သဇင် အမှတ်တရများ... September Born များတဲ့ ဒို့ရဲ့ စာသင်နှစ်

ဒီပို့စ်လေးကတော့ ဒေါ်မမ ဆီက တောင်းထားခဲ့လို့ သူ တကူးတက ပို့ပေးလိုက်တဲ့ သဇင်နဲ့ ပတ်သက်တဲ့ အမှတ်တရလေး တစ်ခုပါ။ ကျေးဇူးပါတင်တယ် သူငယ်ချင်းရေ.. သဇင်နဲ့ ပတ်သက်တဲ့ ခံစားချက်ရှိသူတိုင်း ဒီ သဇင်အမှတ်တရ  အခန်းမှာ ၀င်ရေးဖို့ ဖိတ်ခေါ်ပါတယ်။ အားလုံး စုစုစည်းစည်း ဝေမျှ သိမ်းဆည်းထားလို့ ရအောင်ပါ။

ပုံများကို ဒီနေရာမှ ရယူပါသည်။

September Born များတဲ့ ဒို့ရဲ့ စာသင်နှစ်

သိင်္ဂီရေ သဇင်အမှတ်တရအများကြီးထဲ ကတစ်ခုပေါ့။

ငါကလည်း သဇင်ညချမ်းလေးတွေကို လွမ်းနေသူပေ့ါ။ တစ်ယောက်နဲ့တစ်ယောက်ဟာ ကျင်လည်ခဲ့တဲ့ အသိုင်းဝန်းမှာ ကိုယ်သန်ရာကို ပိုပြီး သတိတရ ရှိနေတတ်ကြတာပါ။ ချောတဲ့ လှတဲ့သူတွေကတော့ သူတို့ကို ချောလို့ပြောလို့ ပုသိမ်သူကို မုန့်ကျွေးတဲ့ အဖြစ်အပျက်လေးကို (ဘယ်သူလဲမသိဘူး သူ့ Blog မှာရေးထားတာ ) သတိတရရှိနေခဲ့သလို ဘာလုပ်လုပ် အမြီးအမောက်မတဲ့ တဲ့ငါကတော့ အမြီးအမောက်မတဲ့ တဲ့ အဖြစ်ပျက်တွေကို အမြဲသတိတရရှိနေခဲ့တာပါ။ ငါကြောင့် ပွဲဆူစေသလို ငါကြောင့်လဲ ပွဲစည်စေခဲ့တာတွေ ရှိခဲ့တာကိုး ( ပွဲပျက်တယ်လို့မပြောဘူးနော်။) 

 

လူဟာတစ်ယောက်နဲ့ တစ်ယောက် ပထမဆုံး တွေ့ကြတဲ့အခါ နင်ဘယ်သူ ငါဘယ်သူ စသဖြင့် မိတ်ဆက် ပြောဆိုဆက်ဆံကြတာ သဘာဝတရားကပေးတဲ့ တူညီတဲ့ ယဉ်ကျေးမှုတစ်ခုပါ။ ဘယ်လိုဘဲ နိုင်ငတွေံကွဲကွဲ၊ လူမျိုးဘာသာခြားခြား ပထမဆုံး တွေ့ဆုံကြရင်တော့ Myself အကျဉ်းလေးကိုတော့ ပြောဆိုမိတ်ဆက်ကြတာပါပဲလေ။ သဇင်ဆောင်ကိုရောက်လာတဲ့ ပထမနှစ် ကျောင်းသူတွေဟာလဲ အချင်းချင်းတွေ့ရင် အပြုံးချင်းဖလှယ် နင်ဘယ်သူ ငါဘယ်သူ စတဲ့ Myself လေးပြောပြီးမိတ်ဆက်ကြတာပေါ့။ ပထမနှစ်ကျောင်းသူသစ်လွင်နဲ့ ကျောင်းသူဟောင်းတွေဟာ အတော်ကွဲပြားပါတယ်။ ကျောင်းသူ ဟောင်းတွေက ရဲရဲတင်းတင်း သွားလာပြောဆိုဆက်ဆံကြပေမဲ့ သစ်လွင်ကျောင်းသူတွေကတော့ မျက်လုံးလေးတွေ ကလည်ကလည်နဲ့ မအူမလည်ပုံတွေနဲ့ပေါ့။ ကိုယ်လိုပဲ မအူမလည်ပုံကို တွေ့ရင် အချင်းချင်း မိတ်ဆက်ကြတာလေ။ 

 

ကျောင်းဖွင့်ဖွင့်ချင်း တစ်ပတ်နှစ်ပတ်ကတော့ အဆောင်တံခါး မပိတ်ခင်ထိ နယ်ကလိုက်ပို့ပြီး မပြန်သေးတဲ့ မိဘတွေ ဆွေမျိုးသားချင်းတွေနဲ့ မှာတမ်းချွေ အလွမ်းဆွေ ခဲ့ကြပေါ့လေ။ အဲညရောက်လို့ Roll call အပြီး နီးစပ်ရာ အဆင်ပြေရာ အခန်းတစ်ခန်းမှာ စုပြီး ကိုယ်ဆီမှာ ရှိတဲ့ အစားတွေကို ယူလာတဲ့သူနဲ့ လက်ဖက်သုတ်တဲ့သူနဲ့ လူစုကြပြီး တစ်ယောက်နဲ့တစ်ယောက် မိတ်ဆက်ကြ ရောက်တတ်ရာရာ စကားတွေပြောကြ ပြန်ရော။ 

 

တစ်ရက်မှာတော့ ဘယ်သူကစလိုက်သလဲမသိဘူး မွေးနေ့အကြောင်းပြောကြတယ်။ အသက်၅-နှစ်မှာ ကျောင်းစတက်ခဲ့ရင် ဒို့ရဲ့ စာသင်နှစ်ကသူတွေက ၆၉-နှစ်ဖွားတွေပေါ့။ ဒါပေမဲ့ ၁၀-တန်း ၂-နှစ်နေခဲ့တဲ့ ခြေချော်လက်ချော်ကျခဲ့ကြတဲ့ နင်ရယ၊် မန္တလာသူ အသန်းရယ်၊ ရေဦးသူ ငါအခန်းဖော်ရယ် ဆရာဝန်လိုင်း မရမှာစိုးလို့တစ်နှစ်ခြစ်ချခဲ့တဲ့ မြောင်းမြသူ အေးအေးမာရယ်၊ သူငယ်တန်းမှာ ၂-နှစ်နေခဲ့တဲ့ ငါရယ်ကတော့ ၆၈-နှစ်ဖွားတွေပေ့ါ။ နှစ်တွေအကြောင်းပြီးတော့ လတွေအကြောင်းမှာတော့ September Born တွေ တ၀က်လောက်ပါနေပါရော။ တိုက်တိုက်ဆိုင်ဆိုင် အခု သင်းနွယ်ဇင်ဆိုပြီး Blog ရေးနေတဲ့ ကိုယ်တို့ရဲ့ အလှမယ်လေးနဲ့ သူ့အခန်းဖော် ရေဦးသူ နောက်တစ်ယောက်ရယ်၊ တောင်ကြီးသူနဲ့ သူ့အခန်းဖော် မန္တလာသူ နောက်တစ်ယောက်ရယ်က မွေးလမွေးနှစ်တူပြီး ရက်ပိုင်းပဲခြားကြတဲ့ အခန်းဖော်တွေဖြစ်နေကြတယ်လေ။ 

 

အဲဒီမှာ September Born ထဲကတစ်ယောက်ကထပြီး သူစာအုပ်တစ်အုပ်ထဲမှာ September Born တွေဟာ အခြားလဖွားတွေထက် ဉာဏ်ကောင်းတယ်လို့ ဖတ်ဖူးကြောင်းပြောပါတယ်။ ဒါကိုကြားတော့ September Born မန္တလာသူ အသန်းက “ဟယ်...ဟုတ်လားပေါ့” တအံတသြနဲ့ ထောက်ခံယောင်ယောင်ပေါ့၊ ကိုယ့်အတွေးထဲမှာတော့ အသိနောက်ကျလေခြင်း ဟိုတုန်းကသိခဲ့ရင် အမေဗိုက်ထဲက April မှာမထွက်ခဲ့ပါဘူး September ထိနေခဲ့ပါတယ်ပေ့ါ။ အပြင်စာတွေ အဖတ်နည်းတဲ့ ငါကတော့ တင်သွင်းလာတဲ့အဆိုကို တနည်းနည်းနဲ့ ထောက်ခံချင်တယ်လေ။ အခန်းရှင်ရဲ့ ပြက္ခဒိန်ကိုကြည့်ပြီး ငါပြောလိုက်တဲ့ စကားကြောင့် September Born ပွက်လောညံ့သွားပါရောလား။ ငါပြောခဲ့တာကတော့ “ ဟုတ်တယ် September Born တွေက တခြားလတွေထက်ပိုတော်ကြတာ ဗမာလို တော်သလင်းလမှာ မွေးခဲ့လို့ ” ။

ဘာတွေ အတွေးပေါက်ကြလဲ မသိပါဘူး။ တစ်ခန်းလုံး တဝေါဝေါနဲ့ ဆူညံနေတော့တာပါပဲ။ ပွဲဖျက်တဲ့မိုးလို့ စွတ်စွဲချင်တဲ့မျက်လုံးတွေအောက်မှာ ငါ ကမန်းကတန်း မျက်နှာသေလေးနဲ့ ဖြေရှင်းချက်အမြန် ထုတ်လိုက်ရပါတော့တယ်။

“ ဟုတ်တယ်လေ.. တော်သလင်းလမှာ မွေးတဲ့သူတွေတော်လို့ ရှေးရှေးက ပညာရှိတွေကတောင် ဂုဏ်ပြု မှတ်တမ်းတင်တဲ့အနေနဲ့ လအမည်မှာတောင် “တော် ” လို့ ထည့်ခဲ့ကြတာလေ ” လို့။

ရေးသားသူ -ဒေါ်မမ သဇင်(၃၃) ၁၉၈၅-၈၆

အမှားပြင်ဆင်ခြင်း။

ရေးသားသူ- ဒေါ်မမ သဇင်(၃၃) ၁၉၈၅-၈၆ အစား ဒေါ်မမ (သဇင်-၃၃) - ၁၉၈၅~၈၆ ပညာသင်နှစ် ဟု ဒေါ်မမ ဆက်လက်ရှင်သန်ရေးအား မေတ္တာရှေ့ထားသောအားဖြင့် ပြင်ဆင် ဖတ်ရှု့ပေးပါရန် လေးစားစွာဖြင့် မေတ္တာရပ်ခံအပ်ပါသည်။

အဓိပ္ပာယ်ကောက် လွဲမှားစေခဲ့သော ကိစ္စအရပ်ရပ် အတွက် ကျမ(tg.nwai) မှားမိ အပြစ်ရှိကြောင်း ဒေါ်မမ အား တောင်ပန်း အပ်ချည်ပါသည်။ :))