အခြေခံ ဗုဒ္ဓအယူအဆများ။ (ယခင်တပတ်မှ အဆက်)

ဒီတစ်ပတ် ဥပုသ်နေ့အတွက်တော့ အရင်တပတ်က တင်ထားခဲ့တဲ့ အခြေခံဗုဒ္ဓအယူအဆများမှ ကျန်နေသေးတဲ့ အပိုင်းတွေကို ဆက်လက်တင်ပေးပါရစေရှင်။  ကိုယ်တိုင်လည်း ကျင့်ကြံအားထုတ်နိုင်ပြီး စစ်မှန်သော လမ်းကောင်းလမ်းမှန်ဖြင့် (လမ်းမလွဲဘဲ) တရားထူးတရားမြတ်များ ရှာဖွေတွေ့ရှိနိုင်ပါရစေ.....။

++++++++++++++

မေး။ လိုချင်တပ်မက်မှုတို့သည် ကာယိကဒုက္ခကို မည်ကဲ့သို့ ဖြစ်စေပါသလဲ။

>>>ဖြေ။ ဘ၀တစ်လျှောက်လုံး  ဟိုဟိုသည်သည် လိုချင်တပ်မက်မှုများ လူတို့တွင် ရှိပေသည်။ အထူးသဖြင့်အသက်ရှင်ပြီး ရှည်ကြာစွာ နေလိုမှု ဘ၀တဏှာ၊  ဘ၀မက်မောမှုသည် အလွန်အားကြီးသော စွမ်းအင်ကို ဖြစ်ပေါ်စေပြီး  ထိုဘ၀တဏှာစွမ်းအင်၏ တွန်းအားကြောင့် နောက်ထပ်တစ်ဖန် ဘ၀အသစ်တွင် ပြန်လည်မွေးဖွားခြင်း ဖြစ်လာရပါသည်။ မွေးဖွားလာလျှင် ရုပ်ခန္ဓာသည် ရှိလာရပါသည်။ ရုပ်ခန္ဓာရှိလာလျှင် ရုပ်၏ ပင်ကိုသဘာဝအရ ဖောက်လှဲ ဖောက်ပြန် ဖြစ်ပြီး ရောဂါရခြင်း၊ နာခြင်း စသည့် ကာယိကဒုက္ခများ ဖြစ်လာရပါတော့သည်။ လိုချင်သည်များရအောင် ကြိုးစားအားထုတ်ရလွန်းသဖြင့် စိတ်သာမက ကိုယ်ပါ ပင်ပန်းနွမ်းနယ်မှုများ၊ ခြေကုန်လက်ပန်းကျမှုများ ဖြစ်တတ်ပါသည်။ ကိုယ်ခန္ဓာသည် အချိန်ကြာလာသည်နှင့်အမျှ  အိုမင်းရင့်ရော်လာပြီး နောက်ဆုံးတွင် သေဆုံးခြင်းဖြင့် အဆုံးသတ်ရပါသည်။  ထို့ကြောင့် ဘ၀ကို တပ်မက်မှု ဘ၀တဏှာသည် အသစ်တစ်ဖန် ပြန်လည်ပြီး ဘ၀သစ်ကိုမွေးဖွားစေသော အကြောင်းဖြစ်၍ ကာယိကဒုက္ခများကိုဖြစ်ပေါ်စေသော အကြောင်းလည်း ဖြစ်ပါသည်။

မေး။ ဟုတ်ကဲ့။ ကောင်းပါပြီ။ သို့သော်လည်း လိုချင်မှုများ လုံးလုံးလျားလျား မရှိတော့လျှင် ဘာမှ မရနိုင်တော့သဖြင့် ဘာမှလည်း အောင်မြင်မည် မဟုတ်တော့ပါ။ ယင်းသို့ ဆိုလျှင် တိုးတက်မှုဆိုသည်မှာ ဖြစ်လာနိုင်ပါတော့မည်လား။

>>>ဖြေ။ မှန်ပါသည်။ ဗုဒ္ဓ၏ အလိုအရ ကျွန်တော်ဆို့၏ လိုချင်တပ်မက်မှု လောဘများ အတောမသတ်ဘဲ ဟိုဟိုသည်သည် အဆက်မပြတ် လိုချင်တပ်မက်နေမှုသည် ဒုက္ခဖြစ်ခြင်း၏  အကြောင်းရင်းဖြစ်သဖြင့် ထိုကဲ့သို့ တပ်မက်သော စိတ်မျိုး စဉ်ဆက်မပြတ် ဖြစ်နေမှုကို ရပ်တန်းက ရပ်နိုင်အောင် ကြိုးစားသင့်လှပါသည်။

ဗုဒ္ဓက လူတိုင်းအား လိုချင်သော လောဘနှင့် လိုအပ်သော ဆန္ဒ္ဒကို  ကွဲပြားစွာ ခွဲခြားနိုင်အောင် ညွန်ပြခဲ့ပါသည်။ မိမိဘ၀အတွက် လိုအပ်ချက် ဆန္ဒကို ပြည့်ဝအောင် ကြိုးစားရပါမည်။ လိုချင်သော လောဘရမက်များကိုလည်း ပြန်လည်သုံးသပ် ပြုပြင်ယူရပါမည်။ လိုအပ်သော ဆန္ဒများမှာ ပြည့်ဝအောင် ဖြည့်နိုင်သော်လည်း  လိုချင်သော တဏှာမှာကား အောက်ခြေပွင့်နေသော ပုလင်းကဲ့သို့ ထည့်တိုင်းဝင်ပြီး ဘယ်သောအခါမှ  ပြည့်နိုင်တော့မည် မဟုတ်ပါ။

လူ့ဘ၀အတွက် အခြေခံကျပြီး အရေးကြီးသော လိုအပ်ချက်များ ရှိပါသည်။  ထိုလိုအပ်ချက်များ  ပြည့်ဝအောင် ရည်မှန်းပြီး  ကြိုးစားအားထုတ်ရပါမည်။  လိုအပ်ချက်ထက်ပိုနေသော တပ်မက်မှုလောဘများကို တဖြည်းဖြည်းချင်း လျော့နည်းစေရပါမည်။  အားလုံးကို ခြုံလိုက်လျှင် ဘ၀၏ ရည်ရွယ်ချက်မှာ ဘာလဲ ဟူ၍ မေးလာခဲ့လျှင် ကျေနပ်ရောင့်ရဲပြီး စိတ်ပျော်ရွှင်ချမ်းမြေ့ဖို့သာ ဖြစ်သည်ဟု ဆိုရပါမည်။

မေး။ ဘ၀တစ်ဖန် ပြန်လည် မွေးဖွားခြင်းအကြောင်းကို ပြောခဲ့ပါသည်။  ထိုကိစ္စနှင့်ပတ်သက်၍ သက်သေအထောက်အထားများရှိပါသလား။

>>>ဖြေ။  ခိုင်ခိုင်လုံလုံ ပြနိုင်သော သက်သေအထောက်အထားများစွာ ရှိပါသည်။ သို့သော် ယင်းကိစ္စကို နောက်ပိုင်းမှ အသေးစိတ်ဖြေပါမည်။ သစ္စာတရားနှင့် ပတ်သက်၍ ဆက်ကြရအောင်။

မေး။  မြင့်မြတ်သော တတိယမြောက် သစ္စာတရားသည် ဘာပါလဲ။

>>> ဖြေ။  မြင့်မြတ်သော တတိယမြောက် သစ္စာတရား၏ သဘောမှာ အမှန်တကယ် ကြုံတွေ့ရတတ်သော ဒုက္ခများကို ကျော်လွှားနိုင်ပြီး ချမ်းမြေ့မှုကိုရယူနိုင်သည်  ဟူ၍ ဖြစ်ပါသည်။ ဤ သစ္စာတရားသည်  သစ္စာတရားလေးပါးတွင်  အလွန်အရေးကြီးသောသစ္စာတရားဖြစ်ပါသည်။ အဘယ့်ကြောင့်ဆိုိသော် မှန်ကန်သော ချမ်းမြေ့မှုနှင့် ရောင့်ရဲမှုတို့သည် ဖြစ်နိုင်သည်ကို ဗုဒ္ဓကိုယ်တိုင် အသေအချာ ပြထားသောကြောင့် ဖြစ်ပါသည်။  အသုံးမကျသော အပိုလောဘများ၊ တပ်မက်မှုများကိုစွန့်လွှတ်ပြီး ဘ၀တွင် နေ့စဉ်ကြုံတွေ့သမျှ ရရှိသမျှဖြင့် ရောင့်ရဲနေတတ်အောင် လေ့ကျင့်မည်၊ ဘ၀တွင် ကြုံကြိုက်လာသော ပြဿနာများကိုလည်း  ကြောက်ရွံ့စိတ်၊ ဒေါသစိတ်၊ မုန်းတီးစိတ်များ ကင်းစွာ ရင်ဆိုင်ဖြေရှင်းမည်ဆိုပါက ကျွန်ုပ်တို့သည်  လောဘကြောင့် ဖြစ်သော ဒုက္ခများမှ ကင်းငြိမ်းပြီး လွတ်မြောက် ပျော်ရွှင်ချမ်းမြေ့မှုကို ရရှိလာမည် ဖြစ်ပါသည်။ ထိုကဲ့သို့  ဘ၀ကို  နေနိုင်ခြင်းသည်သာလျှင် ဘ၀ကို  ပြည့်ဝစွာ ရင်ဆိုင် နေထိုင်မှု စတင်ခြင်း ဖြစ်ပါသည်။ အဆုံးမရှိသော  တစ်ကိုယ်ကောင်းဆန်သည့် လောဘများကို  ပြည့်ဝအောင် ကြိုးစားနေရခြင်းများ လုံးဝ မရှိတော့သဖြင့် အခြားသော လူများ၏ လိုအင်များကို ပြည့်ဝအောင်  ၀ိုင်းဝန်းကူညီ ဖြည့်ဆည်းပေးနိုင်သော  အချိန်အင်အားနှင့် အခွင့်အရေးများ  ရလာပါသည်။  ဤအဆင့်တွင် စေတသိကဒုက္ခများမှ ကင်းဝေးပြီး  အမှန်တကယ် ငြိမ်းအေးမှုကို ရရှိပါသည်။  ဤအဆင့်ကို နိဗ္ဗာန် ဟုခေါ်ပါသည်။

မေး။ နိဗ္ဗာန်  ဆိုတာ ဘာလဲ။  နိဗ္ဗာန်သည် ဘယ်မှာလဲ။

>>>ဖြေ။  နိဗ္ဗာန်၏ သဘောသည် အချိန်နှင့် နေရာ အကန့်အသတ်ဘောင်များမှ ကျော်လွန်သော သဘောဖြစ်ပါသည်။ သို့ပါ၍ အချိန်နှင့် နေရာ အကန့်အသတ်ဘောင်အတွင်းမှ နိဗ္ဗာန်အကြောင်း ပြောပြရန် ခက်ခဲပါသည်။ စဉ်းစားရန်ပင် ခက်ခဲပါသည်။ အတွေးနှင့် စကားလုံးတို့သည်  အချိန်နှင့် နေရာအကန့်အသတ်ဘောင်အတွင်းမှာ ရှိသောအရာများ၊ အခြင်းအရာများကို ဖော်ပြညွှန်းဆိုရန် လုံလောက်ပါသည်။ နိဗ္ဗာန်သည် အချိန်အကန့်အသတ်လွန်သည့် သဘောဖြစ်၍  လှုပ်ရှားသည့် သဘောကင်းပြီး  အိုမင်းရင့်ရော်ခြင်းသဘော၊ သေဆုံးခြင်းသဘောလည်း ကင်းစင်ပါသည်။ ထို့ကြောင့်  နိဗ္ဗာန်သည် ထာဝရမြဲပါသည်။ နိဗ္ဗာန်သည် နေရာအကန့်အသတ်ဘောင်ကို ကျော်လွန်သွားသော်လည်း  ဘောင် အကန့် အသတ်မရှိပါ။ ငါ ဟူသော အတ္တသဘောလည်း မရှိပါ။  အတ္တမဟုတ်ခြင်းသဘောလည်း မရှိပါ။ ဖြစ်ပျက်ပြုပြင်သည့် သဘောလည်း မရှိပါ။ ထို့ကြောင့် နိဗ္ဗာန်သဘောသည်  အကန့်အသတ် မရှိသည့် သဘောဖြစ်ပါသည်။ နိဗ္ဗာန်သည် အကြီးကျယ်ဆုံး၊ အကောင်းဆုံးသော ပျော်ရွှင်ချမ်းမြေ့မှု ဖြစ်သည် ဟု ဗုဒ္ဓကိုယ်တိုင် အသေအချာမိန့်ထားပါသည်။

နိဗ္ဗာန်သည် အမြင့်မြတ်ဆုံးသောချမ်းမြေ့ငြိမ်းအေးမှု ဖြစ်သည်။ Nirvana is the highest  happiness.

 

မေး။ အချိန်နှင့် နေရာ အကန့်အသတ်ဘောင်မှ ကျော်လွန်နေသော သဘောသည် ရှိကြောင်း သက်သေအထောက်အထား ပြနိုင်ပါသလား။

>>>ဖြေ။ မပြနိုင်ပါ။ သို့သော် နိဗ္ဗာန်ရှိခြင်းသဘောကိုမှု ရည်ညွှန်းပြောဆိုနိုင်ပါသည်။ အချိန်နှင့် နေရာ  အကန့်အသတ်ဖြင့်  လှုပ်ရှားသော သဘောမှာ ကျွန်ုပ်တို့ ကြုံတွေ့နေရသော လောကကြီးပင်  ဖြစ်ပါသည်။  ထိုသဘောသည် အမှန်တကယ် ရှိသကဲ့သို့ပင် အချိန်နှင့် နေရာအကန့်အသတ်ဘောင်မှ ကင်းလွတ်သော နိဗ္ဗာန်သဘောလည်း ရှိသည်ကို  ကောက်ယူဖော်ညွှန်း ပြောနိုင်ပါသည်။  နိဗ္ဗာန်ရှိသည်ကို ကျွန်ုပ်တို့ အနေဖြင့် သက်သေမပြနိုင်သော်လည်း နိဗ္ဗာန်ရှိသည်ဟု  ဗုဒ္ဓကိုယ်တိုင်က ပြောဆိုခဲ့ပါသည်။ နိဗ္ဗာန်နှင့်  ပတ်သက်၍  ဗုဒ္ဓက အောက်ပါအတိုင်း ပြောဆိုခဲ့ပါသည်။

မမွေးဖွားခြင်း၊ မဖြစ်ပေါ်ခြင်း၊ မဖန်တီး မပြုလုပ်ရခြင်း၊ မပေါင်းစည်းခြင်း သဘောသည် ရှိပါသည်။ ဤမမွေးဖွား၊ မဖြစ်ပေါ်၊ မပြုလုပ်၊ မပေါင်းစည်းခြင်းများ မရှိခဲ့ပါလျှင် မွေးဖွားခြင်း၊ ဖြစ်ပေါ်ခြင်း၊ ပြုလုပ်ခြင်း၊ ပေါင်းစည်းခြင်းသဘောတို့မှ  ကင်းလွတ်အောင် ကြိုးစားရခြင်းလည်း ရှိစရာမလိုတော့ပေ။ သို့သော် မမွေးဖွားခြင်း၊  မဖြစ်ပေါ်ခြင်း၊ မဖန်တီးမပြုလုပ်ရခြင်း၊ မပေါင်းစည်းခြင်း သဘောတို့သည် အမှန်ရှိသည့်အတွက်  မွေးဖွားခြင်း၊ ဖြစ်ပေါ်ခြင်း၊ ပြုလုပ်ခြင်း၊ ပေါင်းစည်းခြင်း သဘောတို့မှ ကြိုးစားလွတ်မြောက်ခြင်း သဘောသည် ရှိခြင်းဖြစ်ပါသည်။

ကိုယ်တိုင် ရသည့်အခါ နိဗ္ဗာန်သဘောကို ကောင်းစွာ သိလာကြပါလိမ့်မည်။ ရသည့်အချိန်တိုင်အောင် လက်တွေ့ကျင့်ကြံအားထုတ်ကြရမည် ဖြစ်ပါသည်။

@@@@@@@

ဆက်စပ်ဖတ်ရှုရန်- အခြေခံ ဗုဒ္ဓအယူအဆများ (ခေတ်အမြင် ဗုဒ္ဓဘာသာဆိုင်ရာ အမေးအဖြေများ- ဒေါက်တာသိန်းလွင်- မှ)