးနိုင်ကြတယ်..

Anonymous said...

No..

Women are only responsible..

Basically men are men..

They need the women they want and attractive to them..

Not so called wife..

We are not living in so morally right global world..

we need happiness and enjoyable things from women..

No just keep for Wife-Purposes..

Anonymous said...

အဲတော့ လဲသေလိုက်ပေါ့ anonymousရဲ့။
GG

Anonymous said...

မုန်းစရာကောင်းလိုက်တာ anonymousကို..

အမည်မဖေါ်လိုသူ..
Xထုံ

khin oo may said...

တို့ကတော့ခွင်လွတ်တယ။် ယောကျာ်းလေးတွေအချို့က သာယာမှူကိုလိုချင်ယတ။် ကိုယ့်ကိုမချစ်တာတော့လည်းမဟုတ်ဘူး ကိုယ့်ရဲ့မရှိတော့တဲ့နုပျိုမှု ချိုမြိန်မှူ အချို့ကိုသူမလေးတွေက ပေးစွမ်းနိုင်တယ်။ ဒါပေမဲ့ ငယ်က ဆောက်တည်ခဲ့တဲ့မေတ္တာကိုတော့သူတို့လေးနေတွေ မပေးနိုင်ကြဘူး.

မီယာ said...

မသိင်္ဂီ ဒါမျိုး များများရေးပါနော်။ ဖတ်လို့ ကောင်းတယ်။ တိုတိုလေးနဲ့ ထိမိတယ်။ အိမ်ကတယောက်ကိုလည်း မေးကြည့်မိတယ်။ ငဲ့ညှာစရာ ကလေးကလည်း မရှိတော့ အသက် ၄၀လောက်ဆို ရည်းစားထားမှာလားလို့။ မီယာတော့ ကိုယ့်ကို မချစ်တော့ဘူးလို့ ပြောလာရင် သွားခွင့်ပေးလိုက်မယ် စိတ်ကူးတယ်။ တွေးရင်းတောင် ၀မ်းနည်းလာတယ်။

tg.nwai said...

ဝင်ပြီး ဆွေးနွေးပေးတဲ့အတွက် anonymous ကို ကျေးဇူးတင်ပါတယ်။
ကျမ ပြောခဲ့ဖူးသလိုပါပဲ..ဒါကတော့ ကာယကံရှင်တွေရဲ့ ခံယူချက်ပေါ်မှာပဲ မူတည်မှာပေါ့။ ကိုယ့် အိမ်ရှင်မဟာ ဘ၀တစ်ခုလုံးပေးဆပ်ပြီး ကိုယ့်အတွက် အိမ်ထောင်ထိန်းသိမ်းပေးရုံ၊ ပွဲလယ်တင်တယ့်ရုံ၊ ကိုယ့်ရဲ့ မျိုးဆက်မတိမ်ကောချင်လို့ သက်သက်ပဲ so called wife အဖြစ်နဲ့ပဲ မြင်တယ်ဆိုရင်တော့ ကျမ စိတ်မကောင်းပါဘူး။ ယောကျာင်္းဟာ ယောကျာ်င်္းပဲဆိုရင် မိန်းမဟာလည်း သာမန်အားဖြင့် မိန်းမတွေလိုပဲ ထိခိုက်ခံစားရမယ်ဆိုတာ ထည့်စဉ်းစားပေးစေချင်ပါတယ်...။ ကိုယ်ချစ်တဲ့သူ ဆိုရင်တော့ ဘယ်သူက နာကျင်ခံစားစေချင်ပါ့မလဲပဲနော်...။

သီဟသစ် said...

မမtgရေ

အိမ်ထောင်တစ်ခုသာယာခိုင်မြဲဖို့ နှစ်ယောက်လုံးမှာ တာဝန်ရှိပါတယ်လို့ လက်ခံပါတယ်ဗျာ

ခင်မင်စွာဖြင့်
သီဟသစ်

Anonymous said...

" ..... မိန်းမဟာလည်း သာမန်အားဖြင့် မိန်းမတွေလိုပဲ ထိခိုက်ခံစားရမယ်ဆိုတာ ထည့်စဉ်းစားပေးစေချင်ပါတယ်...။

ကိုယ်ချစ်တဲ့သူ ဆိုရင်တော့ ဘယ်သူက နာကျင်ခံစားစေချင်ပါ့မလဲပဲနော်...။ "

I can't believe that married adult women still exist in dream world..

you all really need to wake up..for the sake of you all life...

These days are changing...

Middle age guys are changing..( especially socially active smart professional married guys)..

I hope you don't maintain yourself and still expect your whole life for these guys.?

You don't think that you are too much demanding..?

for what..?

tg.nwai said...

Anonymous ရေ... ကျေးဇူးတင်ပါတယ်...အကြံပေးတာကို။ ကျမကတော့ materialism သမားတယောက် မဟုတ်လေတော့.. ခေတ်မှီအောင် ဆိုရှယ်တွေနဲ့ နေမယ်ဆိုရင်တောင် ကိုယ် ယုံကြည်ထားတာကိုတော့ ဖျက်ပစ်မိမယ်မထင်ဘူးလေ..။ socially active smart professional married guys တွေကိုမြင်ရတာကိုလည်း အားမကျဖူးပါဘူး။ ကျမအတွက်တော့ ဆိုရှယ်ဆိုတာထက် ကိုယ်ကျင့်တရားကိုပဲ ပိုအလေးထားပါတယ်။

လွတ်လပ်စွာ သဘောကွဲလွဲနိုင်ပါတယ်ရှင်.. အေးအေးဆေးဆေးပေါ့။

Anonymous said...

ဘယ်လောက်ပဲကိုယ့်ကိုယ်ကို ထိန်းသိမ်းပြုပြင်ပါစေ။ ဇရာသဘောအရ
အိုမင်းပျက်ယွင်းမှာပါပဲ။ နိုပျိုမှုတော့အခါမို့ သာယာမှုရှာမယ်ဆို အိမ်ထောင်မပြုနဲ့ပေါ့။ ကာမ တစ်ခုတည်းအတွက် ပြုတာဆိုရင်
နွားထက်ပိုမထူးတဲ့ ယောက်ကျားပဲ ။ မလွမ်းလောက်လိုက်တာ။

Anonymous said...

အနောနီးမတ် ဆိုတဲ့ ယောင်္ကျားက မေတ္တာဆိုတဲ့ အတိမ်အနက်ကို တဏှာနဲ့ပဲ ကြည့်တယ်လို့မြင်ပါတယ်..။
ဘာပဲဖြစ်ဖြစ် အိမ်ထောင် တခုတည်မြဲဖို့က ၂ယောက်လုံးမှာ တာဝန်ရှိပါတယ်။

ကလေးတွေက မြေဇာပင် ဖြစ်တာကိုတော့ သိပ်လက်မခံချင်ဘူးလေ..။

မြတ်နိုး

Anonymous said...

I think..

because you don't understand real world..

if anything happen, you women wanna excuse, cry, complain and so on..

you don't really know fair marriage for your beloved guy ' who's changing mindset and environment..

life is really challenging and don't better still with old traditional..

I'm talking about not just S**...as you women simply think that it's marriage mean..

It's complicated..especially boring ...may be..

Anonymous said...

and..you look around all over the news of front page..

all middle age guys are happening..

don't better think only for your existing small world ..

if your guys get better environment, he'll be changing..i'm sure..

look for consequences..

Anonymous said...

မိန်းကလေးတွေရဲ့ စိတ်ကူးယဉ်ချင်မှု။...

ယောက်ျားလေးတွေရဲ့ လက်တွေ့အနေအထား။....

သဘာဝ တရားကို စိတ်ကူးယဉ်ချင်လို့မှ မရတာ။.............................."နင်က အသက်ကြီးပြီး အရုပ်ဆိုးလာလို့" .......

လို့တော့ အမှန်အတိုင်း ဘယ်ပြောလို့ ကောင်းပါ့မလဲနော်။

သက်ဝေ said...

သိင်္ဂီ ရဲ့ သဘောထားနဲ့ ကိုယ့်သဘောထားနဲ့ တထပ်တည်းပါပဲ...။ အိမ်ထောင်တခုမှာ ဒီကိစ္စတွေဟာ တကယ်ကို အရေးကြီးလှပါတယ်...။
ကိုယ့် ပါတ်ဝန်းကျင်မှာလဲ တွေ့နေရတယ်...
သိင်္ဂီ လို တိုတိုနဲ့ ထိထိမိမိ မရေးတတ်လို့...။
ကိုယ်တိုင်ကြုံလာရင် ဆိုတာမျိုးကိုတော့ မတွေးမိသေးဘူး...
သူ့ကို ယုံကြည်မှု လွန်ကဲနေတာလား...
ကိုယ်တိုင်က တွေးဖို့ သတ္တိ အလုံအလောက် မရှိသေးတာလား ဆိုတာကိုတော့ ပြန်စဉ်းစားကြည့်လိုက်အုံးမယ်...။

သင်းနွယ်ဇင် said...
This comment has been removed by the author.
သင်းနွယ်ဇင် said...

သိံဂီရေ
ငါတို့တွေပဲခေါတ်နောက်ကျကျန်ခဲ့လို့လား
မတွေးတတ်ဘူး ဒါပေမဲ့ အဲဒီလိုတွေးခေါ်နေတတ်တဲ့
ကိုယ်ပိုင်ကိုယ်ကျင့်တရားအာနည်းသူ
တွေသာငါတို့တိုင်းပြည်မှာ ပွါးးမျာလာမှာကိုပဲစိုရိမ်မိပါတယ်။

ခင်မင်းဇော် said...

သိဂီ င်္နဲ့ တထပ်တည်းပဲ။ ကိုယ်ကျင့်တရား ထိန်းသိမ်းဖို့ဆိုတာ ယောက်ျားမိန်းမရယ်မဟုတ်ဘူး။ လူဆိုတာနဲ့ ကြီးသည်ငယ်သည်မရွေး ထိန်းသိမ်းရမှာ။ ကိုယ်ကျင့်တရားမရှိပဲ ဘယ်လောက်တော်တော် အထင်မကြီးဘူး။ အိမ်ထောင်တခု တည်ထောင်ပြီဆိုကတည်းက သာယာခိုင်မြဲဖို့ ၂ ယောက်စလုံး စောင့်ထိန်းရမယ့် ၀တ္တရားတွေကိုယ်စီ ရှိပြီးသားပဲ မဟုတ်လား။ ဖောက်ဖျက်ပြီဆိုရင်တော့ ကိုယ်မလေးစားနိုင်တော့ဘူး။ တကယ်ဆိုရင်တော့ ဘယ်လိုလာမယ် မသိပေမယ့် စိတ်ကူးထဲမှာတော့ မှားသူက ဂျောင်းပဲ ။

မိုးခါး said...

မုန်းလိုက်တာ အရမ်းပဲ
အဲလိုလူတွေကိုလေ
လောလော လတ်လတ်ပဲ ကြားထားတဲ့ သတင်းကလည်းရှိသေးတယ် ..
တော်ပြီ မပြောတော့ဘူး မပြောတာပဲကောင်းတယ် ..း(

Moe Cho Thinn said...

မမရေ
အခုမှ လာဖတ်မိတယ်။ မမပြောသလို အိမ်ထောင်တခု သာယာဖို့ နှစ်ဦးနှစ်ဖက်စလုံးမှာ တာဝန်တွေ ရှိကြတယ်ဆိုတာ အမှန်ပဲပေါ့။

နင် အို လို့ ပျိုတဲ့သူတွေဆီ သွားမယ် ဒါ သဘာဝပဲ ဆိုရင် အဲဒီသွားတဲ့သူကရော အိုနေပြီ မဟုတ်ဘူးလား။ မိန်းမလုပ်သူမှာလဲ ဒါမျိုး သွားလို့ ရနေတာပဲ မဟုတ်လား။ မိန်းမတွေ မသွားတာက စောင့်ထိန်းရမဲ့ လူ့ကျင့်ဝတ်တရားရယ်၊ အချစ်ရယ်၊ တဦးကို တဦး လေးစားမှုရယ်ကို ရင်ထဲက လက်ခံထားနေလို့ပါ။

ယောကျာင်္းတိုင်း ဖောက်ပြန်ပြီး မိန်းမတိုင်း ကောင်းနေတယ် ထိန်းသိမ်းနေတယ် လို့ မဆိုလိုပါဘူး။ လူတဦးချင်း တယောက်ချင်းစီရဲ့ စိတ်နဲ့သာ ဆိုင်ပါတယ်။ ဖောက်ပြန်ဖို့က လွယ်တယ် ထင်ပါတယ်။ ဒါပေမဲ့ လူတယောက်အနေနဲ့ကတော့ ရှက်စရာလို့ ထင်မိလို့ မလုပ်မိဖို့ ထိန်းသိမ်းမှာပါ။ မမရေးထားသလိုလဲ ကြုံလာရရင် လူပီပီ အချစ်ကို တန်ဖိုးထားသူမို့ မမkom လို သဘောထားကြီး ခွင့်လွှတ်နိုင်လိမ့်မယ်လို့ တကယ် မထင်မိဘူး။
ချိုသင်း သဘောထားပါပဲ။ မြန်မာ မိန်းကလေးအများစုရဲ့ ခံစားချက်လို့ ထင်မိပါတယ်။