Tuesday, May 25, 2010

လေးဆယ်နှစ်လွန် အချိန်ကာလများအတွက်... ကျေးဇူးတင်ရှိခြင်း။

ဒီနေ့မှာကျမ အသက် လေးဆယ့်နှစ်နှစ် တင်းတင်းပြည့်ခဲ့ပါပြီ။

လူ့လောကကြီးထဲမှာ နေထိုင်လာခဲ့တဲ့ ဒီကာလတွေမှာ ဆန့်ကျင်ဘက်အရာတွေနဲ့ ဒွန်တွဲပြီး ကျော်ဖြတ် ကုန်ဆုံးခဲ့ပေမယ့်....ကျေးဇူးတင်ရမယ့် အရာတွေက အများကြီးပါပဲလေ..

  • ဦးစွာ... ကျမရဲ့ ဖြစ်တည်မှုအတွက်... ကျွေးမွေးသုတ်သင် ပြုစုစောင့်ရှောက်ခဲ့ပြီး သားသမီးလိုအင်မှန်သမျှ ဟင့်အင်း လို့ မပြောခဲ့ပဲ အမြဲ ဖြည့်ဆည်းပေးခဲ့တဲ့ ကျေးဇူးရှင် မိဘနှစ်ပါးကို အနှိုင်းမဲ့ ကျေးဇူးတင်ပါတယ်။

  • ပြီး.... မြန်မာပြည်မှာ လူဖြစ်လာခဲ့ရတဲ့ အတွက် ( ဘယ်လောက်ပဲ ပင်ပန်း ခက်ခဲနေပါစေလေ...)... ကျမရဲ့ အမိမြေ... ဒီမြေ.. ဒီရေ. ဒီလေ တွေကို ကျမ အမြဲ ချစ်ခင် ကျေးဇူးတင်လျှက်ပါပဲ...

  • လူသားအဖြစ် ရရှိခဲ့တဲ့ အဖြစ်မှာမှ  မြန်မာပြည်မှာ၊ ဗုဒ္ဓဘာသာဝင်အဖြစ်နဲ့ မွေးဖွားကြီးပြင်းလာခဲ့ပြီး အနှစ်သာရကို ရိပ်မိရုံ မြည်းစမ်းခွင့် ကြုံခဲ့ရတဲ့ အတွက်.. လောကီ လောကုတ္တရာ ဆိုင်ရာ ဆရာသမားများနဲ့ မိတ်ကောင်းဆွေကောင်းတွေကို ကျေးဇူးတင်ပါတယ်...။

  • အကျိုးအကြောင်း အဆိုးအကောင်းတွေကို ခွဲခြားသွန်သင် ဆုံးမပဲ့ပြင်ပေးခဲ့တဲ့၊ အမှား အမှန်၊ဓမ္မ နဲ့ အဓမ္မ၊  တရားမျှတခြင်းနဲ့ ရဲရင့်တည်ကြည်ခြင်းဆိုတာတွေကို ငယ်စဉ်က စခုချိန်အထိ လက်တွေ့ စာတွေ့ သိမြင် အားကျခဲ့ရတဲ့ (ကြီးငယ်မဟူ) သင်ဆရာ မြင်ဆရာ ကြားဆရာ အားလုံးကိုလည်း မမေ့မလျော့ ကျေးဇူးတင်လျှက်ပါ...

  • ငယ်ငယ်ကတည်းက တနေရာ တနေရာ ကြာကြာ နေရတယ် မရှိပဲ ပြောင်းရွှေ့နေရလေတော့... တွေ့ကြုံဆုံကွဲ လောကဓံ အသေးစားလေးတွေကို ခပ်စောစောထဲက ခဏခဏ ကြုံခဲ့ရပါတယ်။ ဘယ်နေရာမှာဖြစ်ဖြစ် ကျမချစ်တဲ့ ကျမကို ချစ်တဲ့ သူငယ်ချင်း မိတ်ဆွေတွေကို တဒင်္ဂလေးပဲဖြစ်ဖြစ် ဆုံတွေ့ခွင့်ရခဲ့တာတွေအတွက် ကံကြမ္မာကို ကျေးဇူးတင်ပါတယ်။


  • အွန်လိုင်းပေါ်ရောက်လာပြန်တော့လည်း.. ဘလော့ဂ်လောကထဲမှာ လူချင်းမသိပေမယ့် ခင်မင်ရင်းနှီးလာခဲ့ကြတဲ့ မိတ်ဆွေ မောင်နှမတွေ ... သူတို့လေးတွေကြောင့် စိတ်ချမ်းမြေ့ပျော်ရွှင်စရာ အချိန်တွေပိုင်ဆိုင်ခဲ့ရတာတွေကြောင့်လည်း ကျမရဲ့ မိတ်ဆွေ မောင်နှမ တွေကို ကျေးဇူးတင်ပါတယ်...

  • နောက်ဆုံးအနေနဲ့  ပိုမိုပြည့်စုံတဲ့ ဘ၀အဓိပ္ပာယ်ကို ဖန်တီးပေးခဲ့တဲ့၊ နွေးထွေးသာယာတဲ့ မိသားစုလေးကို ပိုင်ဆိုင်ခွင့်ပေးခဲ့တဲ့....ကျမအပေါ် အမြဲနားလည်ခွင့်လွှတ် သည်းခံပေးခဲ့တဲ့.... (ဟဲဟဲ) ကျမရဲ့ ဘ၀ခရီးဖော် ချစ်ခင်ပွန်းကို ကျေးဇူးအထူးတင်ရှိကြောင်းပါ။

14 comments:

အပြုံးပန်း said...

Happy Birthday ပါ မသိဂီင်္!

အောင်သာငယ် said...

Happy Birthday, MTG.

သင်းနွယ်ဇင် said...

blog လေးကိုလည်းမပစ်ပယ်ပဲအမှတ်တရထလာ ရေးတဲ့အတွက်ကျေးဖူးတင်ပါကြောင်းထပ်လောင်းပြောပါရစေ..ဟဲဟဲ။ စတာနော်..။

""ပျော်ရွှင်တဲ့မွေးနေ့လေးတွေ မရေမတွက်အောင်ပိုင်ဆိုင်နိုင်ပါစေ""

ရွှေရတုမှတ်တမ်း said...

မယ်သိင်္ဂီ တို့မွေးနေ့မှပဲ ကိတ်မုန့်ကြီးနဲ့ထွက်လာတော့တာပဲ..
Happy Birthday ပါအေ..

sonata-cantata said...

ကျေးဇူး သိတတ်တဲ့ ကလေးမ ပေပဲ...

သောင်ပြင်လွှတ်တဲ့ ဘ၀ရောက်နေစဉ် နေစရာပေး၊ စားစရာကျွေး၍ ဆေးလိပ်ပါတိုက်သည့် ကျေးဇူးရှင်ကြီး မမသိင်္ဂီကို ကျေးဇူးတင်ပါတယ်ရှင့်

လေးဆယ့်နှစ်မွေးနေ့မှာပျော်ပါစေ ရည်ရွယ်ရင်း,
မှ/
သင့် ကျောင်းတုန်းက သူငယ်ချင်း
ဘလော့ဂါ သူငယ်ချင်း

သူငယ်ချင်းမှသည် သူကြီးချင်းသို့

khin oo may said...

ရှေ့ဆက်ပျော်ရွင်နိုင်ပါစေ။

မြတ်နိုး said...

အမရေ.. ပျော်ရွှင်သောမွေးနေ့လေးဖြစ်ပါစေ..

အမရဲ့ရင့်ကျက်မှုတွေကို သယ်ဆောင်သွားပီး အတုယူနိုင်အောင်ကြိုးစားမှပါပဲ..။

PAUK said...

မသိင်္ဂီ
မွေးနေ့မှာပျော်ရွှင်ပါစေ..

★Craton said...

အန်တီtg...
Happy Birthday to you!!!
မွေးနေ့မှစ သက်တမ်းစေ့ ဒီမိသားစုနဲ့ မခွဲမခွါနေထိုင်ပြီး ပျော်ရွှင်ချမ်းမြေ့စွာ ဖြောင့်ဖြူးသာယာတဲ့ ဘဝခရီးကိုလျှောက်လှမ်းနိုင်ပါစေ။

ယောနက်သန် said...

Happy Birthday!

:) said...

Happy Birthday MaTG!!

Kay said...

ဘူမိနက်သန် ဘလော့ပေါ်မှာလည်း လာဆုတောင်းသွားတယ်။

ဒါဆို.. ကျမတို့ကို လည်း ကျေးဇူးတင်တယ်ပေါ့နော်..

မုန့်လာ စားအုံးမယ်..ဒါဆို...း)

စုချစ် said...

မမသိင်္ဂီ... မွေးနေ့မှာ ရွှင်လန်းချမ်းမြေ့ပါစေ...
း-)
စုချစ်

sansantin said...

Happy Belated Birthday! Guess you take out tanakha and bake birthday cake.