ဈေးနှင့် ကျမ

တနေ့က သူငယ်ချင်းတစ်ယောက်က ကျမကို ဈေး မသွားဘူးလားမေးတယ်။ အဲ.. သူပြောတာက .. စူပါမားကက်တွေ မဟုတ်တဲ့ဈေး။ ဒါနဲ့ ကျမလည်း သေသေချာချာ ပြန်စဉ်းစားမိတယ်။

ဟုတ်ပါတယ်။ ကျမ အဲဒီလို ဈေးသွားဝယ်လေ့ မရှိဘူး။ ငယ်ငယ်ကတော့ အမေ့ဈေးခြင်းတောင်းဆွဲတဲ့အခါ လိုက်တယ်။ အဲဒါလည်း တခါမှ တလေ..။ မေမေကလည်း သူ.အာရုံနဲ့ သူ ကြိုက်တာ ကြိုက်သလို ၀ယ်တတ်တာကိုး။ နောက် မေမေက အတွက်အချက်မတော်ဘူး။ သချာင်္များ တွက်ရပြီဆို၊ ခေါင်းတွေ ကိုက်ရောပဲတဲ့။ ဒါနဲ့များ မေမေ inter တက်တော့ ယူတာ စီးပွားရေးဘာသာတွဲ။  ဘာဖြစ်လို့လဲဆိုတော့ သူ့သူငယ်ချင်းယူတာ လိုက်ယူတာတဲ့။ နောက်တော့လည်း ဂဏန်းမြင်တာနဲ့ ခေါင်းကိုက်တတ်တဲ့ မေမေ ကျောင်းထွက်ပြီး ဖေဖေနဲ့ ယူလိုက်ပါလေရော။ အဲ.. စကားတွေ ဘေးရောက်ကုန်ပြီ။ ကျမကလဲ မေမေနဲ့ ဈေးလိုက်တိုင်း ဈေးသည်က တောင်းချင်သလောက်တောင်းတိုင်း မေမေ ပေးနေတာကိုကြည့်ပြီး မနေနိုင်တော့ လိုက်တွက်ပေး။ ကျမပါလာရင် ဈေးသည်တွေက သိပ်မကြည်ချင်တော့။ အဲဒီတော့ ကျမကို ဘာပြောတယ်ထင်သလဲ။ " သမီးကလည်း အမေ့လိုလဲ မလှဘူးနော်" တဲ့။ ငယ်တုန်းကတော့ ကျမက စကားဆို ပက်ကနဲ ပြန်ပြောတတ်သူဆိုတော့ " အို... မေမေ့ထက် မေမေ့အမေက ပိုတောင်ချောသေးတယ်" လို့... ဟဲဟဲ... ဘယ်ရလိမ့်မလဲ။ ဒါနဲ့ နောက်ပိုင်း မေမေက ကျမကို ဈေးလိုက်ဖို့ မခေါ်တော့ပါဘူး။

ဖေဖေနဲ့ ကျတော့လည်း ကျမ မလိုက်ချင်ပါဘူး။ ဖေဖေက မေမေ့ထက် ပိုဈေးဝယ်တတ်ပါတယ်။ ဈေးဆစ်တာ၊ အဆစ်တောင်းတာတွေ များတော့ ကျမ ကြားက မျက်နှာပူရပါရော။ ကျမဘာသာတစ်ယောက်ထဲလည်း ဈေးမသွားပါဘူး။ အိမ်မှာနေတုန်းဆို မေမေတို့ပဲ သွားကြတာကိုး။

နောက် အလုပ်လုပ်တွေလုပ်၊ ကိုယ့်ဘာသာကိုယ် ချက်စားရတော့လည်း ကိုယ်ကြိုက်တာတွေ့လို့ ဈေးသင့်တယ်ထင်ရင် ၀ယ်လိုက်တာပါပဲ။ ကျမက ဈေးဆစ်ရမယ့်အလုပ် တကယ့်ကို မလုပ်ချင်သူပါ။ ဒါကြောင့် ကျမပစ္စည်းတွေ ၀ယ်ရင် တစ်ခွန်းဈေးဆိုင်တွေမှာပဲ ၀ယ်လေ့ရှိပါတယ်။ တကယ်တမ်း ကျမက လူတွေနဲ့စကားမပြောချင်တာဖြစ်မယ်ထင်တယ်။ စူပါမားကက်တွေမှာဆို ကိုယ်ကြိုက်တာကိုယ်ရွေးထည့်၊ ဈေးက ပုံသေသတ်မှတ်ပြီးသား။ ကျမ သိပါတယ်။ ရပ်ကွက်ထဲက ဈေးတွေမှာ စူပါမားကက်မှာထက် ပိုဈေးသက်သာလိမ့်မယ်ဆိုတာ။ ဒါပေမယ့် ကျမ မ၀ယ်တတ်တော့ အဲဒီဈေးတွေ သွားရတာ စိတ်ပင်ပန်းတယ်။ ဈေးမေးလို့ ပြောရင် အဲဒါ တစ်ဆယ်သားဈေးပြောတာလား၊ တပိဿာဈေး ပြောတာလား၊ အစိတ်သားဈေးပြောတာလား.. ကျမ မသိ။ အစိတ်သားဆို ဘယ်လောက်လောက် ရမလဲ။ ငါးဆယ်သားဆို ဘယ်လောက်လောက် ရမလဲ.. ကျမ မသိ။ ကျမ လိုချင်တဲ့ ပမာဏသာ သိသည်။ တခါကလည်း နှစ်ယောက်သား ခြင်းတောင်းဆွဲပြီး လမ်းထိပ်က ဈေးလေးကို သွားသည်။ နောက် ဟိုလျှောက် သည်လျှောက်နှင့် ပြန်လာတော့ ခြင်းတောင်းထဲမှာ ကန်စွန်းရွက် တစ်စည်းသာ ပါလာပြီးသည့် နောက်ပိုင်း ကျမ ဈေးမရောက်ဖြစ်တော့။ 

အမျိုးသားကတော့ ဈေးဝယ် ၀ါသနာပါသည်။ တခါတလေ ဈေးလေးကို လမ်းလျှောက်ပြီး သူဝယ်ချင်တာ သွားဝယ်တတ်သည်။ ပြန်လာရင် သူစားချင်တာ အစုံပါလာတတ်သည်။ နောက်ပြီး ကျမ ငါးအမျိုးအစားတွေကိုလည်း သိပ်မသိ။ သေသေချာချာသိတာဆိုလို့ ငါးခူ နဲ့ ငါးရံ့လောက်သာရှိသည်။ ငါးသလဲထိုးတို့ ငါးကျီးတို့ကိုလည်း သိပါသေးသည်။ အဲဒီတော့ စူပါမားကက်တွေမှာဆို စာရေးထားတော့ ဘာငါးလဲဆိုတာ သိရတာကိုး။ နောက်ပြီး အသားငါး မကိုင်တတ်တဲ့ ကျမအဖို့တော့ သန့်စင်ပြီးသားတွေက ပိုအဆင်ပြေနေသေးတယ်လေ။ ပိုဆိုးတာက ဈေးမှာရောင်းတဲ့ မသေမရှင်တွေနား ကျမ ဘယ်တော့မှ မသွားချင်။ 

ချုပ်ပြောရရင်တော့ ငယ်ငယ်ထဲက ဈေးလိုက်ဝယ်လေ့မရှိသူ၊ ကြီးလာတော့လည်း တတ်နိုင်သမျှ စကားနည်းနည်းပြောပြီးသာ ဈေးဝယ်ချင်တဲ့သူအဖို့  တစ်ခွန်းဈေး ဆိုင်တွေ ပေါ်လာတော့ ဈေးနဲ့ တဖြေးဖြေးဝေး။ နောက်ပြီး စူပါမားကက်တွေလို အဆင်သင့်သန့်စင်ပြီးသား ကုန်ပစ္စည်းတွေက ကျမအဖို့ ပိုအဆင်ပြေနေတော့..... ဈေးဆိုတာ..... အင်း......ကျမအတွက်တော့ စိမ်းနေသေးတဲ့ နယ်မြေတစ်ခုပါပဲ။      ။