နာလိုက်ရသော တရားတော်နှင့် ဆက်စပ်၍

ကျမတို့ နေတဲ့နေရာလေးက အေးချမ်းပါတယ်။ သစ်ပင်ရိပ်ကလေးတွေနဲ့ ငှက်ကလေးတွေနဲ့ဆိုတော့ တောရိပ်မကင်းတဲ့ ပတ်ဝန်းကျင်လေးပေါ့။ ကျမတို့နဲ့ မလှမ်းမကမ်းမှာ ဘုန်းကြီးကျောင်းတွေ၊ ရိပ်သာတွေ ရှိပါတယ်။ အိမ်နားက ဘုန်းကြီးကျောင်းကတော့ မေမေသွားနေကျကျောင်းပေါ့။ ဥပုသ်နေ့ဆို အဲဒီကျောင်းကိုဆွမ်းချိုင့်ပို့ရင်း ဥပုသ်သီတင်းဆောက်တည်တတ်ပါတယ်။ ကျမတို့ကတော့ အိမ်မှာပဲစောင့်တဲ့ အိမ် ဥပုသ်ပေါ့။ ဒါပေမယ့် မနက် ၈နာရီခွဲလောက်ကနေ ဆရာတော် သီလမပေးခင် ၉နာရီခွဲလောက်အထိ တရားခွေကို လော်နဲ့ဖွင့်တတ်ပါတယ်။ ( အန်တီစုအိမ်ရှေ့ သွားအော်တဲ့ လော်မျိုးတော့ မဟုတ်ဘူးထင်ရဲ့.....:)

 ဒီနေ့မနက်ကတော့ သီတဂူဆရာတော် ရှင်ဉာဏိဿရ ရဲ့တရားတော်ဖွင့်ပါတယ်။ ကျမလည်း ညက တော်တော်ညဥ့်နက်သွားတာရော..ကလေးတွေ ကျောင်းမရှိတဲ့ ဒီနေ့လိုမျိုးဆို နဲနဲပိုအိပ်တတ်တာကြောင့် ဆရာတော့်တရားသံကို အိပ်ချင်စိတ်နဲ့ပဲ ကြားနေရပါတယ်။ နောက်တော့ ဘိုးတော်ဦးဝိုင်းနဲ့ ဦးပေါ်ဦးတို့အကြောင်းရောက်တော့ နားစိုက်ထောင်ရတဲ့ အခြေအနေရောက်သွားရပါတော့တယ်။ ဘုရင်နဲ့ နန်းတွင်းက မိဘုရားတို့ ၀န်ကြီးတို့တွေ လှေပြိုင်မယ့်အကြောင်းလေ။ ဘုရင်ပြိုင်မယ့်လှေကို စီစဉ်ရတာက အမတ်ကြီးဦးပေါ်ဦး။ လှေပြိုင်မယ့်နေ့ကျတော့ စီစဉ်ထားတဲ့လှေက ပြိုင်လှေလို ပေါ့ပေါ့ပါးပါး ဦးချွန်လှေမဟုတ်ပဲ ဦးဝိုင်းနေတဲ့ လှေအကြီးဖြစ်နေပါတယ်။ ဘုရင်ကလည်း ဖြစ်ပါ့မလားပေါ့။ ဦးပေါ်ဦးကလည်း ဘုရင်နံမယ်နဲ့လိုက်အောင် ဦးဝိုင်းတဲ့လှေကို စီစဉ်ထားတဲ့အကြောင်းပြောပါတယ်။ နောက် လှေပြိုင်တော့ ဘယ်ပြေးပါ့မလဲ။ ကမ်းစပ်နားမှာပဲ တ၀ဲလည်လည် ဖြစ်နေတော့တာပေါ့။ ဦးပေါ်ဦးကလည်း မပူပါနဲ့ နိုင်မှာပါချည်းပဲ။ အဲဒီလိုနဲ့ လှော်လိုက်တာ... သူများတွေ အကုန်ရောက်ပြီး တရေးတမောအိပ်လောက်တော့မှ ရောက်တာပေ့ါ။ အဲဒီတော့ ဘုရင်ကြီးလည်း တော်တော်စိတ်တိုလာပြီ။ ဦးပေါ်ဦးကို ဆူတာပေါ့။ မင်းပြောတော့ နိုင်မယ်ဆို.. ခုကျတော့ နောက်ဆုံးမှ ပါလား..ဘာညာပေါ့လေ။ ဦးပေါ်ဦးကလည်း ကျွဲချင်းခတ်တဲ့ ကျွဲပြိုင်ပွဲလိုပေါ့။ ရှုံးတဲ့သူက အရှေ.ကနေပြေးနေရပြီး နိုင်တဲ့သူက အနောက်ကနေ ခတ်ဖို့အပြေးလိုက်ရတာလေ..လို့ ဘုရင့်သဘောကျလောက်တဲ့ ဥပမာ ဥပမေယျတွေ အပြကောင်းသွားလို့ နောက်ဆုံးတော့ ဘုရင်ကြီးလည်း ဦးပေါ်ဦးရဲ့ ကျွဲနိုင်နွားနိုင် နိုင်ခဲ့ရတာကိုပဲ ကျေနပ်လိုက်ရသတဲ့။ ကျမကတော့ ရယ်လိုက်ရတာ..။ အဲ .. မပြီးသေးဘူး။ ဆရာတော်ကပြောသေးတယ်။ တို့တွေလည်း ဘုရားလောင်းကျင့်စဉ် ကျင့်နေတာပဲတဲ့။ Unguided, independent, stand on own foot..တဲ့။ လမ်းညွှန်မှုမလိုဘူး၊ ကိုယ့်အားကိုယ်ကိုး၊ ကိုယ်ခြေထောက်ပေါ်ကိုယ်ရပ်၊ ကိုယ်လမ်းကိုယ်ဖောက်တဲ့ ဘုရားလောင်းလမ်းစဉ်တဲ့။ အဲလိုပြောတော့လည်း ဘယ်ဆိုးလို့လဲနော့..။ ဒါပေမယ့် ဟိုက လေးအသင်္ချေနဲ့ ကမ္ဘာတစ်သိန်းတောင် သတ္တ၀ါတွေအကျိုးအတွက် ပါရမီဖြည့်ကျင့်ခဲ့တာလေ။ အော်... ဆရာတော်က ဘိုးတော်ဦးဝိုင်းနဲ့ ဦးပေါ်ဦးအကြောင်း ပြောတာကလည်း နောက်ဆုံးကနေပေမယ့် အနိုင်ယူချင်နေတဲ့အကြောင်းပြောတာ။ 

ကျမတော့ ဆရာတော့်ကို လေးစားကြည်ညိုပါတယ်။  တကယ်တမ်းကျတော့ ရခဲလှတဲ့ လူ့ဘ၀ကြီးမှာ အရင်းမရှုံးလေအောင် သာသနာနဲ့ ကြုံကြိုက်နေတုန်း အချိန်ရှိသရွေ. သံသရာကလွတ်လမ်းကို ရှာတွေ.အောင် ကြိုးစားနေရမှာပါ။ ဆရာတော်ကတော့ ကျင့်ကြံတဲ့အလုပ်တွေ မလုပ်နိုင်သေးဘူးတဲ့။ သူ့မှာ ဆေးရုံအတွက်၊ သာသနာ့တက္ကသိုလ်အတွက်. သူလုပ်နေတဲ့ အလုပ်တွေက များလွန်းနေတာကို အကြောင်းပြပြီး တရားအားထုတ်တဲ့ အလုပ်ကို မလုပ်နိုင်သေးကြောင်း သူ့အကြောင်းပြချက်ကို ပြောပါတယ်။ ကျမတို့တွေကရော.. ဘယ်သူတွေအတွက် လုပ်နေလို့၊ ဘယ်သူ့ကောင်းကျိုးတွေမှာ နေ့မအား ညမနားဆောင်ရွက်နေရလို့ ..ဘယ်လိုအကြောင်းပြချက်တွေ ပြပြီး မေ့မေ့လျော့လျော့ နေနေပါလိမ့်နော်....။