ခုတလောမှာ...

ခုတလော....

တွေးနေမိတာက>>>

(၁) သေခြင်းတရား
(၂) ဘ၀ ဆိုတာ...
(၃)  စိတ်ကလေး ဒီထက်ပိုရှည်လာအောင် ဘယ်လို ဆွဲဆန့်ရပါ့.....

ကိုယ့်ကိုယ်ကို ပြန်ဆင်ခြင်မိတာ>>>

 ပြုပြင်ရန် စာရင်းက ပိုရှည်လာပါကလား..ဘုရား ဘုရား။

ကျန်းမာရေး>>>

ဟာတာတာ.. နုံးချိချိ... ဟိုလိုလို.. ဒီလိုလို..

(အဓိက ကတော့    စိတ်ပေါ့လေ..  အလုပ်လုပ်ရမယ်ဆို    ဟိုလိုလို..ဒီလိုလို.. ဘလော့ဂ်လည်မလား.. ညလုံးပေါက်..ဟဲဟဲ)

ဖတ်ဖြစ်တဲ့စာအုပ်တွေက>> 

ရှင်ဇနကာဘိဝံသ ၏ တစ်ဘ၀ သံသရာ

မြန်မာအက်ဆေး ၁၀၀

စာရေးသူစိတ်ကြိုက် စာအုပ်တွဲများ

Will work for fun ( BC စာကြည့်တိုက်က ငှားလာတာပါ)

ရောက်နေဖြစ်တာက>>>

ကိုယ်ရှိနေသင့်တဲ့ နေရာတွေကို..

ရေးဖြစ်နေတာက>>>

အခု တက်ဂ် ပို့စ်လေးပေါ့

နားထောင်ဖြစ်နေတာက>>>

စိုင်းထီးဆိုင်ရဲ့ သီချင်းတွေ... ( MP3 တွေဆိုတော့ မဆုံးနိုင်တော့ဘူးပေါ့)

တခါတခါလည်း ရှင်ဆေကိန္ဒရဲ့ ကလေးတွေ အတွက်ဟောတဲ့ တရားတော်တွေနာပြီး ကလေးတွေနဲ့ အတူတူရယ်မောပေါ့လေ...။

ရွတ်နေမိတဲ့ကဗျာက>>>

ကဗျာတွေတော့ မရွတ်ဖြစ်ပါဘူး.. 

ဖြစ်ချင်နေတာက>>>

ပကတိကြည်လင်အေးချမ်းတဲ့ စိတ်ကလေး...

စားဖြစ်နေတတ်တာက>>>

Serinity က ရွှေတောင်ခေါက်ဆွဲ (ခက်တာပဲ.. ရွှေတောင်ဆို..အဲဒီက မဟုတ်ရင် )

ပရီမီယာ 2 plus 1 ကော်ဖီ နဲ့ တို့စားဖြစ်တဲ့ ဘီစကစ်၊ ရွှေပုစွန်က ပလိန်းကိတ်နဲ့ ပေါင်မုန့်ထောပတ်သုတ် ။

သနားနေမိတာက>>

သူများကို သနားရအောင် ကိုယ်က ဘာပါလိမ့်လို့ တွေးမိတော့ ကိုယ့်ကိုကိုယ် ပြန်သနားမိရော.:)

လွမ်းနေမိတာက>>>

ချစ်သော သဇင်နဲ့ အတိတ်က မြက်ခင်းစိမ်းများကြားမှာ ပျော်ပါးခဲ့ဖူးတဲ့ သူငယ်ချင်းများရဲ့ ပုံရိပ်တွေကို.....
အို.. ခရေလမ်းရယ် တိုင်လုံးကြီးတွေ နဲ့  ကျောင်းတော်ကြီးရယ်..နွေးအေးရယ်..ပေါင်းကူးရယ်...မလျှောက်ခဲ့ဖူးတဲ့  သြဘာလမ်းရယ်... မှုန်ဝါးဝါး အတိတ်ရဲ့ အရိပ်လေးတွေပါမကျန် လွမ်းတာပေါ့လေ.. 

မေ့လျော့ပစ်နေမိတာက>>>

အခုတလော သတိ  သိပ်မကောင်းချင်တာ မေ့လျော့ပစ်နေမိတာတွေ များသွားလို့ ထင်ရဲ့ :)

ခါးသက်နေမိတာက>>>

နှလုံးနှစ်ခွ မက ရှိသူတွေ...

တမ်းတနေမိတာက>>>

အဖြူရောင်လွလွလေးတွေ.. (သေချာပါတယ်.. ရှိခဲ့ဖူးမှာ...)

ကြိတ်ပြီးချီးကျူးနေမိတာက >>>

လူငယ်တွေ..  လူငယ်တွေ....  (စိတ်ထဲ အမြဲ ချီးကျူးလေးစားနေတာက.. အာဇာနည်တွေ)

ကြိတ်ပြီးအထင်သေးနေမိတာက>>>

ကိုယ့်ကိုကိုယ်ပါပဲ..( ကောင်းတဲ့ စိတ်ကလေး ကြာကြာမနေလို့ လေ.. အဟုတ်ပါပဲ..)

ဆန္ဒမရှိတဲ့နေရာ>>>

အပြုံးတုတွေ ဆင်မြန်းပြီး လျှာဖျားကနေ မှန်ကန်တဲ့ စေတနာမပါတဲ့ စကားလုံးတွေ မိုးလုံးပြည့်နေတဲ့ နေရာ၊ အဲဒီလို နေရာရောက်သွားရင် ကိုယ့်ကိုကိုယ် တခြားကမ္ဘာက လူလိုပဲ.. ဒုက္ခ=ဆင်းရဲခြင်းပါလား။

ဆန္ဒရှိနေတဲ့ကိစ္စ>>>

အစမ်းသေကြည့်ရမယ်....

မုန်းတီးနေမိတာက>>>

မမုန်းနဲ့ ပြောလည်း မုန်းမှာပဲ.. လှပတဲ့ တို့မြန်မာပြည်ကို အကျည်းတန်အောင် ဖျက်ဆီးနေတဲ့သူတွေ အားလုံးကို...

ချစ်နေတာက>>>

သက်မဲ့… ကော်ဖီ ( ပြောင်းလဲသွားတာက ခါးခါးမသောက်နိုင်တော့တာ)
သက်ရှိ…ချစ်ဖွယ်သော စကားကို ဆိုတဲ့ အချိန်ရယ်..အိပ်နေတဲ့ အချိန်မှာ  အချစ်ဆုံးတွေပါပဲ.. (ကိုယ့်ဗိုက်ခွဲပြီး  ထုတ်ခဲ့ရတဲ့ ရတနာ သုံးဖော်)

စိတ်ပျက်နေမိတာက>>>

ကိုယ်ပြောချင်တာတွေသာ ပြောပြီး သူများပြောတာ  နားထောင်ဖို့ စိတ်မကူးတဲ့ သူမျိုး...( ဖတ်မိတဲ့ "သူ" သိစေသောဝ်.. :)

စွဲလန်းနေမိတာက>>>

"  ငါ  "

(အကြီးကြီးပဲနော်...)

 

လိုအပ်နေတာက>>>

မေတ္တာတရားနဲ့ ကိုယ်ချင်းစာနာ နားလည်နိုင်စွမ်း၊ ခွင့်လွှတ်သည်းခံနိုင်မှု။

တောင်းနေမိတဲ့ဆု>>>

ပြုသမျှ ကုသိုလ်ကောင်းမှုအပေါင်းသည် နိဗ္ဗာန်သို့ မျက်မှောက်ပြုရာ အထောက်အပံ့ကောင်းဖြစ်စေကြောင်း...။

ထပ်ပြန်တလဲလဲအော်ဟစ်နေမိတာက>>>

ဟေး.... ငါတစ်ယောက်တည်းလား....။

ဝန်ခံချင်တာက>>>
လတ်တလော ခံစားချက်ဖြင့်  ဒီပို့စ်ကို ရေးပါသည်။

မနော်နှင့်  သူငယ်ချင်း သက်ဝေ တက်ဂ်သောကြောင့်  နောက်ကျစွာ  ရေးရသည့်အတွက် တောင်းပန်ပါကြောင်း၊ တန်ခူးတက်ဂ်ထားတဲ့  အနှစ်နှစ်ဆယ်နဲ့  ကိုအောင်သာငယ့်  ပို့စ်ကို  သွားဖတ်မိလို့ ရေးရမယ့်  ဘ၀ ဆိုတဲ့ အကြွေးတွေ ကျန်သေးပါကြောင်း ၀န်ခံပါသည်။