ကျမလည်း ပျင်းပျင်းရှိတာနဲ့ ရယ်စရာတွေ သွားဖတ်မိတာ... ပြန်ဖောက်သည်ချလိုက်ဦးမယ်...။
+++++++=
နှစ်ယောက်စလုံး အသက် ခြောက်ဆယ်နီးပါး ရှိနေပြီဖြစ်တဲ့ ဇနီးမောင်နှံ နှစ်ဦးက သူတို့ရဲ့ ၃၅-နှစ်ပြည့် မင်္ဂလာနှစ်ပတ်လည်နေ့ ပါတီပွဲ ကျင်းပနေကြသတဲ့။ အဲဒီပါတီကျင်းပနေတဲ့ အချိန်မှာ နတ်သမီးတစ်ပါးပေါ်လာပြီး သူတို့မင်္ဂလာနှစ်ပတ်လည်အတွက် ကောင်းချီးပေးတယ်။ ပြီးတော့ သူတို့ကို တစ်ယောက်ချင်းစီကို လိုချင်တဲ့ဆု တောင်းပါဆိုပြီး လက်ဆောင်ပေးတယ်ပေါ့။
အဲဒီတော့ အမျိုးသမီးကြီးက အရင်ဆုံး ဆုတောင်းရတော့ ကမ္ဘာအနှံ့ ခရီးဆန့်ချင်ပါသတဲ့။ နတ်သမီးကလည်း သူ.ရဲ. ဆေးကြိ်မ်လုံးကို ဝှေ့ယမ်းလိုက်ပြီး “ ပြည့်စေ” ဆိုပြီး ဆုပေးလိုက်တော့ အမျိုးသမီးကြီးလက်ထဲမှာ ခရီးသွားခွင့် လက်မှတ်တွေ ရောက်လာပါလေရော။ ဇနီးဖြစ်သူ အမျိုးသမီးကြီးလည်း သူ့ဆန္ဒပြည့်တော့မယ်ဆိုတော့ ပျော်နေမှာပေါ့လေ။
နောက်တစ်ခါတော့ ခင်ပွန်းသည် အမျိုးသားကြီးအလှည့်..။ နတ်သမီးကတော့ မျက်နှာမလိုက်ပါဘူး။ တစ်ယောက်တစ်ခုပေါ့။ ဘာလိုချင်သလဲ ပြောပါဦးပေါ့။ အဲဒီမှာတင် အနှစ်သုံးဆယ့်ငါးနှစ်တောင် ပျော်ရွှင်စွာပေါင်းသင်းလာတဲ့ ခင်ပွန်းသည် အမျိုးသားကြီးက
“ ကျွန်တော်ကတော့ ကျွန်တော့်ထက် အသက် သုံးဆယ်လောက် ပိုငယ်တဲ့ ဇနီးသည်တစ်ယောက်ကို အလိုရှိပါတယ်” ......လို့ တောင်းလိုက်သတဲ့။
အဲဒီမှာတင် နတ်သမီးကလည်း ချက်ချင်းပဲ သူ့ရဲ့ နတ်သမီးဆေးကြိမ်လုံးကို ဝှေ.ယမ်းပြီးတော့.... ပြည့်စေလို့ ဆုပေးလိုက်ပါလေတယ်...။ ဒါနဲ့ ခင်ပွန်းသည် အမျိုးသားကြီးလည်း အသက် ၉၀-ဖြစ်သွားပါလေရော....။ ဟဲဟဲ
ကောင်းတယ်။ မှတ်ကရော...။
ဒါနဲ့ ဆက်စဉ်းစားမိတာ.. နတ်သမီးဖြစ်နေလို့ မြက်နုကြိုက်ချင်နေတဲ့ အဖိုးကြီးကို ပညာပြလိုက်တာများလားပေါ့။ တကယ်လို့ နတ်သားဖြစ်နေရင်ရော ... အသက် ၆၀အရွယ် အမျိုးသမီးကြီးကနေ အသက် သုံးဆယ်အရွယ်လောက် ပြန်ဖြစ်အောင်များ လုပ်ပေးလိုက်မလား။ အဲလိုဆိုရင်ရော... အမျိုးသားကြီးက သဘောကျပါ့မလား။ ကျမတော့ မထင်ပေါင်...။
အဲ.... နောက် နှစ်ပေါင်း နှစ်ဆယ်ကျော်လောက်ဆိုရင် ကျမတို့လည်း သုံးဆယ့်ငါးနှစ်ပြည့် မင်္ဂလာနေ့လုပ်မယ်ဆိုရင်.... အဲဒီ နတ်သမီးကြီးမသိအောင် တိတ်တိတ်လေး လုပ်မှ ဖြစ်မယ်။ တော်ကြာ အမျိုးသားက သူတောင်းမယ့် ဆုကို ကြိုပြင်ဆင်ထားနေမှာစိုးလို့...။ ဟဲဟဲ
Comments