Friday, February 13, 2009

ဗိုလ်ချုပ်အောင်ဆန်း၏ ၉၄-နှစ်ပြည့် မွေးနေ့နှင့် မြန်မာကလေးများနေ့ အမှတ်တရ...။

မြန်မာပြည်၏ အမျိုးသားခေါင်းဆောင်ကြီး ဗိုလ်ချုပ်အောင်ဆန်းရဲ့ ၉၄-နှစ်ပြည့် မွေးနေ့ နှင့် မြန်မာကလေးများနေ့အား သည်ပို့စ်ဖြင့် ဂုဏ်ပြုအပ်ပါသည်။

မေမေ။    ။ ကလေးတွေ...ဒီနေ့ ဘာနေ့လဲ သိလား။
မီးမီး  ။    ။ ဒီနေ့  Monday, ကျောင်းတက်ရမယ်လေ..။
မေမေ။   ။မဟုတ်ပါဘူး သမီးရဲ့။ မနေ့က  ကျောင်းပိတ်လို့လေ.. ဒီနေ့က Friday             သောကြာနေ့..
သားကြီး။  ။ မနေ့က ပြည်ထောင်စုနေ့ဆို..ဒီနေ့ ဗိုလ်ချုပ်မွေးနေ့ပေါ့..။
မီးမီး။    ။ ဗိုလ်ချုပ်ဆိုတာ....ဗိုလ်ချုပ်အောင်ချန်းကို ပြောတာလား။
သားငယ်။     ။ ဗိုလ်ချုပ်အောင်ဆန်းပါ မီးမီးကလဲ...
မီးမီး။     ။ တောက်တောက်နော်.. မီးမီးက စကားမပီလို့ဟာကို....။
မေမေ။ ။ ကဲ..ကဲ.. တော်ကြတော့... သားကြီးပြောတာ  မှန်တယ်... ဒီနေ့ ဗိုလ်ချုပ်အောင်ဆန်း မွေးနေ့။ ဖေဖော်ဝါရီ ၁၃-ရက်နေ့။ သားကြီးက သား ငယ်ငယ်တုန်းက ကျောင်းမှာ သင်ရတဲ့ ကဗျာလေး ရွတ်ပြပါလား.. ညီ ညီမလေးတွေကို...။

သားကြီး။     ။ သား..မေ့နေရင် မေမေ ပြောပြနော်....။
ခေါင်းစဉ်က အောင်ဆန်းဇာနည် ...တဲ့။

ဖေဖော်ဝါရီ ၁၃ မှာ
ဗိုလ်ချုပ်မွေးနေ့ပါ။
၁၉၁၅ ရှေ့နေ ဦးဖာ သား။
ဇာတိနတ်မောက် မကွေးခရိုင်၊
သိကြများခုတိုင်
ကြံ့ကြံ့ခိုင်တဲ့ ဇာနည်ဘွား၊ မိခင် ဒေါ်စုသား...။

၁၉၄၇ ပြောင်းကြွ တမလွန်၊
မျက်ရည်သွန်လို့ ဘ၀င်ညှိုး 
ဇူလိုင် တစ်ဆယ့်ကိုး။
ပြည်ထောင်စုရဲ့ ကျေးဇူးရှင်
ဗိုလ်ချုပ် တို့ဖခင်၊
ကောင်းစေချင်တဲ့ မှာစကား
ငါတို့ မမေ့အား...။
ပြည်ထောင်လွတ်ရေး ကြိုးပမ်းအောင်
ပြည်ချစ် ဒို့ခေါင်းဆောင်၊
ဆိုရှယ်လစ်ဘောင် လမ်းစဉ်များ
ဗိုလ်ချုပ်ချမှတ်သွား...။    ။

မီးမီး။    ။ ကိုကိုမိုးဟန် ... မီးမီးကို သင်ပေးနော်..။
သားငယ်။    ။ ရဲတောက်ကိုလည်း သင်ပေးပါ...။
မေမေ။    ။အေး..အေး..နောက်ကျရင်  ကိုကို သင်ပေးလိမ့်မယ်။

မီးမီး။    ။ မေမေ...ဗိုလ်ချုပ်က ဒေါ်ချု.. အဲ..ဒေါ်စုသားလား။
မေမေ။    ။  အင်းလေ.. ကဗျာထဲမှာ ပါတယ်လေ သမီးရဲ့။
မီးမီး။      ။ ဟုတ်... ဒါပေမယ့် မေမေပြောတော့   ဒေါ်စုက ဗိုလ်ချုပ်အောင်ဆန်း သမီးဆို...။
မေမေ။    ။  ဟင်...။ အဲ... ဒါလည်း ဟုတ်တာပဲ..။ ဗိုလ်ချုပ်သမီးနံမယ်က ဒေါ်အောင်ဆန်းစုကြည်..တဲ့။  ဗိုလ်ချုပ်မေမေကတော့ ဒေါ်စု..ပဲ။
မေမေ။ ။ နောက် ပြီးတော့ သည်နေ့ကို ဗိုလ်ချုပ်လို သားကောင်းရတနာလေးတွေ ထွန်းကားတဲ့ တိုင်းပြည် ဖြစ်အောင်ဆိုပြီး ဗိုလ်ချုပ်မွေးနေ့ကို ကလေးများနေ့လို့လဲ သတ်မှတ်ခဲ့ကြသေးတယ်..။ အဲဒီတော့ သည်နေ့ ကလေးများနေ့ပေါ့။

မီးမီး။   ။ ဝေးးးးးးးးး  ကလေးများနေ့ဆို မီးမီးတို့နေ့ပေါ့နော်.. ကျောင်းမတက်ရတော့ဘူးပေါ့။ ပျော်တယ်..ပျော်တယ်..တို့ပျော်ပါတယ်ကွယ်...။
မေမေ။   ။   အဲ... မေမေတို့တုန်းကတည်းက ကလေးများနေ့သာ ဆိုတယ်... ကလေးများအတွက် ကျောင်းပိတ်တယ်လို့ မရှိခဲ့ပါဘူးကွယ်..။ ဗိုလ်ချုပ်မွေးနေ့ ဟောပြောပွဲတွေ၊ ကဗျာတွေ ရွတ်ကြတာပါပဲ...။  အဲဒီတော့ ကလေးတွေ ကျောင်းသွားဖို့ ပြင်ဆင်ကြတော့...။
 မီးမီး+သားငယ်။   ။ ဟာာာာာာာာာာာ....။
သားကြီး။  ။  အင်း...။ ကလေးတွေကို ပျော်အောင် ဘာမှ  မလုပ်ပေးပဲနဲ့များ ဘာဖြစ်လို့  ကလေးများနေ့ လို့ သတ်မှတ်တာလဲ  မသိဘူးနော်...။
မေမေ။  ။ ကဲပါ...ညနေ ကျောင်းက ပြန်လာမှ သားကြီးတို့ ကလေးတွေကို ပျော်အောင်  ကန်တော်ကြီးက ဗိုလ်ချုပ်ကြေးရုပ်ကို သွားအလေးပြု ဦးညွတ်ကြမယ်...။  ပြီး ကန်တော်ကြီးမှာ ဆော့ကြတာပေါ့...။ ညဖက် အိမ်ပြန်ရောက်ရင်တော့ ဗိုလ်ချုပ်ငယ်ငယ်တုန်းက အကြောင်း ဗိုလ်ချုပ်ရဲ့ အကို ဦးအောင်သန်းရေးထားတဲ့ အောင်ဆန်းမိသားစု စာအုပ်ထဲက ဟာတွေ မေမေ ပြောပြမယ်နော်....။
သားငယ်။   ။ တောက်တဲ့ကို ဗိုလ်ချုပ်က လှံနဲ့ ထိုးသတ်တဲ့အကြောင်းလား။
မီးမီး။    ။ သူ့ကိုကိုက ထိုးလိုက်တာပါ။ သူက ကိုင်ပဲ ကိုင်ထားတဲ့ဟာကိုး။
မေမေ။  ။ ဟုတ်တယ်... အဲဒီအကြောင်းလည်း ပါတယ်... အခုတော့ ကျောင်းသွားဖို့ ပြင်ဆင်ကြတော့နော်...။

6 comments:

MANORHARY said...

ဗိုလ်ချုပ်မွေးနေ့အမှတ်တရလေးလာဖတ်သွားပါတယ်။
နေလို့ပျော်နေတယ်မဟုတ်ပါဘူးအမရယ်
ဒီလိုပါပဲ....ဆုံးဖြတ်ချက်တစ်ခုကျသွားရင်လူတစ်
တစ်ယောက်ဟာတည်ငြိမ်မှုအနည်းငယ်ရသွားသလို
မျိုးးပေါ့...ပြီးတော့ကိုယ်က ကလေးမဟုတ်ဘူးလေ
အရာရာကိုအဖက်ဖက်ကတွေးနေရတော့...
း) (မှတ်ချက် .မချိပြုံး)

sonata-cantata said...

မနေ့က ပြည်ထောင်စုနေ့ကပေါ့tg။ တို့နဲ့ ယောက္ခမကြီုး ၂၀၀၇ အကယ်ဒမီပေးပွဲကြည့်နေကြတယ်။ သားငယ်က လာကြည့်လိုက် သွားဆော့လိုက်လုပ်နေတယ်။ နောက် အိပ်ယာပေါ် လှဲချလိုက်ပြီး
"တကယ်တော့ သားသားက မြန်မာပြည်မှာနေရမှာမေမေ" တဲ့
တို့က ဘာဖြစ်လို့လဲ သားရယ်ဆိုတော့
"သားသားက မြန်မာလေ" တဲ့
"မေမေကလည်း သားသားကို မြန်မာလိုပြောနေတယ်လေ" တဲ့
စင်္ကာပူဆို တရုတ်လိုပြောမှာပေါ့ ဆိုပြီး
သူ့အဖွားကို "နီခန့်ရှယ်မော့" (ဘာကြည့်နေတာလဲ) လုပ်ပါလေရော...ဒီအမေ ဦးနှောက်စားတယ် tg...
"ကလေးများ အားလုံးပျော်ရွှင်ကြပါစေ" လို့ လှိုက်လှိုက်လှဲလှဲ ဆုတောင်းလိုက်ပါတယ်။

sin dan lar said...

ကလေးများနေ့ ဆိုပြီးကျောင်းပိတ်ပေး၊ ဒါမှမဟုတ် ကျောင်းတွေမှာ ပျော်ပွဲရွှင်ပွဲတွေ လုပ်ပေးရင်
ပို အမှတ်ရသွားမယ်နော်...။

PAUK said...

ဖေဖေါ်ဝါရီ၁၃ဟာ ..
ဗိုလ်ချပ်မွေးနေ့ပါ..
အဲ့ကဗျာလေးကို လွမ်းလိုက်တာ...

သင်းနွယ်ဇင် said...

ကဗျာကိုအားရပါးရအော်ဆိုသွားပါတယ်။

Kay said...

ကြည်နူးစရာ မိသားစု စကားဝိုင်းလေး