Tuesday, October 7, 2008

ကြားရသမျှ သတင်းအပိုင်းအစ....။

ဟိုတနေ့က သတင်းစာထဲမှာ ကွန်ပျူတာ မဟာသိပ္ပံကျောင်းသူလေး တစ်ယောက် ဆုံးသွားတာ ဖတ်လိုက်ရပါတယ်။ အဲဒီလို ပညာတတ်ကလေးတွေ ငယ်ငယ်ရွယ်ရွယ်နဲ့ ဆုံးသွားတာ သတင်းစာထဲမှာ ဖတ်ရရင် စိတ်မကောင်းပါဘူး။ ကျမတို့ ကျောင်းနေဖက် သူငယ်ချင်းတစ်ယောက်လည်း ကျောင်းပြီးလို့ ဘွဲ့ရကာစ မှာပဲ ဆုံးပါးသွားခဲ့ရပါတယ်။ အချိန်မရွေး သေဆုံးနိုင်တယ်ဆိုတာ တရားသဘောအရသာ သိနေပေမယ့် အသက်ကြီးလို့ မီးစာကုန် ဆီခမ်းလို့ ဆုံးပါးသွားတာမျိုးဆို ဖြေသာပါသေးတယ်။ အင်း.. တရားတကယ်မသိဘူး ပြောရင်လည်း ခံရမှာပါပဲ။ 


အဲဒီကောင်မလေးက နွမ်းပါးရှာပါတယ်။ သူ့ကျောင်းစားရိတ်ကို ကလေးတွေအိမ် ကျူရှင်လိုက်ပြရင်း ဖြည့်ဆည်းရတာပါ။ မိဘတွေကိုလည်း သိတတ်လိမ္မာစွာ ရှာဖွေကျွေးမွေးနေတာပါ။ ဖြစ်ချင်တော့ သူ.ကျူရှင်တပည့်လေးအိမ်က မြို.ထဲက ကွန်ဒိုတစ်ခုမှာ.. ညနေလေးနာရီလောက်အချိန်။ များသောအားဖြင့်တော့ ကွန်ဒိုတွေမှာ လုံခြုံရေးဝန်ထမ်းတွေ ရှိတတ်ပါတယ်။ အဲဒီကွန်ဒိုအကြောင်းတော့ ကျမ မသိပါဘူး။ အဲဒါနဲ့ ကောင်မလေးက ဓာတ်လှေကားက အထွက်၊ ကော်ရစ်ဒါအချိုးလေးနားမှာ လူတစ်ယောက်က သူ့ပိုက်ဆံအိတ်ကို ဆွဲလုပြေးပါသတဲ့။ သူကလည်း လွှတ်မပေးပဲ အတင်းဆွဲသွားတော့ ဓားနဲ့ ထိုးသွားတာလို့ ပြောပါတယ်။ ရင်နာစရာကောင်းတာက သူ့ရဲ့ ပိုက်ဆံအိတ်ထဲမှာ ပိုက်ဆံ နှစ်ထောင်လေးပဲ ပါတာပါ။


ကောင်မလေးကလည်း သူ့တပည့်လေးအခန်းဆီရောက်အောင်သွားတော့လည်း အိမ်မှာက ၅-တန်းအရွယ်တပည့်လေးရယ်၊ အိမ်အဖော်လေးရယ်ပဲ ရှိတော့၊ အောက်ကို ပြန်ဆင်းပြီးမှ ပြောတော့ လုယက်ဓားနဲ့ ထိုးသွားတဲ့ သူကိုလည်း မမိ၊ အငှားကားနဲ့ ဆေးရုံရောက်တော့လည်း ဓားကို ထုတ်ထားဖြစ်ပြီးဖြစ်တဲ့ ဓားဒဏ်ရာကို သေသေချာချာ မစစ်ဆေးပေးပဲ အပေါ်ယံသာ ချုပ်ပေးလိုက်တယ်လို့ ဆိုပါတယ်။ အတွင်းက သွေးထွက်လွန်လို့ အခြေအနေပိုဆိုးပြီး ဆုံးသွားတာလို့ ကြားရတာပါပဲ။


တဆင့်စကားကြားရတာဆိုပေမယ့် သေချာတာကတော့ ပညာတတ် အမျိုးကောင်းသမီးလေးတစ်ဦး နေ့ခင်းကြောင်တောင် မြို.လယ်ကောင်ကြီးမှာ ပိုက်ဆံ နှစ်ထောင်တည်းပါတဲ့ ပိုက်ဆံအိတ်ကို ကာကွယ်ရင်း ဓားထိုးခံရပြီး အသက်တစ်ချောင်း ဆုံးပါးသွားခဲ့ရတာပါ။ 

ကျမတို့ မြို့မှာ လုံခြုံရေးတွေမှ အပြည့်ရယ်။  လုံခြုံရေးတွေ.... အများကြီးမှ အများကြီးပါပဲ။ လက်နက်ကိရိယာတွေ အပြည့်အစုံတွေနဲ့...။ ဒီလောက်လုံခြုံရေး တင်းကြပ်နေတဲ့ ကြားကတောင်နော်.... လုံခြုံမှု အားနည်းနေသေးတယ်ဆိုရင်တော့... ခုတ်ရာ တခြား ရှရာ တလွဲများ ဖြစ်နေတာလား။ ဒါမှ မဟုတ် အဲဒီ လုံခြုံရေးဆိုတာတွေက ကျမတို့ ပြည်သူတွေနဲ့များ မသက်ဆိုင်လေရော့သလားပဲ...နော်။

2 comments:

သင်းနွယ်ဇင် said...

ပိုက်ဆံ နှစ်ထောင် နဲ့ လူ့အသက် တချောင်း လဲလိုက်ရတာပေါ့.. ဆရာဝန်တွေကလဲ ပေါ့ဆလိုက်တာနော်..

ThuHninSee said...

သြော်..ပိုက်ဆံနှစ်ထောင်နဲ့အထက် တန်ဖိုးရှိတာတွေကိုစောင့်ရှောက်နေရလို့
မအားဘူးလေ. နားလည်ပေးလိုက်ပါ။