Wednesday, February 13, 2008

၉၃-နှစ်ပြည့် မြန်မာ့လွတ်လပ်ရေးဖခင်ကြီး ဗိုလ်ချုပ်အောင်ဆန်းမွေးနေ. အမှတ်တရ....

လွန်ခဲ့တဲ့ နှစ်ပေါင်း ၉၃-နှစ်၊၁၉၁၅ ခုနှစ် ဖေဖော်ဝါရီလ- တစ်ဆယ့်သုံးရက်နေ.မှာ မြန်မာပြည်လွတ်လပ်ရေးဖခင်ကြီးဖြစ်လာမယ့် သူငယ်လေးကို ဖခင်ရှေ့နေဦးဖာ နဲ. မိခင် ဒေါ်စုတို.မှ မကွေးတိုင်း နတ်မောက်မြို.မှာ မွေးဖွားသန်.စင်ခဲ့ပါတယ်။


ကျမတို. ငယ်စဉ်ကတည်းက ဗိုလ်ချုပ်အကြောင်းကို ကြားဖူး ဖတ်ဖူးစ ကပင် လေးစားအားကျခဲ့ရတဲ့ ကျမတို.ရဲ. အာဇာနည် သူရဲကောင်း။ ငယ်စဉ်ကျောင်းမှာ သင်ကြားခဲ့ရတဲ့ အောင်ဆန်းဇာနည် ကဗျာလေးက ရင်ထဲ စွဲမြဲဆဲ။


ဗိုလ်ချုပ်အောင်ဆန်းဆိုတာကျမတို. ခုနှစ်သားအရွယ်မှာလည်း သူ.မိခင်ဒေါ်စုက ကုန်သည်တယောက်ကို မမှန်တဲ့စကား ပြောနေတာကို ကြားတဲ့ မောင်အောင်ဆန်းလေးက အမေ့ကို မညာဖို.ပြောခဲ့တာကလည်း ကျမတို.ကလေးတွေရော၊ လူကြီးတွေပါ အတုယူစရာ ဖြစ်ခဲ့ပါတယ်။ လူဆိုတာ ကိုယ့်သမိုင်းကိုယ်ရေးရတယ် ဆိုတဲ့အတိုင်း ရိုးသားတဲ့ကလေးကမှ ရိုးသားတဲ့ ခေါင်းဆောင်ကောင်းဖြစ်လာနိုင်တယ်ဆိုတဲ့ အသိ ၀င်ခဲ့ရပါတယ်။


မြ၀တီရဲခေါင်ရေးတဲ့ "သဘောကောင်းသူ" ဆိုသော ဆောင်းပါးကို မေ့ပျောက်၍ မရနိုင်သော အောင်ဆန်း စာအုပ်တွင် ဖတ်ရသောအခါ ဗိုလ်ချုပ်ရဲ. စိတ်ထားကြီးမြတ်ပုံနဲ. သဘောထားကြီးပုံတို.ကို မြင်တွေ.ရပြန်တော့ ပိုပြီး လေးစား နှမြောမိပါရဲ.။


ဗိုလ်ချုပ်ဟာ သူနေစဉ် တိုတောင်းလှတဲ့ ၃၂-နှစ်အတွင်းမှာ တိုင်းပြည်အတွက် လုပ်ဆောင်ခဲ့တာတွေဟာ အံ့လို.မဆုံးနိုင်လောက်အောင်ပါပဲ။ ကျမ တစ်ခု ၀မ်းသာမိတာက၊ ဒီလောက်တောင် တိုင်းပြည်ရေးရာတွေကို အားသွန်ခွန်စိုက် လုပ်ဆောင်ခဲ့တဲ့ ဗိုလ်ချုပ်ရဲ. တသက်တာမှာ နွေးထွေးတဲ့ မိသားစုလေးတခု ပိုင်ဆိုင်ခွင့်ရခဲ့တာရယ်။ ထပ်ပြီး ကျေှးဇူးတင်ရတာကတော့ ဗိုလ်ချုပ်က သူ.ဘ၀တသက်တာလုံးကို တိုင်းပြည်အတွက် ပေးဆပ်ခဲ့ရုံသာမက သူ.ရဲ. မျိုးဆက် သူရဲကောင်းတယောက် ချန်ထားခဲ့ရစ်ခဲ့ခြင်းကိုပါ။


ကျမ ငယ်စဉ် ကျောင်းနေစဉ် လက်ချိုးရေတွက်လို.ရအောင် နွှဲဖူးတဲ့ ကျောင်းကပွဲတို. ကဗျာရွတ်ပွဲတို.မှာ အနုပညာဗီဇ အပြည့်ရှိတဲ့ ကျမအတွက် အဆင်ပြေတယ်ဆိုတာ မရှိသလောက်ရှားပါတယ်။ အဲဒီအထဲက တစ်ခုကတော့ တခုသော ဖေဖော်ဝါရီ ဆယ့်သုံးရက်နေ.မှာ ကျမတို. သူများကျောင်းမှာ ရွတ်ဆိုခဲ့ဖူးတဲ့ ကဗျာလေးတပုဒ်... အခုချိန်မှာတော့ အဆုံးရှာလို.မရတော့ပေမယ့် ... ကျမ သတိရဆဲ...

ဗိုလ်တေဇ၊ ဗိုလ်တေဇ
ပြောသလိုလည်း သူလုပ်ပြ

မြန်မာ့စံပြ သူ.အသွင်
ငယ်ငယ်ထဲကပင်
မဟုတ်လျှင် မခံတတ်
မွန်မြတ်လှတဲ့ သူ.စိတ်ဓာတ်

ခုနစ် နှစ်သား ရောက်တဲ့ခါ ပညာရင်နို. သောက်စို.ရှာ
မြတ်ပညာ သူကြိုးစား တက္ကသိုလ်သို.သွား
အားနှင့် မာန်နှင့် တက္ကသိုလ်
သုံးနှစ် လေးနှစ် သူမိုးခို

ကျွန်မခံလို သူ.စိတ်ဓာတ်
ထွန်းပေါ်အထပ်ထပ်.........
.............................
............................

ကဗျာက မပြီးသေးပါဘူး။ ကဗျာထဲမှာ ဂျပန်ပြည်သွား စစ်ပညာသင်တဲ့အကြောင်း ပါသေးတာကို မှတ်မိပေမယ့် ကျမလည်း အစဖော်လို.မရတော့ပါဘူး။ ကျမတို. ၆-နှစ်၊ ၇-နှစ်အရွယ် ဆရာမတွေ သင်တဲ့အတိုင်း ရွတ်ခဲ့ရတာပါ။ ကျမ သားကြီး ငယ်စဉ်ကတောင် ကျမ ရွတ်ပြခဲ့ပါသေးတယ်။ အခုတော့ ချို.ယွင်းလာတဲ့ အမှတ်သညာတွေနဲ. အချိန်ရဲ. တိုက်စားမှုထဲမှာ အဲဒီကဗျာလေးလည်း ပါသွားခဲ့ပါပြီ။ ဒါပေမယ့် ကျမတို.ရင်ထဲ အသဲထဲမှာတော့ ဗိုလ်ချုပ်ဟာ ဘယ်လိုမှ မေ့ပျောက်ဖို.မဖြစ်နိုင်တဲ့ ၊ မြန်မာပြည်သူ ပြည်သားတိုင်းအတွက် ထာဝရဖခင်အဖြစ် တည်တံ့နေမှာပါ။

၉၃-နှစ်ပြည့် မွေးနေ.မှသည် မြန်မာပြည်ကြီး တည်တံ့နေသရွေ. ကျမတို.ရဲ. လွတ်လပ်ရေးဖခင်ကြီး ကျမတို. မြန်မာပြည်သူ ပြည်သားတွေနဲ. အတူ တသွေးတည်း တသားတည်း တည်ရှိ ရှင်သန်နေဆဲပါ၊ ရှင်သန်နေဦးမှာပါ........။

No comments: