ဘယ်မှသည်.. ဘယ်ဆီသို.။

 

ဒီကနေယူပါတယ်

ကျမတို့ အခုတလော သူငယ်ချင်းတွေ မကြာခဏ ပြန်ဆုံဖြစ်နေကြပါတယ်။

လွန်ခဲ့တဲ့ တစ်ပတ်ကလည်း သူငယ်ချင်းတွေနဲ့ တွေ့။ တနေ့ကလည်း သူငယ်ချင်းတွေနဲ့ ဆုံဖြစ်ကြပါတယ်။

ဒီနေ့ နေ့လည် မှာလည်း ကျောင်းက ရင်းနှီးကျွမ်းဝင်တဲ့ လူတွေနဲ့ ပြန်ဆုံဖြစ်ခဲ့ပါတယ်... ဒါပေမယ့် ..... အရင်ကလို ပျော်စရာ တွေ့ဆုံခြင်းတော့ မဟုတ်ခဲ့ပါဘူး။

ဒီမနက် အီးမေးလ် အရင်စစ်နေတဲ့ သူက “ဇော်ထွန်းလွင်ဆုံးသွားလို့ သိလား” လို့ မေးတော့ ကျမ မသိ... ၉၅. အီးစီ..ဆိုတော့ ကျမတို့ နောက်တစ်နှစ်... သူ့အမျိုးသမီးက မင်းမင်းမြတ်၊ ၉နှစ်အရွယ် သမီးလေးတစ်ယောက် ကျန်ရစ်ခဲ့တယ် ဆိုတော့မှ... ဖြတ်ကနဲ သတိရလိုက်ပါတယ်... ကျမတို့ နောက်နှစ် အဆောင်ဝင်လာတဲ့ အသားဖြူဖြူ မျက်လုံးတောက်တောက်နဲ့ ချစ်စရာ ကောင်မလေး။ အဲ.. သူနဲ့ ဆက်စပ်ပြီး မြင်ဖူးနေတဲ့ သူ့ကောင်လေး....။ နှစ်ယောက်စလုံး ဖြူဖြူချောချောကလေးတွေမို့ သတိထားမိနေတာ..။ ဘယ်သူလဲ.. ဘာဖြစ်လို့လဲ..  စိတ်မကောင်းလိုက်တာ..။ မတော်တဆဖြစ်ပြီး ၂၈-ရက်နေ့ ညက ဆုံးသွားခဲ့တာ....။

ကျမတို့လည်း နေ့လည် ၂ နာရီအမှီ ရေဝေးသုဿန်ရောက်သွားပါတယ်...။ လူတွေတောင် တော်တော်ရောက်နေပေါ့။ စိတ်ထဲမှာတော့ အသုဘရှုသွားတိုင်း “ငါလည်း တနေ့ သေရဦးမှာပဲ” ဆိုတဲ့ သံဝေဂလေးလောက်တော့ ရဖြစ်နေတာပါပဲလေ...။

အ၀င်ဝမှာ အဆောင်မှာတုန်းက  တတန်းငယ်တဲ့ ညီမလေးတွေနဲ့ တွေ့တယ်။ မတွေ့ဖြစ် မဆုံဖြစ်တာ ကြာပေါ့..။ ဟယ်... အမ .. အရင် အတိုင်းပဲ.. ပိန်သွားတယ်နော်.. ၀ လာလိုက်တာ.. ဆံပင်တွေ ဘာလို့ တိုသွားတာလဲ.. ဘယ်မှာနေလဲ.. ဘာလုပ်နေလဲ... ဘာညာကွိကွ... နေဦး ပြန်လာခဲ့မယ်.. အရင် သွားကြည့်လိုက်ဦးမယ် ဆိုပြီး အခေါင်းထဲ မထည့်ခင် သွားကြည့်မလို့... လူတွေ ကြပ်နေတာနဲ့ မမြင်လိုက်ရဘူး။ 

သူငယ်ချင်းတွေလည်း ကိုယ့်နိစ္စဓူဝကိစ္စတွေနဲ့ လုံးလည်ချာရင်း... တစ်ယောက်က ပြောတယ်.. သူလာလည်ဖို့ ခေါ်နေတာ ကြာပြီ.. နီးပြီး မရောက်ဖြစ်တာ.. ခုမှ သူဆုံးမှပဲ ရောက်ဖြစ်တော့တယ်တဲ့။ နောက်တစ်ယောက်နဲ့ တွေ့တော့လည်း ဟဲ့ နင်တို့ နှစ်ယောက်က အတွဲမှန်း မသိဘူး။ ကလေးတွေ ရပြီလားတဲ့။ အေး.. နင်လည်း လူကြီးဖြစ်နေပြီနော်...ဆိုတော့ ဟဲဟဲ ဟဲဟဲနဲ့... ကဲ... ကြည့်ကြပါဦး.. ကိုယ့်အလှည့်ဆိုတာကို မေ့ထားကြပြီး သိဟောင်းဆွေဟောင်းတွေ တစ်ယောက်သော သူရဲ့ နောက်ဆုံးခရီးမှာ ၀မ်းသာအားရ နှုတ်ဆက်နေကြတာလေ...

အော်.. အနားမှာ အပူရုပ်ကို ဟန်လုပ်တင်းနေရရှာတာ.. သူ.အမျိုးသမီးလေးပဲ.. သူတောင် တော်တော်ကြီးသွားပေါ့... မျက်စိထဲမှာတော့ မနေ့တနေ့ကလို မြင်ယောင်နေဆဲလေ...။ သူတို့နှစ်ယောက် ချစ်သူတွေ ဖြစ်ကာစ အဆောင်နားက လက်ဖက်ရည်ဆိုင်မှာ လာထိုင်တဲ့နေ့ကလေး။ အော်.. ပြီးခဲ့ပေါ့နော်..

သတင်းကြားရတာတော့ စိတ်မကောင်းစရာပါ..။ အဲဒီနေ့ည ပဲခူးကနေ ပြန်အလာ ရထားပေါ်ကနေ ခြေချော်ကျပြီး ဆေးရုံအရောက်မှာ ဆုံးသွားတာ...တဲ့။  အော်.. ဖြစ်မှ ဖြစ်ရလေနော်...။ အသက် ၃၈-၃၉-နှစ်အရွယ်...အရွယ်ကောင်းကလေးမှာမှ..... ။

ဘ၀ဆိုတာ ဒီလိုပဲလား။ လောကကြီးမှာ နေစဉ်ခဏလေးပဲ တန်ဖိုးရှိနေတာပါလား။ သေခြင်းတရားဆိုတာ လက်တကမ်းမှာ ရှိနေတာပေမယ့် ကိုယ်နဲ့ ဘယ်တော့မှ မဆိုင်သလို ... ကိုယ်ချစ်တဲ့သူတွေနဲ့ ခွဲခွာဖို့အရေး သေကွဲ မပြောနဲ့၊ ရှင်ကွဲတောင် ခဏလေးဖြစ်ဖြစ် ခွဲမနေချင်ခဲ့တဲ့ ကျမတို့ရဲ. အတ္တစွဲ.. မာနစွဲတွေ.. လျှော့ချဖို့.....ကိုယ့်စိတ်ကို ကိုယ် တရားပြ ဆုံးမနေရပါတယ်။

နောက်ဆုံးတော့ ဒီလမ်းကို သွားကြရမှာပါပဲ... တိုကင်ယူထားတာမဟုတ်လေတော့ ဘယ်သူအရင်.. ဘယ်သူ နောက်ဆိုတာ မသိနိုင်ပါဘူး။ နေစဉ် ဘ၀ကို အဖိုးတန်အောင် တန်ဖိုးရှိအောင် နေထိုင်နေရင်း နေ့စဉ် ရသလောက် ကုသိုလ်ကောင်းမှု စုဆောင်းထားရင်တော့......

နောက်ဆုံးအချိ်န်လေးတွက် အကောင်းဆုံး ပြင်ဆင်ထားနိုင်မှသာ လူဖြစ်ရကျိုး မမြတ်တောင် မရှုံးနိုင်ဘူးလို့ ကိုယ် ကိုကိုယ် အားမာန်တွေ တင်းရင်း..အင်း... အနည်းဆုံးတော့ ဒေါသလေး လျှော့ပြီး သတိလေးကပ်ထားဦးမှပါ....... ။