ဘုရားဖြစ်ရန် အမျိုးသမီးများ ဆုထူးပန် ( သဒ္ဓမ္မရံသီရိပ်သာ ဆရာတော်)

ဒီတစ်ပတ် ဥပုသ်နေ့အတွက်တော့ သဒ္ဓမ္မရံသီဆရာတော်ဘုရားကြီးရဲ့ ဘုရားဖြစ်ရန် အမျိုးသမီးများ ဆုထူးပန် ဆိုတဲ့ တရားဆောင်းပါးလေးကို တင်ပါရစေ။  အမျိုးသမီးတိုင်းကတော့  ကိုယ့် အမျိုးသမီးအဖြစ်ကို မလိုလားတာ ဖြစ်ချင်မှ ဖြစ်မှာပါ.. တချို့ကျတော့လည်း မိန်းမဘ၀ကို နိမ့်ကျတယ်လို့ မထင်ရင်တောင်မှ အမျိုးသားအဖြစ်ကို ပိုအလိုရှိတတ်ကြပါတယ်.။ ကျမ အနေနဲ့ဆိုရင်တော့  လက်ရှိ မိန်းမသားအဖြစ်ကို လက်ခံပါတယ်.. ဒါပေမယ့် နောင်ဘ၀မှာ ဖြစ်ချင်တာ ရွေးချယ်ခွင့်ရှိမယ် ဆိုရင်  (မည်ကာမတ္တမျိုးမဟုတ်တဲ့)  ယောကျာင်္းကောင်း ယောကျာင်္းမြတ်တစ်ယောက်အဖြစ်ကို ပိုလိုလားပါတယ်..  အဲဒီလိုပြောတာ မိန်းမသားဘ၀ကို အထင်သေးလို့ မဟုတ်ပါဘူး... မိန်းမသားတွေရဲ့ ကြီးမြတ်တဲ့ မေတ္တာတရားနဲ့ ပုခက်လွှဲတဲ့ လက်များကို အထင်ကြီးလေးစားပါတယ်... ဘယ်နေရာမှာမဆို အားသာချက် အားနည်းချက်တွေ ရှိစမြဲမို့ ကိုယ့်မှာ ရှိတဲ့ အင်အားတွေကို အကျိုးရှိတဲ့ နေရာမှာ အကောင်းဆုံး အသုံးချနိုင်ဖို့ပဲ အရေးကြီးတယ်လို့ ထင်ပါတယ်ရှင်..။

 

 @@@@@@@@

ဘုရားဖြစ်ရန် အမျိုးသမီးများ ဆုထူးပန်

သဒ္ဓမ္မရံသီရိပ်သာ ဆရာတော်  အရှင်ကုဏ္ဍလာဘိဝံသ  

တချို့သော  အမျိုးသမီးတို့သည် မိမိတို့၏  အမျိုးသမီးဘ၀ကို နိမ့်ကျသော ဘ၀ဟု ထင်မြင်ယူဆကြသည်။ အရာရာတွင် အမျိုးသားများ၏ နောက်လိုက်သာ ဖြစ်ကြရပေသည်။ အလွန်မြင့်မြတ်သော ဘုရားအဖြစ်သို့ မရနိုင်ကြပေ။ ဆုထူးပန်ရန် မဖြစ်နိုင်ဟု ထင်မြင်ယူဆ နေကြသည်။ ဒီလို မဟုတ်ပါ။ အမျိုးသမီးများသည် အမျိုးသားများနှင့် တန်းတူ ဆောင်ရွက်နိုင်သော အခွင့်အရေးရှိသည်။ ဘုရားဖြစ်ရန် ဆုထူးပန်ဆင်နိုင်သည်။

မြတ်စွာဘုရားလက်ထက်တော်အခါက အမျိုးသမီးများ  ဘုရား  ဆုတောင်းကြသည့် သာဓကများ ရှိသည်။ 

မြတ်စွာဘုရား ခုနစ်ဝါမြောက် ၀ါဆိုခါနီးတွင် တာဝတိံသာ နတ်ပြည်သို့ ကြွသွား၍ အဘိဓမ္မာတရားဟောကြားသည်။  ၀ါကျွတ်သောအခါ  အဘိဓမ္မာတရား ဟောကြားပြီးဆုံးသောကြောင့်  လူ့ပြည်သို့ ပြန်ကြွဆင်းတော်မူသည်။ ဘုရားရှင်ပြန်ဆင်းသောလမ်းတွင် နတ်ပရိသတ်များ  စုံလင်စွာ ရှိခိုးပူဇော်ကြသည်။ မြတ်စွာဘုရား၏  တန်ခိုးတော်ကြောင့်  အထက်မှသည် အောက်အ၀ီစိတိုင်အောင် ဟင်းလင်းပြင်ဖြစ်ကာ လူတွေလည်း နတ်ဗြဟ္မာတွေကို  တွေ့မြင်ကြရသည်။ ၃၆ -ယူဇနာရှိသော ပရိသတ်တွင် အားလုံးလိုလို ဘုရားအဖြစ်  ဆုတောင်းကြတော့သည်။ အမျိုးသား အမျိုးသမီး ခွဲခြားမှု ဟူ၍  မရှိတော့။ ထို့ကြောင့်  အမျိုးသမီးများသည် ဘုရားဖြစ်ရန်  ဆုထူးပန်နိုင်ကြသည်ကို သိကြလေသည်။ (ဓမ္မပဒ၊ ဌ-၂၊ ၁၄၆) 

ဘုရားအဖြစ်ကို ဆုတောင်းကြသော  အမျိုးသမီးတို့သည်  အမျိုးသမီးဘ၀အဖြစ်တော့  ဘုရားအဖြစ်ကို မရနိုင်၊  ထို့ကြောင့်  ဘုရားဆုပန်သော အမျိုးသမီးသည် အမျိုးသားဖြစ်ကြောင်း  တရားကို  အရင်လိုက်နာကျင့်ကြံရမည်။  အမျိုးကောင်းသား ယောကျာင်္းတစ်ဦးဖြစ်ရန် အမျိုးသမီးများလိုက်နာကျင့်ကြံရမည့် တရားများမှာ-

(၁) ရတနာသုံးပါးတို့၌  ကြည်ညိုခြင်း၊

(၂)  ငါးပါးသီလကို ဖြည့်ကျင့်ခြင်း၊

(၃) အမျိုးသမီးအဖြစ်၊ မိန်းမအဖြစ်ကို မနှစ်သက်ခြင်း၊

(၄)  အမျိုးသားအဖြစ်၊ ယောကျာင်္းအဖြစ်ကို နှစ်သက်ခြင်း၊

ဟူသော တရားလေးပါးကို လိုက်နာကျင့်ကြံရမည်။  ရတနာသုံးပါး ကြည်ညိုရမည်ဟု ဆိုရာတွင်  ဘုရားဂုဏ်တော် ကိုးပါး၊  တရားဂုဏ်တော် ခြောက်ပါး၊  သံဃာဂုဏ်တော်  ကိုးပါးတို့၌  ဉာဏ်သက်ဝင်ကာ ယုံကြည် ကြည်ညိုရမည်ကို ဆိုလိုသည်။
  

ငါးပါးသီလကို ဖြည့်ကျင့်ရမည်ဟု ဆိုရာတွင် ငါးပါးသီလ၏ အကျိုးနှင့် အပြစ်ကို သိ၍  လုံခြုံအောင် စောင့်ထိန်း ဖြည့်ကျင့်ရမည်ကို ဆိုလိုခြင်း ဖြစ်သည်။ 

အမျိုးသမီးအဖြစ်၊ မိန်းမအဖြစ်ကို  မနှစ်သက်ခြင်းဟု ဆိုရာတွင် မိန်းမအဖြစ်၌   တည်ရှိပါက စကြ၀တေးမင်း၊ သိကြားမင်း၊ ဗြဟ္မာမင်း တို့၏ စည်းစိမ်ကို  မရနိုင်။ မစ္စေကဗုဒ္ဓါ၊ သဗ္ဗညု မြတ်စွာဘုရားအဖြစ်ကို မရနိုင်။  ထို့ကြောင့်  အမျိုးသမီးအဖြစ်၊ မိန်းမအဖြစ်ကို မလိုချင်၊ မနှစ်သက်ခြင်း ရှိနေရမည်။ ထိုကဲ့သို့ မနှစ်သက်ခြင်းသည်ပင်  အမျိုးကောင်းသာ ယောကျာင်္းဖြစ်ဖို့ရာ အကြောင်းတစ်ပါး ဖြစ်၏။ 

အမျိုးသား ယောကျာင်္းအဖြစ်ကို နှစ်သက်ခြင်းဟု ဆိုရာတွင် အမျိုးသား ယောကျာင်္းအဖြစ်၌ တည်ရှိပါက စကြ၀တေးမင်းမှ  အစ နောက်ဆုံး သဗ္ဗညု မြတ်စွာဘုရားတိုင်အောင်  ဖြစ်နိုင်သည်။  ထိုမွန်မြတ်သော  ဘ၀များကို ရနိုင်သော အမျိုးသားယောကျာင်္းအဖြစ်ကို နှစ်သက်စိတ်ရှိရမည်။ 

မြတ်စွာဘုရားလက်ထက်တော်အခါက ဤအမျိုးသား ယောကျာင်္းဖြစ်ကြောင်း  တရားလေးပါးကို လိုက်နာ ကျင့်ကြံ၍ ဒုတိယဘ၀၌ အမျိုးသမီးအဖြစ်မှ အမျိုးသား ယောကျာင်္းအဖြစ်ကို ရောက်သွားသော သာဓကများ ရှိသည်။ 

အခါတစ်ပါး ကပ္ပိလ၀တ်ပြည်သူ ဂေါပိကာအမည်ရှိ သာကီဝင်မင်းသမီးသည်  ဘုရား၊တရား အလွန်ကြည်ညိုသည်။ ငါးပါးသီလ လုံအောင် စောင့်သည်။ အမျိုးသမီးအဖြစ်ကို မနှစ်သက်။ အမျိုးသားယောကျာင်္းအဖြစ်ကို နှစ်သက်သည်ဖြစ်၍  ရဟန်းတော်သုံးပါးကို ပြုစုလုပ်ကျွေးလျှက် နေသည်။ ဂေါပိကာ ကွယ်လွန်သောအခါ ဒုတိယဘ၀တွင် တာဝတိံသာနတ်ပြည်၌ သိကြားမင်း၏ သားတော် ဂေါပကနတ်သား  ယောကျာင်္းဖြစ်ရလေ၏။ 

ထိုသာဓကကို ထောက်ထား၍  အမျိုးသမီးတို့သည် ဤတရားလေးပါးကို ပြည့်စုံအောင် ကျင့်နိုင်သော် ဒုတိယဘ၀၌ ယောကျာင်္းကောင်းစင်စစ် ဖြစ်နိုင်သည်။  ယောကျာင်္းဘ၀ ရပြီးသောအခါတွင်လည်း အရင်ဘ၀က တောင်းခဲ့သော  ဘုရားဆုပြည့်ကြောင်း ပါရမီကို ဖြည့်ကျင့်ပါက  ဘုရားအဖြစ်ကို ရောက်နိုင်သည်။ သို့ဖြစ်၍ အမျိုးသမီးများလည်း ဘုရားဖြစ်ရန် ဆုထူးပန်နိုင်ကြပေသည်။