Tuesday, August 26, 2008

သူတို့လေးတွေရဲ. အတွေးစကားလေးများ။



အခု ကျမ သားငယ်နဲ့ သမီး နှစ်ယောက်စလုံးက လေးနှစ်ကျော်၊ ငါးနှစ်ကျော် အရွယ်တွေရောက်ကုန်ပြီဆိုတော့ စကားတွေ လည်လည်ပတ်ပတ် ပြောတတ်နေပါပြီ။ ကျမသားကြီးငယ်ငယ်တုန်းကလည်း စကားတအားများပါတယ်။ ကြာသပတေးသားဖြစ်ပြီး စကားများလွန်းလို့ သောကြာနဲ့နီးသွားလို့ဖြစ်မယ်လို့ ပြောဖြစ်ခဲ့ကြပါသေးတယ်။ သူ့ကိုဆို ကျမတို့ သွားနေကျဆိုင်က ကောင်မလေးတွေက ဖိုးသောကြာလို့ ခေါ်ပါတယ်။ ကျမက နဂိုထဲကိုက စကားသိပ်များများပြောလေ့မရှိသူမို့ သိပ်လေပေါတဲ့ သူတွေနဲ့ဆို ကြာကြာနေရရင် နေလို့ထိုင်လို့ မကောင်းတော့ပါဘူး။ (အဟဲ.. စကားမများပေမယ့် စာရေးပြောတာတော့ သဘောကျသား။ ဒါကြောင့် ဖုန်းပြောလေ့ သိပ်မရှိပေမယ့် ချက်တင်ဆိုရင် သွက်လက်နေတတ်ပါတဲ့ ကျမ..)

အခု သားငယ်နဲ့ သမီးတို့လည်း စကားများကြတာပါပဲ။ ဒါပေမယ့် သူတို့အချင်းချင်း အဖော်ဖြစ်နေတော့ ကျမကို တချိန်လုံးလာပြီး စကားများနေတာမျိုးတော့ သိပ်မရှိတော့ဘူးပေါ့။ သူတို့နှစ်ယောက်က မောင်နှမအနေနဲ့သာ မဟုတ်တော့ပဲ သူငယ်ချင်း အနေနဲ့ပါ ချစ်ကြ ခင်ကြပါတယ်။ တစ်နှစ်ကျော်ကျော်လေးသာ ခြားတာမို့ ပြောလို့ဆိုလို့ ရနေပါတယ်။ တခါတခါ သူတို့ အချင်းချင်း ပြောဆိုနေကြတာတွေကို ဘေးက တိတ်တိတ်နားထောင်ရင်း ခိုးရယ်ကြရပါတယ်။

မနေ့ညကလည်း မီးတွေမှိတ်ပြီး အိပ်ခိုင်းနေတာတောင်မှ ချက်ချင်း မအိပ်သေးပဲ သူတို့ နှစ်ယောက်သား စကားတွေ ပြောနေကြပါသေးတယ်။ အငယ်မကလည်း ဟိုတလောကမှ ကျောင်းပြန်တက်ရတာဆိုတော့ တက်ကြွနေရင်း သူ သိသမျှ မှတ်သမျှကို သူ့အကိုငယ်ကို ဖောက်သည်ချနေပါတယ်။ သားငယ်ကလည်း သူ့ညီမစကားကို အိပ်ချင်မူးတူးနဲ့ နားထောင်ရင်း စကားတွေ ပြန်ပြောနေရပါတယ်။ သူ စကားပြန်မပြောရင်တော့ သူ့ညီမက သူ့ကို လက်စွမ်းပြမှာကိုး။

သူတို့စကားပြောနေရင်းနဲ့ office ဆိုတဲ့ အကြောင်းကို ရောက်သွားပါလေရော.....

“ @@@@@@@@@ office ######“
' u know office, meme?'
' yesh! i know, i know, office is...." အငယ်မ ဆက်မပြောတတ်တော့..." အင်း... လူဆိုးတွေကို ပို့တဲ့နေရာလေ....."
ကျမတို့ နှစ်ယောက်လည်း သူတို့စကားကို နားထောင်ရင်း မျက်လုံးပြူးသွားရပါတယ်..။ ဒါပေမယ့် အငယ်မက စကားကို အကျိုးအကြောင်းသူ.ဖာသာ သူ ဆက်စပ်ပြီး ပြောတတ်တဲ့သူဆိုတော့ ဆက်နားစွင့်နေရပါတယ်..။
“ ဟုတ်တယ်... ရဲတောက်တို့ ကျောင်းမှာလည်း တီချာက ဆိုးရင် office ပို့မယ်လို့ ပြောတယ်...”

“ အင်း... မီးမီး သူငယ်ချင်းတစ်ယောက်လည်း ဆိုးလို့ မီးမီးတို့ တီချာက office သွားရမယ်နော်လို့ ပြောသေးတယ်လေ... ဒီတော့ office ဆိုတာ ဆိုးတဲ့သူတွေကို ပို့တာ... ဟုတ်တယ်မလား တောက်တောက်”
ကျမတို့ နှစ်ယောက်လည်း တခွိခွိနဲ့ ကြိတ်ရယ်ရင်း ... သူတို့ကို မြန်မြန်အိပ်ဖို့ ချော့မော့ကြိမ်းမောင်း ပြီး သိပ်လိုက်ရပါတော့တယ်.....။ ။

3 comments:

Thinn Nwe Zin said...

They are very cute.

sonata-cantata said...

သိပ်ချစ်ဖို့ ကောင်းတာပဲ tg ရယ် မှတ်နိုင်သလောက် မှတ်တမ်းတင်ထားစမ်းပါ။

သီဟသစ် said...

မမtg ရေ
သူတို့လေးတွေက ချစ်စရာလေးတွေနော်။ သူတို့ပြောတဲ့ စကားလေးတွေ လည်းမှတ်ထားပြီး ထပ်တင်ပေးပါအုံး။