သမီးလေးသို့ ချော့ချင်း။

ဒီနေရာက ပုံလေးပါ။

သမီးလေးရေ...

အိမ်မှာ မွေးထားတဲ့ hamster လေးတွေထဲမှာ အလှဆုံး အချောဆုံး သဘောအကောင်းဆုံးမို့ မေမေတို့ Queen လေး လို့ ချစ်စနိုးနဲ့ ခေါ်ခဲ့တဲ့ ဟမ်းစတားမလေးကတော့ ဟိုးအဝေးကြီးကို ထွက်သွားလို့ ငိုနေသလား သမီးငယ်ရယ်...။

အားလုံးထဲမှာ ထူးခြားစွာ လှပတာထက် ထူးဆန်းစွာ သဘောကောင်းနေခဲ့တဲ့ သမီးရဲ့ Queen လေးဟာ တိရိစ္ဆာန်ဘ၀က လွတ်မြောက်ပြီး နတ်သမီးလှလှလေး ဖြစ်နေမှာပါ။

မေမေလည်း ဘယ်စိတ်ကောင်းပါ့မလဲကွယ်...။ ဒါပေမယ့် သဘောကောင်းလွန်းတဲ့ သူမို့ ကောင်းရာမွန်ရာ ရောက်နေမှာပါ.. သမီးတို့၊ မေမေတို့ရော.. သူတို့လေးတွေပါ .. သံသရာခရီးသည်တွေပဲ ရှိနေသေးတာကိုး။ သူတို့က သည်ဘူတာမှာ ဆင်းသွားပေမယ့် နောက်ရထားတစ်စီးနဲ့ ခရီးဆက်ရဦးမှာလေ..။ ခုလည်း မေမေတို့ သမီးတို့ အတူတူ ရှိနေပေမယ့် ဘယ်အချိန် ဘယ်ဘူတာမှာ ဘယ်သူက ဆင်းသွားရမယ်မှန်း သိကြတာမဟုတ်...။

တကယ်လို့....Queen လေးကို ကိုကို ငယ်ငယ်တို့ကို ပြချင်လို့ ခေါ်ခဲ့ဖို့ ဖေဖေ မပြောခဲ့ဘူး ဆိုရင်...
တကယ်လို့.... ဖေဖေပြောခဲ့တောင် မေမေက ခေါ်မလာခဲ့ဘူး ဆိုရင်...
တကယ်လို့ .... မေမေ ခေါ်လာခဲ့တောင် ကိုကိုမိုးဟန်က ရုံးမှာသာ ထားခဲ့ပြီး နေပူပူထဲ ကားပေါ်သာ ခေါ်မလာခဲ့ဘူး ဆိုရင်...
တကယ်လို့.... ခေါ်လာခဲ့ရင်လည်း အရှေ့မှာပဲ ထားပြီး ကားနောက်ဖုံးထဲ ထည့်မထားခဲ့ဘူးဆိုရင်....
တကယ်လို့ ......ကားနောက်ခန်းထဲ ထည့်ထားလည်း အဖုံးကို သေချာသာ မေမေ ကရုတစိုက် သတိထားမ်ိပြီး ပိတ်ထားခဲ့မယ် ဆိုရင်...
တကယ်လို့ .......ကားနောက်ခန်းထဲမှာ cage အပြင်ဘက်ရောက်ခိုက်မှာပဲ သူတို့လေးတွေ ကြောက်လန့်အောင် ကလေးတွေက အော်ဟစ်မနေခဲ့ဘူးဆိုရင်....
တကယ်လို့.... မေမေသာ Queen လေးကို စောစောစီးစီး ဖမ်းမိနိုင်ခဲ့ရင်...
တကယ်လို့.... Queen လေးသာ ဓာတ်ဆီတွေ ပေနေတဲ့ tools တွေကြားထဲ ၀င်ပြေးပြီး တကိုယ်လုံး ဓာတ်ဆီတွေနဲ့ ပေလူးမနေစေခဲ့ဘူး ဆိုရင်....
တကယ်လို့....
တကယ်လို့.........

အဲသည် တကယ်လို့ ...ပေါင်းများစွာဟာ.. တကယ်တမ်းကျတော့ အားလုံး ပြီးဆုံးသွားခဲ့ပြီလေ.. သမီးငယ်ရယ်...။

တစ်ယောက်နဲ့ တစ်ယောက် အပြစ်တွေမြင်..ကိုယ့်ဘာသာလည်း အပြစ်တင်နေမယ့်အစား...
သွားရှာလေသူ အတွက် ဆုမွန်ကောင်းတွေ တောင်းပေးရင်း၊ သူပေးခဲ့တဲ့ ချစ်ခြင်းတွက် ကျေးဇူးတင်ရင်း၊. လက်ရှိ ရှိနေသေးတဲ့ သူတွေကို ပိုကရုစိုက်ဖို့ ကတော့ မေမေတို့အတွက် အလုပ်နိုင်ဆုံးပဲ မဟုတ်လား သမီးငယ်ရယ်...။

မငိုပါနဲ့ သမီးငယ်ရယ်...
မွေးစကနေ သေဆုံးတဲ့ အထိ မေမေတို့တွေ ချစ်တဲ့သူတွေနဲ့ ကွေကွင်းရလို့၊ မချစ်မနှစ်သက်သူတွေနဲ့ ပေါင်းသင်းဆက်ဆံနေရလို့... ငိုစရာတွေ အများကြီး ကျန်နေသေးတယ်...။

Queen လေးခမျာ သူ့ကို ကရုတစိုက် မြေမြှပ်ပေးတာ ခံခဲ့ရသေးတယ် သမီး...။
နာဂစ်တုန်းက ကြွေလွင့်သွားရှာတဲ့ လူတွေ.. လူသားတွေပါ..သမီးငယ်ရယ်... အဲဒီအခွင့်အရေးလေး မရရှာကြဘူး..

အငိုတိတ်တော့ပြီး အိပ်တော့နော်..သမီးလေးရေ... အိပ်မက်ထဲမှာ Queen လေးက နတ်သမီး လှလှလေး အဖြစ် ရောက်လာလိမ့်မယ် ထင်ရဲ့။

မေ့သမီးလေး ပင်ပန်းရှာပြီ... တွယ်တာမိတဲ့ သံယောဇဉ်တွေကြောင့်....။ ။