စိတ်ကူးယဉ်တိုင်းသာဖြစ်မယ်ဆိုရင်....

ဒီက ပုံလေးပါ။ 

စိတ်ကူးယဉ်တိုင်းသာဖြစ်မယ်ဆိုရင်.... 

ကြယ်ပွင့်လေးက စိတ်ကူးယဉ်ပေးပါဆိုပြီး ပြောထားတာ ကြာပါ့။ ဘယ်လို စိတ်ကူးယဉ်ရမလဲဆိုတာ စိတ်ကူးလို့က မရ...။

ကိုယ်ဖြစ်စေချင်တာတွေကို စိတ်ကူးယဉ်ကြည့်ပါဆိုရင်တော့...

 ++++++++++++++++

တိုင်းပြည်လေး တစ်ခု။ နိုင်ငံလေး တစ်နိုင်ငံ..ပေါ့...။..

အစမ်းသပ်ခံနိုင်တဲ့ ဗုဒ္ဓသာသနာတော် ရှိတယ်...။ အကျင့်အကြံ သိက္ခာနဲ့ ပြည့်စုံတဲ့ သံဃာတော် အရှင်သူမြတ်တွေ သီတင်းသုံးလို့ရယ်....။

အဲဒီတိုင်းပြည်မှာ လူတိုင်းက ပြည်သူတိုင်းက အကျင့်သီလနဲ့ ပြည့်စုံကြတယ်။
မခိုးဘူး.. မ၀ှက်ဘူး.. မလုယက်ကြဘူး။ ညာမပြောဘူး.. လိမ်မပြောကြဘူး။
သူများကို ထိခိုက်နစ်နာအောင်.. ဘာတစ်ခုမှ မလုပ်ကြဘူး။ လုပ်မိတဲ့သူတွေကလည်း သတ္တိရှိကြလေတော့ ကိုယ်မှားရင်လည်း ၀န်ခံကာ ပြန်လည် ပြင်ဆင်တတ်ကြသလို... ကျန်တဲ့ သူတွေကလည်း မေတ္တာတရားနဲ့ ပြည့်စုံလို့ရယ်.. တစ်ဦးကို တစ်ဦး နားလည် ခွင့်လွှတ် ကြည်ဖြူတတ်ကြတယ်။

အဲဒီတိုင်းပြည်မှာ.. ရေသာခိုတဲ့သူ မရှိဘူး။ သူများကို ခေါင်းပုံဖြတ် အနိုင်ယူချင်တဲ့သူ မရှိဘူး။  အဲဒီတိုင်းပြည်မှာ ဘယ်သူမှ မတရား မလိုချင်ကြဘူး။ ကိုယ်လုပ်သလောက်သာ ကိုယ်တန်သလောက်သာ ကိုယ်ယူကြတယ်။

အဲဒီတိုင်းပြည်မှာ အကျင့်သိက္ခာ ပျက်တဲ့သူတွေ မရှိသလို..မပျက်.ပျက်အောင် ဖျက်တဲ့ သူတွေလည်း မရှိဘူး။ ကိုယ့်အစွမ်းအစနဲ့ ကြိုးစားတဲ့ သူတွေအတွက်.. လုပ်သလောက် အကျိုးခံစားခွင့်တွေ ရှိတယ်။

အဲဒီတိုင်းပြည်မှာ လက်နက်မလိုဘူး။ မေတ္တာနဲ့ ငြိမ်းချမ်းရေးပဲ ရှိပါတယ်။

အဲဒီတိုင်းပြည်ကို .. မင်းကျင့်တရား ဆယ်ပါးနဲ့ ပြည့်စုံတဲ့ ခေါင်းဆောင်တွေ တစ်ယောက်နဲ့ တစ်ယောက် ညီညီညွတ်ညွတ် တိုင်ပင်ပြီး အုပ်ချုပ်ကြသလို.. တိုင်းသူပြည်သားတွေကိုလည်း ကျောသားရင်သား မခွဲခြားကြဘူး။ လူတိုင်းအတွက် ဥပဒေဟာ တစ်ခုတည်းပဲ ရှိတယ်။ တစ်သွေးတည်း တစ်သားတည်း ထပ်တူကျနေတယ်...။

အဲဒီတိုင်းပြည်မှာ သူတောင်းစား မရှိဘူး။ ရိုးရိုးတောင်း၊ ဗြောင်တောင်း၊ ဖွက်တောင်း၊ ခြိမ်းခြောက်တောင်း၊ ညစ်တောင်း၊ ချော့တောင်း၊ မြှောက်တောင်း၊ အဲဒါမျိုး...ဘာမှ မရှိဘူးနော်..။ (အဲ..တောင်းစားတာ မရှိသလို ပေါင်းစားတာတွေလည်း မရှိပါဘူး) အဲဒီတိုင်းပြည်မှာ အဖိုးကြီး အဖွားကြီးတွေ လမ်းပေါ်မှာ မျက်နှာငယ်လေးတွေနဲ့ လျှောက်ပြီး လူတကာကို မျက်ရည်စမ်းစမ်းနဲ့ လိုက်တောင်းတာတွေ မရှိဘူး။ ကလေးသူငယ်တွေက သားတို့ ထမင်းမစားရသေးလို့ပါ ဆိုပြီး လက်အုပ်ကို အလွယ်တကူချီပြီး လွယ်လွယ်တောင်းတဲ့ အလုပ် မလုပ်ကြဘူး။

လူတိုင်းက ကိုယ့်တာဝန်ကို ကိုယ်စေတနာ မေတ္တာထားပြီး လုပ်ကိုင်တတ်ကြသလို ကိုယ်နဲ့ ဆက်ဆံသူတွေကိုလည်း စိတ်ချမ်းသာအောင် ကူညီတတ်ကြတယ်။ တစ်ယောက်နဲ့တစ်ယောက် မတွက်ကပ်ကြဘူး။ သူမှ..ငါမှ.. မာန်မစောင် ရန်မထောင်ကြဘူး။ မတရားကြီးပွားနေတာ တစ်ယောက်မှ မရှိတဲ့အတွက် ကိုယ့်ထက်သာတဲ့သူကို မနာလို ဖြစ်စရာ အကြောင်းမရှိသလို ကိုယ့်အားကိုယ်ကိုး တက်လာကြတာဖြစ်လို့ ကိုယ့်ထက် နိမ့်ကျတဲ့သူတွေကိုလည်း နှိမ်ချတဲ့ အကျင့် မရှိကြဘူး။

ကြီးသူကို ရိုသေလို့ ငယ်သူကို ညှာတာ..ရွယ်တူဆို လေးစားတဲ့ ဗြဟ္မာစိုရ်တရားနဲ့ ပြည့်စုံတဲ့ လူတွေ...။သူ့နေရာနဲ့သူ... ကိုယ့်နေရာနဲ့ကိုယ် အကုန်လုံးဟာ အံဝင်ခွင်ကျလို့ရယ်...။ ငါသိ ငါတတ် ဆရာကြီးတွေ မရှိဘူး။ စွန့်လွှတ် အနစ်နာခံရဲတဲ့သူတွေက သူတို့စွန့်လွှတ်ရခြင်းပေါ် ဘယ်တော့မှ နံမည်ကောင်း မယူတတ်ကြဘူး။ မစွန့်လွှတ်ရဲတဲ့ သာမန်ပြည်သူတွေကတော့ လူတစ်ယောက်ချင်းစီရဲ့ ကိုယ်ကျင့်သီလကိုတော့ ခါးဝတ်ပုဆိုးလိုပဲ မြဲမြံအောင် ထိန်းသိမ်းလို့ရယ်...

အဲဒီတိုင်းပြည်ကလူတွေဟာ အကုန်အေးချမ်းလို့ရယ်...

အဲဒီတိုင်းပြည်က လူတွေဟာ.. ငြိမ်းချမ်းလို့နေတယ်...

အဲဒီတိုင်းပြည်မှာ ပစ္စည်း ဥစ္စာမကြွယ်ဝပေမယ့် မဆင်းရဲဘူး။

ခေတ်လွန်ပညာတွေ မရှိပေမယ့် ခေတ်နောက်ကျ ကျန်မနေခဲ့ဘူး။

အင်း..အဲဒီတိုင်းပြည်ဟာ...

အဲဒီတိုင်းပြည်ဟာ...

တို့များ ချစ်တဲ့ ရွှေရည်စိမ်မဟုတ်တဲ့ ရွှေစင်စစ်နဲ့ မြန်မာပြည်ကြီးပေါ့ကွယ်... 

 

*******************

ကဲ.. ကြယ်ပွင့်လေးရေ..  စိတ်ကူးယဉ်လို့ ပြီးသွားပြီနော်..  စိတ်ကူးယဉ်ရုံနဲ့ ဘာတစ်ခုမှ ဖြစ်မလာနိုင်ဘူးဆိုတာ သိပေမယ့်လည်း....။ ထုံးစံအတိုင်း နောက်ထပ် တက်ဂ်ရမယ့်သူကတော့ သူငယ်ချင်း သင်းနွယ်ဇင်ပါပဲ.. သူငယ်ချင်းရေ.. စိတ်ကူးယဉ်လိုက်ဦးနော်...။