ဘာတွေ အလုပ်ရှုပ်နေသလဲ ..ဆို...

အသစ်မတင်လို့ လာအော်နေကြတယ်.... သူငယ်ချင်းတွေကလည်း မေးတယ်.. မအားတာလားတဲ့.. သတိတရလာမေးကြတဲ့ သူငယ်ချင်းမိတ်ဆွေတွေကို အားလည်းနာတယ်.. သည်တော့ လောလောဆယ် အာရုံစိုက်မရသေးတဲ့ ကျမရဲ့ အကြောင်းလေးကို ပြောရင်း  ပို့စ်အသစ်တင်လိုက်ပါတယ်။

ဒါကတော့ ကျမတို့ မိသားစုကလေးရဲ့ နိစ္စဓူဝ ကျင်လည်နေတဲ့ ပုံစံလေးပါ....

မနက်ခင်းပိုင်းဆိုရင်... ကလေးသုံးယောက်ကျောင်းချိန်အမီ..(ဒါတောင် အမြဲနောက်ဆုံးမှ) ... အပြေးအလွှား.. အော်ဟစ်လှုပ်ရှားရင်း  မနက် ၇-နာရီခွဲမှာ အိမ်ကထွက်...ကားပေါ်ရောက်။ ဘေးအိမ်က ၀ရန်တာကနေ ထွက်  လက်ပြနှုတ်ဆက်နေတဲ့ အဖိုးနဲ့ အဖွားကို ကလေးတွေက အော်ဟစ်ပြန်နှုတ်ဆက်ရင်း...နေ့သစ် စတင်ပြီ။

ကားပေါ်ရောက်တော့မှ... ကလေးတွေလည်း ဆက်ငိုက်တဲ့သူက ငိုက်...။ မုန့်စားတဲ့သူကစား..။ှ ခြေအိတ်စွပ်ပြီး  ဖိနပ်စီးတဲ့သူက စီး၊ ဆီလိမ်းရင်း ခေါင်းဖြီးတဲ့သူက ဖြီးပေါ့။ အခုတလော ရာသီဥတုက အေးချမ်းပြီး မြူတွေ အုံ့ဆိုင်းနေတတ်တယ်လေ.. မနက်ပိုင်းတွေမှာ...။ မြူတွေ အများကြီးမြင်ရတဲ့ နေရာရောက်ရင်.. ကျမနှုတ်ဖျားက ညည်းဖြစ်တဲ့ သီချင်းလေး တပိုင်းတစ....

နှင်းထုရဲ့ ကြားထဲမှာ..သူ့မေတ္တာအပိုင်းအစနဲ့ တရွေ.ရွေ.ရယ် ထွက်ခွာသွားသူ... ကျန်သူတွေ ပျော်အောင်.. ကိုယ်တို့  ငိုရမလားလို့..စတေးရမလား.. အခြေအနေတွေ.. အကုန်လုံး.. ကိုက်ညီအောင်.. ပညာရှိနည်းနဲ့ စကားထာတွေ ဖွက်လည်း ချစ်အသိဉာဏ်  ထိုးဖောက်ကာ.. လမ်းဖြောင့်ပမာ မြင်ရတယ်.....

အဲဒါကတော့ စာသားအမှန်  ဟုတ်ချင်မှ ဟုတ်မယ်... ကျမကတော့ အဲဒီလိုပဲ ဆိုဖြစ်တာပါပဲ.... ဟိုမရောက်  သည်မရောက် အစီအစဉ်မကျ ပါးစပ်ထဲက ထွက်တာတွေ ရေရွတ်ဖြစ်ရင်...  သူက ရီတတ်တယ်...။ ဘယ်လိုပဲဖြစ်ဖြစ်.... ကျမရဲ့ ပေါက်ကွဲသံစဉ်တွေ နားဆင်ရတာထက် စာရင် စည်းချက်မညီတဲ့ သီချင်းသံကတော့  သူတို့အတွက် ငြိမ်းချမ်းရေး နိမိတ်ကောင်းပေါ့။

ကျမတို့ရဲ့ မိသားစု စီးတော်ယာဉ်ပေါ်မှာ လိုအပ်တဲ့ ပစ္စည်းကိရိယာ အပြည့်အစုံ တင်ထားရပါတယ်။ ခေါင်းလိမ်းဆီ၊ ဘီး၊ ချွန်စက်၊ ခဲတံ ခဲဖျက်တွေက အစ...   ထိခိုက် အနာတရဖြစ်လွန်းတဲ့ ကလေးတွေအတွက် ဆေးမျိုးစုံ၊ ခြင်မကိုက်အောင် လိမ်းဆေး၊ ခြင်ကိုက်ပြီးနောက် လိမ်းဆေး၊ ထိခိုက်ဒဏ်ရာဖြစ်ရင်  လိမ်းဖို့ betadine၊ ..ပြီး နဲနဲလေး နာတာနဲ့ ကပ်ချင်တဲ့ သူတို့အတွက်.. hansaplast ပလာစတာတွေ..။ သွားကိုက်တယ် နားကိုက်တယ် ဗိုက်နာတယ်.. ဗိုက်အောင့်တယ်.. ဘယ်လိုကြီးဖြစ်နေမှန်း မသိဘူး... စသဖြင့် အမျိုးစုံ ဂျီကျတတ်လို့ လျှပ်တပြက် သက်သာဆေးတွေ၊ ၀ုန်ဝမ်း မဟာဖြေဆေး၊   gelmag၊  ထက်လင်း ရင်လူးဆေး၊ လေးညှင်း mouth wash။  အစရှိတဲ့  ကျမတို့ရဲ့ first aid kits. အိမ်ဦးနတ်ကလည်း သူ စိတ်ကူးပေါက်တဲ့ အချိန် ထ ထ တောင်းဆိုတတ်တဲ့ လက်သည်းညှပ်တံ  (သူ့အခေါ်ပေါ့.. ကျမ နားထဲတော့  ကိုးလို့ကန့်လန့် ၀င်သွားတာပဲ.. ဘယ်နှယ့်.... လက်သည်းညှပ်တံ ရယ်လို့) ဒါကလည်း ဆောင်ထားရသေးတယ်။

ကျမတို့တတွေ များသောအားဖြင့် ရုံးနဲ့ လမ်းပေါ်မှာ နေတဲ့အချိန်က ပိုများပါတယ်။  သည်တော့လည်း ကလေးတွေ ဗိုက်ဆာတာကို ရုတ်ချည်း ဖြေရှင်းဖို့  မုန့်မျိုးစုံ၊ သောက်စရာမျိုးစုံ ရိက္ခာတွေက ကားပေါ်မှာအမြဲ standby ထားရပါတယ်။


မနက်ပိုင်း သူတို့တွေကို ကျောင်းပို့ပြီးရင်တော့  ကျမတို့နှစ်ယောက်ထဲ ကမ္ဘာပေါ့.. ဟဲဟဲ ..  မနက်စာ တနေရာရာမှာ ၀င်စားပါတတ်ကြပါတယ်။  စားနေကျဆိုင်တွေကတော့ Feel ဆိုင်တွေရယ်... အမှတ်တရ.. စိတ်တိုင်းကျ၊ လပ်ကီးဆဲဗင်း၊ လပ်ကီး ၀မ်း၊ မောနင်းစတား၊ အင်းလျားလမ်းက serenity၊ စိမ်းလန်းစိုပြေ။ (အေးအေးဆေးဆေးပါပဲ... သူကလည်း သူ့အလုပ်အကြောင်း စဉ်းစားမယ်.. ကျမကလည်း ကျမ ဘလော့ဂ်ရွာအကြောင်း တွေးတောနေမယ်...) အဲ... အားအင်တွေပြည့်သွားရင်တော့  ရုံးသွား... လုပ်စရာ ရှိတာတွေ အပြေးအလွှား လုပ်ကြပေါ့။ အဲဒါ ကလေးတွေ ပြန်မလာခင် နေ့လည် နှစ်နာရီခွဲ သုံးနာရီလောက်အထိပါပဲ။


ကလေးတွေက   ကျောင်းက ပြန်လာရင် အိမ်မှာ သူတို့ကို ကြည့်မယ့်သူ မရှိလို့.. ရုံးမှာပဲ နေကြရပါတယ်။ တရေးတမော  အိပ်ချင်အိပ်.. ဗိုက်ဆာတဲ့သူက စားသောက်.... ပြီး ကျောင်းက ပါလာတဲ့ အိမ်စာတွေ လုပ်ကြ။ အဲ... အေးအေးဆေးဆေး ငြိမ်ပြီး လိမ်လိမ်မာမာလေး လုပ်မယ်လို့တော့ မမျှော်လင့်ကြပါနဲ့..။ တော်နေကြာ....ရေသောက်မယ်ဆိုပြီး အပြင်ထွက်သွား.. ငါးတွေ သွားကြည့်ပြီး ပုစွန်ပေါက်လေးတွေ ဖမ်းချင် ဖမ်းနေတတ်သေး။ တော်ကြာနေ... အိမ်သာသွားချင်လို့ဆိုပြီး ဘေးနားက မြက်ခင်းပေါ်မှာ ဂျွမ်းပစ်ချင်  ပစ်နေတတ်သေးတယ်။


သူတို့တွေ မဟုတ်တာ အတူ လုပ်နေသရွေ.တော့ အသံမထွက်ပါဘူး။  အော်သံငိုသံ တိုင်သံတွေ ကြားရပြီဆို... သုံးယောက်စလုံး  တန်းစီ.. အမေ့ရဲ့ one  lady show တကိုယ်တော်  သံစုံတီးဝိုင်းအပြီးမှာ.. သူတို့လေးတွေရဲ့ အမေ့ကို ချစ်စိတ်က လျော့ လျော့သွား....။ သူ့အဖေကတော့ တခါတလေ.. နားမှာအကြားအာရုံ မပါသလိုပဲ... အဲဒီလို လိုချင်တဲ့ channel ကိုဖွင့်ချင်သလို ဖွင့်..ပိတ်ချင်သလို ပိတ်လို့ရတာလည်း ကံထူးပါပေတယ်။

များသောအားဖြင့်တော့  သူအလုပ်တွေ ပြီးတဲ့ အချိန် ပြန်ဖြစ်ပါတယ်။ ပုံမှန် ၇ နာရီလောက်ပေါ့။ ပြန်ခါနီး တခါ ခေါင်းစားရသေးတယ်။ အိမ်ပြန်ရင် မီးလာမှာလား.. မီးပျက်မှာလား...။ မီးလာရင်တော့ အိမ်မှာပြန်စား... မီးပျက်ရင်တော့ အပြင်ကပဲ တခါတည်း စားသွား... အိမ်ပြန်ရောက်တော့ ကိုးနာရီခွဲ..။

ကလေးငယ်တွေကတော့ ဗိုက်လည်းပြည့် မောလည်းမောတော့ ကားပေါ်မှာပဲ  အော်ရင်းဟစ်ရင်း နေရာလုရင်း... သီချင်းတွေ လုဆို ရန်ဖြစ်ရင်း အိပ်ပျော်သွားတတ်ကြပါတယ်။ အိပ်ယာပေါ်ရောက်မှ.. အိပ်နေတဲ့သူတို့ကို အ၀တ်အစားတွေလဲ... စနိုးတာဝါနဲ့ သုတ်သင်ပေး။ ကျမကတော့ မီးလာတဲ့အချိန်ထပြီး တယောက်ကိုတနေ့ သုံးစုံလောက် လဲတဲ့ ကလေးအ၀တ်အစားတွေကို စက်နဲ့လျှော်လို့ရတဲ့ဟာတွေ စက်ထဲထည့်လျှော်ရင်း အပေါ်ရေကန်ကို ရေပြေးတင်ထား။ 


အရင်ဆုံး မနက်ဖြန်အတွက် တခါ ပြင်ဆင်ရပြန်ပါတယ်..။ မနက် မီးပျက်မယ့်အချိန်ကိုတွက်... ထမင်းအိုးကို  timer  နဲ့ ချိန်ချက်ထား၊ ကလေးတွေအတွက် ထည့်ပေးဖို့ ဟင်းကို ညဖက် တခါထည်း အဆင်သင့်လုပ်ထားရပါတယ်။ အရင်က microwave oven ထဲ ထည့်နွှေးပေမယ့် အခုတော့ အပျက်ပြင်  ဆိုင်ပို့ထားတာကလည်း မရသေး.. အသစ်ဝယ်ဖို့ကလည်း ဟိုတခုက မကောင်းဘူး..သည်တခုကတော့ နုတယ်.. သဟာတော့ဖြင့် တို့တွေနဲ့ မကိုက်သေးပါဘူး ကြေးများနေတာ..ခုထက်ထဲ လေ့လာနေတုန်း...။

အ၀တ်လျှော်စက်က ပြီးပါပြီ ဆိုပြီး တီတီ တီတီ အသံပေးရင်တော့ သွားကောက်... အ၀တ်ခြောက်ခံစက်ထဲ ထည့်...။ ဟိုလုပ်သည်လုပ် လုပ်နေရင်းနဲ့  ၀ိုင်ယာလက်စ်ရယ် router ရယ်ကို ဖွင့်ထား.. ကွန်ပျူတာလေးကို မသိမသာဖွင့်။ ပြီး  log in လေးဝင်ထားပြီး အင်တာနက် လှမ်းချိတ်ထား။  နောက်တခါ ပြန်လာတော့ browser  ကိုဖွင့်ပြီး ကိုယ်ဖွင့်ချင်တဲ့ စာမျက်နှာတွေကို loading  လုပ်နေရင်း.....မနက် ကမန်းကတန်းထွက်တုန်းက ရှုပ်ထားခဲ့တဲ့ အရှု့ပ်ပုံတွေကို ပြန်ရှင်း။


အလုပ်ရှုပ်တဲ့ ကြားက ပေါက်ပွားနေတဲ့ ဟမ်းစတား ၁၉ ကောင်ရဲ့ စားသောက်နေထိုင်ရေး  အဆင်ပြေအောင် စစ်ဆေး လုပ်ကိုင်ရင်း အဲဒါလေးတွေနဲ့ ဆော့ကစားပေးရသေးတယ်..။ တော်ကြာ ရိုင်းသွားမှာ စိုးလို့။

လူလုပ်ရမယ့် အလုပ်တွေပြီးတော့ စက်လုပ်တဲ့ အလုပ်တွေကိုစောင့်..အသစ်မတင်နိုင်သေးတဲ့ ကိုယ့်စာမျက်နှာလေးကိုပဲ  မကြာခဏ refresh  လုပ်ရင်း  သူများတွေ စာမျက်နှာသစ်တင်ထားတာတွေကို သွားမျှော်ဖတ်.. ရသလောက်တော့ စီဘောက်စ်မှာ အော်ဖြစ်ခဲ့ပါတယ်.. ကျမလည်း သည်ဘလော့ဂ်ရွာထဲမှာ ရှိနေသေးတယ်ဗျို့ လို့...။


နာရီပြန် တစ်ချက်ကျော် နှစ်ချက်နားနီးပြီဆိုရင်တော့ဖြင့် ကော်ဖီခွက်လည်းပြောင်သလင်းခါ... (ကုန်နေတာကို ထပ်ခါထပ်ခါမော့မိလို့) . မျက်ခွံတွေကလည်း လေးလံလို့ ဖွင့်မရချင်တော့မှ.. လုပ်လက်စ အလုပ်တွေကိုလည်း ရပ်၊ ဖတ်လက်စ ဘလော့ဂ်တွေကိုလည်း သံယောဇဉ်ဖြတ်ထားခဲ့ပြီး.... ကျမရဲ့တနေ့တာကို အဆုံးသတ်.. နောက်တနေ့အတွက်  အားအင်ဖြည့်ကာ တာစူရင်း.....။