ဒီနေ့ ရွေးကောက်ပွဲ ကျင်းပမယ့် ရက်ကို မန္တလေးအက်ဖ်အမ် နားထောင်နေရင်း သတင်းမှာ ကြားလိုက်ရပါတယ်။ နိုဝင်ဘာလ ၇-ရက်နေ့၊ တနင်္ဂနွေနေ့..တဲ့။ အဲ..၂၀၁၀ ထဲမှာပေါ့။သူများတွေတော့ မသိပါဘူး...။ ကျမကတော့ နိုင်ငံရေးဆိုတာနဲ့တော်တော်ဝေးပါတယ်။ ဘယ်အချိန် မီးလာမလဲ၊ ဘယ်အချိန် ရေတင်ရင် ကောင်းမလဲ၊ ကိုယ့်အရေးနဲ့ ကိုယ် လုံးလည်ချာရင်း တိုင်းပြည်မှာ ဘာတွေဖြစ်လို့ ဖြစ်နေတယ်ဆိုတာကို စိတ်မဝင်စားဖြစ်ပါဘူး။ အဲ... ကြိုးတန်းလျှောက်နေတဲ့ ခရုငယ်လို ပြုတ်ကျလိုက် ပြန်လျှောက်လိုက်နဲ့ သွားနေတဲ့ အင်တာနက်ကွန်နက်ရှင်ကို စိတ်ရှည်လက်ရှည် ရံဖန်ရံခါ သုံးမိနေလို့သာ...ကြားလိုက်ရတယ် ဆိုရုံလောက်ပါပဲ...။ သေသေချာချာတော့ လာမရှင်းပြပါနဲ့လေ...ဖြစ်စေချင်တာကတော့ ကျမတို့ တိုင်းပြည်လေး အေးချမ်းသာယာဖို့နဲ့ လူတွေဒီထက် ပိုပြီး ပင်ပန်းဆင်းရဲခြင်းတွေကနေ နည်းနည်းလောက်ဖြစ်ဖြစ် သက်သာရာရစေချင်တာပါပဲ။လူဆိုတာ ခက်သားကလားနော်... တခုခုဆို အတိတ်ကိုပဲ ပြန်သတိရတတ်ကြတာလေ... အခုလည်းကြည့်.... ပါတီတွေ အသံကြားတော့ ဘာမှမဖြစ်သလိုနဲ့ ...ဟော.. ရွေးကောက်ပွဲလည်း ဆိုရော.... တကယ်ပါ။ တသက်မှာ တခါပဲ မဲပေးဖူးခဲ့တာကိုး။ အဲဒီတခါကလည်း တကယ့်ကို မှတ်မှတ်ရရ နဲ့ မျှော်လင့်ချက်တွေ များစွာ.. များစွာ.....။ကြာခဲ့ပါပြီ... လွန်ခဲ့တဲ့ နှစ်နှစ်ဆယ်...... ကျမရဲ့ မွေးနေ့ကျော်ပြီး နှစ်ရက်မှာလေ...။ ကိုယ်တွေကလည်း တခါဖူးမှ အသက်မပြည့်သေးလို့ မဲပေးတယ်ဆိုတာနဲ့ မကြုံဖူးဘူးလေ။ ငယ်ငယ်က မျက်စေ့အောက်မှာ မြင်တွေ့ခဲ့ဖူးတဲ့ မဲရုံကို တာဝန်အရ မဲသွားပေးကြတဲ့ လူတွေနဲ့ ကွဲပြားစွာ အားတက်သရော အင်တိုက်အားတိုက် မဲရုံကို သွားခဲ့ကြတာ။ ကျမတို့ရဲ့ မဲရုံက အိမ်နဲ့ မျက်စောင်းထိုးမှာ ဆိုတော့ သေချာ မကြည့်လည်း မြင်နေရတာပေါ့။ အသက်အရွယ်ကြီးရင့်နေတဲ့ အမယ်ကြီးတေ တချို့ကတောင် လူတွေတွဲပြီး သူတို့ ချစ်တဲ့ " ကောင်မလေး" ကို လာမဲပေးတာဆိုပဲ။ ကျမတို့ မိသားစုဝင်အချင်းချင်းကတော့ ဘယ်သူ့ကို မဲပေးသလဲဆိုတာ မေးနေစရာ မလိုအောင် ဧည့်ခန်းမှာ ချိတ်ထားတာက ခမောက်....။ညဖက်ရောက်တော့ ရေဒီယိုဖွင့်ပြီး မဲဆန္ဒနယ်မြေအလိုက် မဲစာရင်းတွေ ကြေငြာတာကို ပျော်ပျော်ပါးပါး နားထောင်၊ ဟေး ကနဲ လိုက်အော်ကြရင်း အနိုင်ရတဲ့ နယ်မြေတွေကို လိုက်မှတ်၊ နောက်တနေ့ စာရင်းတွေကို ကွန်ပျူတာကနေ ပရင့်အောက်ထုတ်ပြီး စုခဲ့ဖူးပါရဲ့။ ပြည်သူတွေရဲ့ စစ်မှန်တဲ့ ဆန္ဒမဲတွေ တချိန်တခါက....ပြောင်းလဲမှု တစုံတခုကို ငတ်မွတ်တောင့်တ မျှော်လင့်ချက်များစွာနဲ့.......။ ဟုတ်ပါတယ်... ပြည်သူတွေက နိုင်ငံရေးဆိုတာ နားလည်ချင်မှ နားလည်မှာပါ။ ဒါပေမယ့် သူတို့ လိုချင်တာတော့ သူတို့ သိကြပါတယ်လေ.... ပေါက်မယ့် ဆုမဲထဲမှာ သူတို့လိုချင်တာ ပါ မပါတော့ မသိဘူးပေါ့။ဘာရယ်မဟုတ်ပါဘူး... အမှတ်ရသွားလို့ပါ....။
သူမ ကို မြင်ရတာ စိတ်မချမ်းမြေ့စရာ...။ လွန်ခဲ့တဲ့ သားငယ်မွေးနေ့တုန်းက မိသားစု စားသောက်ဝိုင်းတုန်းကနဲ့တော့ အတော်ကွာခြားသွားခဲ့ပြီပဲ။ အို..အရင်တခေါက် ဆေးရုံတက်တုန်း လာတွေ့တာနဲ့ကို မတူတော့။ ပြည့်ဖောင်းနေပြီး ပြောင်ဝင်းနေတာကတော့ သူ့မျက်နှာ ဖြူဖြူလေးပေါ်မှာ မဲနက်စွာလှပနေတဲ့ မျက်ခုံးတစုံရယ်..သွယ်လျစွာ ဖြောင့်စင်းနေတဲ့ နှာတံလေးရယ်ကြောင့်..အော်.. တူမငယ်လေးရဲ့ အလှအပကို သတိထားမိလိုက်ပါတယ်။ ဒါပေမယ့် စောင်မလွှမ်းထားတဲ့ ခြေထောက်အစုံက ဖောင်းကားညိုမဲနေတယ်..။ ခြေဖမိုးတွေသာ ဖောင်းနေတာပါ။ ခြေသလုံးလေးတွေက တစ်လက်မ ပိုက်လုံးအရွယ်သာသာ...။ . သူ့ဆီလာတွေ့တဲ့ ဧည့်သည်တွေကို သွားလေးတွေပေါ်အောင် ပြုံးပြ နှုတ်ဆက်ရှာပေမယ့် အသံထွက်ဖို့တောင် အတော်မောနေရှာပြီ။ သွေးနဲ့ ပတ်သက်တဲ့ရောဂါလို့သာ ခန့်မှန်း သိထားရပေမယ့် သူ့မိခင်ဆရာဝန်မရဲ့ မျိုသိပ်ထားမှုကြောင့် ဘယ်သူ့မှ ဂဃနဏ မသိခဲ့ကြ။ တစ်လတစ်လ ကုန်တဲ့ ဆေးဖိုးကလည်း ကြောက်စရာရယ်... မိခင်ရဲ့ ပံ့ပိုးအားပေးမှုကြောင့် သူ့ဘဝမှာ လုပ်နိုင်သမျှ အကောင်းဆုံးဖြစ်အောင် လုပ်ခဲ့တဲ့အတွက်တော့ သူ့မိခင် ကျေနပ်မှာပါလေ။ အခုတလော သူ ဆေးရုံအတက်အဆင်း စိပ် လာတာရယ်ကြောင့် စိတ်ထဲ သူ့နောက်ဆုံးအချိန...
Comments
"အဲဒီတုန္းက ေမွ်ာ္လင့္ခ်က္ေတြ မ်ားစြာနဲ႕..."
အဲဒီအခ်ိန္ေတြ အဲဒီျမင္ကြင္းေတြကို ျပန္သတိရသြားတယ္... း((
ၾကက္ေျခနီ၀တ္စံုနဲ႕ မဲရုံေတြမွာ အကူလုပ္တာေပါ့၊ ျမင္ကြင္းေတြက မူံရည္ေ၀၀ါးေနခဲ့ၿပီ။
ဟုတ္ပါတယ္..
"ျဖစ္ေစခ်င္တာကေတာ႔ က်မတုိ႔ တုိင္းျပည္ေလး ေအးခ်မ္းသာယာဖုိ႔နဲ႔ လူေတြ
ဒီထက္ ပိုၿပီး ပင္ပန္းဆင္းရဲျခင္းေတြကေန နည္းနည္းေလာက္ျဖစ္ျဖစ္
သက္သာရာရေစခ်င္တာပါပဲ။?
အဓိက လိုခ်င္တာ အဲဒါေလာက္ေလးပါပဲဗ်ာ...
အမတို႔အဲ့အခ်ိန္မဲေပးတုန္းကလည္း က်ေနာ္တို႔မိသားစုလဲ အဲဒီဖက္ပါပဲ။ က်ေနာ္လဲ မဲေပးခ်င္လိုက္တာလို႔ ခဏခဏေျပာခဲ့မိတယ္။ အသက္ကမျပည့္ေတာ့ မေပးလိုက္ရဘူး အဲ့တုန္းက..မဲအမ်ားဆံုးရသူကိုေၾကျငာေတာ့ လူတိုင္းနီးပါးေပ်ာ္ၾကတာ မွတ္မိေနပါရဲ့.. အခုေတာ့..က်ေနာ္ထင္တယ္ အခ်ိန္ကစကားေျပာသြားပီဆိုေတာ့ ဘယ္သူမဲမ်ားမ်ား ..ျပည္သူေတြကေတာ့ စိတ္မ၀င္စားေတာ့ဘူးလို႔ထင္တယ္။