အမေ့အိမ်နှင့် အတွေးစ များ...။

 ဒီက ပုံလေးကို ယူထားပါတယ်။

ဒီလထဲမှာ ကျမရဲ့ ချစ်သော မောင်ငယ်နဲ့ မိသားစု ရန်ကုန်ကို အကြောင်းကိစ္စတခုကြောင့် ဆယ်ရက်တိတိ ရောက်လာခဲ့ပါတယ်။

သူ့မိသားစုဆိုတာက သူ့မဟေသီနဲ့ သားတော်မောင် အခါလည်သားအရွယ် အမွှာညီနောင် နှစ်ယောက်ရယ်..ပေါင်း လေးယောက်ရယ်ပါ။ ကျမတို့လည်း နီးမှ သိရလို့ ပြင်ဆင်ချိန် သိပ်မရလိုက်ပါဘူး။  ကိုယ့်မိဘအိမ်ပြန်လာတာပေမယ့် အခြေအနေတွေက ပြောင်းလဲသွားခဲ့ပြီဆိုတာကို သူ ဒီရောက်မှ သဘောပေါက်သွားပါတယ်။ မီးပျက်ပြီး ပူအိုက်နေတဲ့ အချိန်တွေမှာ ရေပြောင်း မြေပြောင်းမို့ ကလေးတွေ နေလို့ ဘယ်လိုမှ  အဆင်မပြေတာနဲ့ တရက်သာ အိမ်မှာ နေနိုင်ပြီး ဟိုတယ်ပြောင်းရပါတော့တယ်။ ပြောင်းဖို့ကိုလည်း ကျမကပဲ အကြံပေးခဲ့ပါတယ်။

အဲဒီမှာတင် ကျမလည်း ကျမတို့ရဲ့  ငယ်ဘ၀လေးကို ပြန်သတိရမိလိုက်ပါတယ်..။ ဘာတွေ ကွာခြားကုန်ကြပြီလဲ ဆိုတာကိုပါ။

ကျမတို့ ငယ်စဉ်က အဖိုးအဖွားတွေဆီ သွားရတာ ပျော်ရွှင်နေတာပါပဲ။ ဖေဖေ့ရဲ့ မိဘများက မန္တလေးတိုင်းက မြို့လေးတမြို့မှာ နေကြပါတယ်။ နွေရာသီ  မောင်နှမတွေ စုံကြရင် သူတို့နေတဲ့ အဲဒီအိမ်ကျဉ်းကျဉ်းလေးထဲမှာ ခြင်ထောင်တွေကို တန်းစီထောင်ပြီး အိပ်ကြရပါတယ်။ အိပ်ခန်းထဲက ကုတင်တွေပေါ်မှာတောင် လူပြည့်ကုန်လို့  နွေဆို အပြင်က ကွပ်ပျစ်ပေါ်မှာ လေတဖြူးဖြူးနဲ့ အိပ်ရတာ  ပျော်စရာ တယ်ကောင်းပါပဲ။ ကောင်းကင်ကြီးကို မော့ကြည့်ရင်း ဗျိုင်းဖြူဖြူတွေပျံနေတာကိုလည်း မြင်ရတယ်.. ကြယ်မြင်လမြင် ကောင်းကင်ကြီးကလည်း ကျယ်မှ ကျယ်...။ ဖေဖေ  ရောက်နေတယ်ဆို.. လာလည်ကြတဲ့ ဆွေမျိုး အပေါင်းအသင်းတွေကလည်း တယောက်ပြီးတယောက် .. သားသမီးတွေကို ခေါ် ခေါ်  မိတ်ဆက်ပေးလွန်းလို့ ပြုံးပြရတာတောင် ပါးညောင်းရတဲ့အထိ :)  ညဘက်ဆို အဖွားရဲ့ အစီအစဉ်နဲ့ အကြော်စုံတို့ ရေမုန့်တို့ ဒေသအစားအစာတွေကို စားရတာလည်း မြိန်ရေယှက်ရေ.. လောက်တယ်ရယ် မရှိပါဘူး။ (အဲဒီတုန်းက မီးလာသလား မီးပျက်သလားဆိုတာတော့ သတိမထားမိပေမယ့် အဲဒါကို အဆင်မပြေမှုတခု အဖြစ်နဲ့  မှတ်မိမနေခဲ့ပါဘူး)

ညနေခင်း ထမင်းစားပြီး ဆိုရင်တော့ အဒေါ်တွေက စာအုပ်ကြမ်းပိုးတွေဖြစ်တဲ့ ကျမတို့ မောင်နှမတွေကို စာအုပ်အငှားဆိုင် ခေါ်သွားရပါတယ်။  ကိုယ်လိုချင်တဲ့ စာအုပ်တွေကို တရက်စာငှားပြီး အိမ်ပြန်.. လမ်းမှာ ကြံရည်တွေ ဘာတွေ ၀ယ်တိုက်ပါသေးတယ်..။ ဈေးနေ့ဆိုရင် စုံတဲ့ သူတို့မြို့ဈေးက အိမ်နဲ့ နှစ်အိမ်ကျော်လောက်ဆိုတော့ .. အားရင် ဈေးလိုက်သွားပြီး မုန့်တွေ ၀ယ်စားကြပါသေးတယ်။ စနေ တနင်္ဂနွေ အားလပ်ရက်ဆိုရင်တော့ စက်ဘီးတွေနဲ့ မြို့နားတ၀ိုက်က အသိ စပျစ်ခြံတွေဆီ လျှောက်လည် စပျစ်သီးတွေ ၀ယ်ကြနဲ့.. ပျော်စရာ သိပ်ကောင်းပေါ့။ အဲဒီတုန်းက ရေရှားတော့ ရေစည်ဝယ်ရတာကိုး။ နောက် သူတို့ဆီက ရေက ရေစေးဆိုတော့ ချော်ကျိကျိနဲ့။ ဖုန်ထူထူ..နေပူပူမှာ.. ခြင်က ပေါသေး။ ရေစေးနဲ့ လျှော်ဖွတ်ထားတဲ့ ဘာအနံ့မှန်းမသိတဲ့ ချည်ထည်စောင်တွေခြုံပြီးတော့လေ။ အဲဒီမှာ ပျော်သလားမေးရင် ကိုယ်ကြီးပြင်းနေထိုင်ခဲ့တဲ့ အရပ်မဟုတ်လေတော့  မတွယ်တာလှတာတော့  အမှန်ပါပဲ။ ဒါပေမယ့် အဖိုးအဖွား ဆွေမျိုးအသိုင်းအ၀ိုင်းတွေနဲ့ နေရတဲ့ အဲဒီအချိန်လေးမှာတော့ တကယ့်ကို ပျော်ခဲ့ပါတယ်။ 

လွန်ခဲ့တဲ့ ၃-နှစ်လောက်က ကျမတို့  မိသားစု အလုပ်ကိစ္စနဲ့ မေမြို့ကိုသွားရင်း အမျိုးသားရဲ့ ဇာတိ မန္တလေးကို ၀င်ပါတယ်။ အစကတော့ သူက သူ့မိခင်ရှိတဲ့ သူတို့ ငယ်ငယ်က နေခဲ့တဲ့ နေရာလေးမှာ တည်းစေချင်တဲ့ ပုံပါပဲ။ ဟိုလည်း ရောက်ရော.. အမျိုးသားရဲ့ အမ မိသားစု လေးယောက်ရယ် သူ့မိခင်ရယ် ရှိတဲ့ အိမ်လေးက သူတို့ ပစ္စည်းတွေနဲ့ကို ပြည့်ကြပ်နေပါပြီ။ ဧည့်သည် မိသားစုအတွက် နေရာမပေးနိုင်တော့ပါဘူး။ အရင်တုန်းက မိတ်ဆွေအပေါင်းအသင်း မောင်နမတွေ မိသားစုလိုက် တည်းခိုနိုင်ခဲ့တဲ့ အိမ်လေး.. အခုတော့ ဘာဖြစ်လို့ ကျဉ်းသွားရပါလိမ့်..တဲ့။ အရင်က တီဗွီမရှိဘူး၊ ကွန်ပျူတာမရှိဘူး။ အခုလို ခေတ်ပေါ် အသုံးအဆောင်တွေ မရှိဘူးလေ။  နောက်ဆုံးတော့ အိမ်ရှင်ကိုလည်း အလုပ်မရှုပ်ရလေအောင်.. ဧည့်သည်ကလည်း အရှုပ်ထုပ် မဖြစ်ရလေအောင် .. ဟိုတယ်မှာပဲ  အေးအေးဆေးဆေး လွတ်လွတ်လပ်လပ် သွားတည်းရပါတော့တယ်။ တယောက်ချင်းဆို ပြဿနာမဟုတ်ပေမယ့် မိသားစုတွေနဲ့ဆို အဆင်မပြေတော့ပါဘူး။ ဒါကတော့ တခြားရွေးစရာ ရှိနေသေးရင်ပေ့ါ။ ရွေးချယ်စရာ မရှိတော့ရင်လည်း မဖြစ်မနေရင်ဆိုင်ရမှာပေါ့လေ။ 

စဉ်းစားနေမိတာပါ.. နောင်ဆို နေရပ်ပြန်လာတယ်ဆိုတာ ဟိုတယ်မှာပဲ တည်း၊ မိဘဆီ ဧည့်သွားဧည့်လာ.. အဲဒီလိုတွေများ  ဖြစ်တော့မလားလို့ပါ..  နောက်ပြီး ဒီအရပ်မှာ မွေးဖွားကြီးပြင်းလာတာ  မဟုတ်တဲ့ ကလေးတွေအတွက် ဒီအရပ်ဟာ တွယ်တာစရာ  မဖြစ်ရင်တောင် ဆွေမျိုးအသိုင်းအ၀ိုင်းတွေနဲ့ ပျော်စရာကောင်းတဲ့ အရိပ်လေး ဖြစ်နေစေချင်တာပါ။