အမှတ်တရ သဇင် (၁)

သူများတွေ ကျောင်းအကြောင်းတွေ ရေးကြတဲ့ အခါ.. ကျမလည်း ကျမတို့ရဲ့ ပထမဆုံး ဘူမိနက်သန် နေရာမှန်လေး ဖြစ်တဲ့ သဇင်ဆောင်လေးကို ပြန်သတိရမိပါတယ်။

ကျမချစ်တဲ့ သဇင်ဆောင်အကြောင်းတော့ သတိတရ ပြန်ရေးချင်ပါတယ်..။ ဒါပေမယ့် ရေးစရာတွေက ရှားပါးနေသလိုလို..။ 

တကယ်တမ်းကျတော့ ပထမဦးဆုံးအတွေ.အကြုံတွေကို လူတော်တော်များများက အမှတ်တရ သတိရနေတတ်ပါတယ်.. ဒါကြောင့်သူများတွေ အပြောအရတော့ ရည်းစားဦးကို မြေးဦးရတဲ့ အထိ မမေ့ဘူးဆိုပဲ.. ဟဲဟဲ.. ဆိုင်မဆိုင်တော့ မသိဘူးလေ.. (ကျမတော့ အဲဒီအထဲမပါပါဘူး။)

ကြီးမားခန်းညားလှတဲ့ အာအိုင်တီ ကျောင်းတော်ကြီးမှာထက် မိဘအိမ်အစား နေထိုင်ခဲ့ရတဲ့ အဆောင်လေးမှာ ကျမတော့ ပိုပျော်ခဲ့သလိုပါပဲ။ တဦးတည်းသော သမီးမိန်းကလေးဖြစ်လို. တစ်ယောက်တည်း နေတတ်ခဲ့ပေမယ့် အဆောင်မှာဆိုရင်တော့ ညဖက်မှာဆို ရွယ်တူ သူငယ်ချင်းမိန်းကလေးတွေနဲ့ စာအတူတူ ကျက်လိုက်၊ ကော်ဖီ အတူသောက်လိုက်၊ လက်ဖက်သုပ်တွေ စုစားခဲ့ကြတဲ့ အားလုံးက မိဝေးဖဝေး လာနေထိုင်ကြတာမို့ တယောက်ကို တယောက် ချစ်ချစ်ခင်ခင် ညှိညှိနှိုင်းနှိုင်းနဲ့ အပြိုင်အဆိုင်ဆိုတာ မရှိသလောက် ပျော်စရာကောင်းခဲ့ပါတယ်။

ကျမတို့ အဆောင်ရောက်ကာစ ကျောင်းက ပြန်လာရင် ညနေ ပါလာချိန် ကိုယ့်ဆီလာမယ့် ဧည့်သည်က မရှိ။ ကျမ အခန်းက ဘယ်ဘက်ခြမ်း front row ကဆိုတော့ ဧည့်ခေါ်တဲ့ ဦးလေးကြီးက သူများတွေကို ခေါ်ပေး.. အတန်းကြီးတွေကတော့ သူဧည့်သည်တွေနဲ့ သူတို့ ပျော်လို့ ပါးလို့ ဟားလို့။  တချို.တွေလည်း အတွဲတွေနဲ့ပေါ့။ (အားတော့မကျသေးပါဘူး).. ဒါပေမယ့် ငေါင်တောင်တောင်နဲ့ တချို့ အိမ်ကို လွမ်းလို့ အိပ်ယာပေါ်မှာ ခွေတဲ့သူက ခွေ၊ နားတဲ့သူက ညှိုးငယ်စွာနားနေတဲ့ အချိန်...

မန္တလာသူ အသန်းက တက်ကြွတဲ့သူ.. သူလည်းပဲ Home sick ဖြစ်နေပေမယ့် သူဖြေနည်းကတမျိုး.. သူငယ်ချင်းတွေရဲ. ထမင်းချိုင့်တွေကို ယူပြီး လိုက်ဆေးပေးပါတယ်။ နောက်ပြီး သူငယ်ချင်းတွေကို အားပေး.. နဂိုက စကားပြောမြန်တဲ့ အသန်းရဲ. သွက်လက်တဲ့ စတိုင်ကြောင့်ကို လူတွေက ပြန်လည်တက်ကြွလာရပါတယ်.. အဲဒီတုန်းကတော့ hip hop ပေါ်နေရင်တော့ အသန်းက ဆုတွေရမှာ အမှန်ပါပဲ.. သူကတော့ ဒါတွေ မှတ်မိပါဦးမလားတော့ မသိဘူး.. ကျမလည်း မေ့ချင်တာတွေ မေ့နေပြီး မှတ်မိချင်တာတွေတော့ တအားကို မှတ်မိနေတာပါပဲ...

တနေ့က ဂျီတော့ခ်မှာ ဒေါ်မမ နဲ့တွေ.တော့ သဇင်ဆောင်က ကုန်ကြမ်းတောင်းမိပါတယ်။ သူက နေရာတကာ ရောက်တော့ ကိုယ့်ထက်ပိုမြင်နေတာဆိုတော့...။ ဒါနဲ့ ကျမလည်းကိုယ် ဝေေ၀၀ါးဝါး ဖြစ်နေတဲ့ သဇင်ဆောင် ပထမနှစ်မှာ သူခိုးလိုက်တဲ့ ညအကြောင်းပြန်မေးမိပါတယ်။

အဲဒီညက သဇင်ဆောင်ဝင်းထဲ သူခိုး ၀င်ပါတယ်။ ဘယ်လိုက ဘယ်လို သိသွားသလဲတော့မသိပါဘူး။ ဦးလေးကြီးတွေ လိုက်တာလည်းမမိ၊ နောက်တော့ အဆောင်ရှေ.မှာသီချင်းဆိုနေတဲ့ ကျောင်းသားတွေကို အဆောင်တံခါး ဖွင့်ပေးလိုက်ပါတယ်။ ဂိတ်တံခါးပြောတာနော်.. ။ အဲဒါနဲ့ ဘယ်က ဘယ်လိုကြားသွားတယ်မသိ... အဆောင်ကင်တင်းန်မှာ ထိုင်နေတဲ့ ကျောင်းသားတွေပါရောက်လာပြီး သဇင်ဆောင် သူခိုးလိုက်ပွဲကြီး ဖြစ်သွားရပါတော့တယ်။

ကျမတို့ ကျောင်းသူတွေကလည်း အထဲကနေ အားပေးကြတာပေ့ါ။ ဟိုနားပြေးသွားတယ်.. သည်နားမှာထင်တယ်.. နောက်ဘက်တန်း (back row)မှာနေတဲ့ သူတွေက ကုတင်တိုင်တွေ ဖြုတ်ပေးပြီး သံဇကာပေါက်ကလား၊ အောက်ဘက် အုတ်ပေါက်တွေကလားမသိ..ကုတင်တိုင်တွေ ထုတ်ပေးကြပါတယ်။ အဲဒီသူခိုးကလည်း အဆောင်သူတွေရဲ. ထမိန်တွေကို လာလာခိုးတာပါ။ အဲဒီတုန်းက ကျမတို့ စက်မှုက စာမေးပွဲဖြေရင် တစ်လလောက်ကြာပါတယ်။ အဲဒီတော့ ဂန္ဓမာ၊ သရဖီ၊ အင်ကြင်းစတဲ့ အဆောင်တွေက ကျောင်းသူတွေ ကျောင်းပြီးလို့ ပြန်ပေမယ့် ကျမတို့အဆောင်ပဲ ကျန်ခဲ့တတ်ပါတယ်။ 

အဲဒီသူခိုးနှိပ်စက်လို့ အောက်ထပ်က လှမ်းထားတဲ့ ကျောင်းသူလုံချည်တွေလည်း ပျောက်လှပေါ့။ နဂိုကတည်းက စာမေးပွဲအတွက် လုံးပမ်းနေရတာဆိုတော့ စိတ်တွေကလည်း တိုနေမှာပေါ့။ 

ကျောင်းသားတွေကလည်း အဆောင်ဝင်းထဲ ၀င်ခွင့်ကြုံတုန်း.. အဆောင်နောက်ဖက်က မြက်ခင်းတွေကိုပါ တခါတည်း ကုတင်တိုင်တွေနဲ့ ရိုက်ရိုက်ပြီး ရှင်းပေးသွားသေး.... ဒေါ်မမ က ပြောတယ်။ ငါတို့ back-row ကလူတွေ နောက်နေ့ကျတော့ ကုတင်တိုင်မပါပဲ ခြင်ထောင်ထောင်အိပ်ရတယ်တဲ့.. မြက်စိမ်းနံ့တွေလည်း နံလို့တဲ့... ကျမကတော့ အဲဒါတွေ သိပ်မမှတ်မိတော့ပါဘူး။ အစပိုင်း အဆောင်မှူးရယ် အဆောင်သူ နှစ်ယောက်ရယ် တုတ်တွေကိုင်ပြီး ဆင်းသွားသေးတယ်ဆိုပဲ...။ ဟဲ့ .. ဟုတ်ရဲ့လား ဆိုတော့ နင်မေ့နေပါပြီလို့ ကျမကို ပြန် ပြောနေသေး။ နောက်တော့ အဆောင်သူ သူငယ်ချင်းက ကြိမ်းဝါးသေးတယ်ဆိုပဲ.. စာမေးပွဲ မဖြေနိုင်လို့ လူသတ်ချင်နေတာလို့ .. ဆိုပဲ...။ ဟုတ်လောက်တယ်.. ဟဲဟဲ...

နောက်တနေ့ သူငယ်ချင်းကောင်လေးတွေနဲ့ ပြန်ဆုံတော့ သတင်းတွေ ပြန်ဆက်စပ်ကြည့် ရပါတယ်။ လာခိုးတဲ့သူခိုးက နှစ်ယောက်ပါ..။ တစ်ယောက်က လူကြီးဖြစ်ပြီး ခုနစ်နှစ်၊ ရှစ်နှစ်အရွယ် ကလေးလေးကို ရေမြောင်းကနေ အထဲဝင်ပြီး ခိုးခိုင်းခဲ့တာကိုး...။ 

ဂုဏ်ယူစရာက အဲဒီ ကလေးလေးကို ဖမ်းမိတာ ကျမတို့ရဲ. သူငယ်ချင်း အောင်လွင်ရယ် သူ့ရဲ့ အခန်းဖော် ဟသာင်္တက ရန်မျိုးအောင်ရယ်.. တိုက်ဆိုင်တာက သူတို့ နှစ်ယောက်က ပထမနှစ်အခန်းဖော်တွေ..။ မိပြီဆိုပြီး တစ်ယောက်တစ်ဖက်ဆီ ဆွဲလိုက်တာမှာ တစ်ယောက် တနေရာစီက ထ လာပြီး သဇင်ဆောင် သူခိုးဖမ်း အော်ပရေရှင်းမှာ ပါဝင်ခဲ့ကြတဲ့ အခန်းဖော်နှစ်ယောက်...။ ကျမတို့ကလည်း နောက်ပါတယ်။ နင်တို့နှစ်ယောက် သူခိုးနဲ့အတူတူ ဓာတ်ပုံရိုက်ပြီး မှတ်တမ်းတင်ထားရမှာလို့....။

အဲဒီနောက်ပိုင်းတော့ ကျမတို့ လုံချည်တွေလည်း မပျောက်တော့ပါဘူး။ နောက်တစ်နှစ် ဒုတိယထပ်ရောက်သွားပြီကိုး။

(ကဲ.. ဖတ်မိတဲ့ သူငယ်ချင်းတွေ.. မှားတာလေးတွေ၊ လွဲတာလေးတွေ ရှိရင်လည်း ပြင်ပေးကြဦးနော်.. နာမယ်ရင်းနဲ့ ရေးမိတာကိုလည်း စိတ်မဆိုးကြနဲ့.. အနှစ် နှစ်ဆယ်အောက်မေ့ဖွယ်တွေပေါ့...ကုန်ကြမ်းပေးတဲ့ ဒေါ်မမကိုလည်း ကျေးဇူးတင်ရှိပါကြောင်း။)